Josua 9:11 - Uwumbɔr aagbaŋ

¹¹ Timi aayidam, ni binib bimɔk bi timi aatiŋ ponn ni na le bui ke ti ban tijikaar, aan ki chuun tooh ni nimi nsan pu, ki tuk timi ke ti nan koo nimi, aan ki ban ke ti ŋa kimɔbaan.

Josua 9:11 Iomraidhean Croise

Mpiin 43:12

Ni ki li joo ŋimombil nfum mulee pu; ba pu? ni ŋan ke ni li joo ŋimombil ŋi bi nan giin ŋa nimi aabɔtɔ tiib ponn ni na. Nibaakan bi nan chinn la.

2 Bibɔrb 10:5

Kina pu le libɔrdichal ni aaninkpel, ni kitiŋ ngbaan aaninkpel, ki di kpee kaanikpaam, ni ubɔr aayaabitiib aajojoob di inaŋ imina tun Jehu chee: “Ti ye saatutum la, le ki ga ŋa saah bui timi ke ti ŋa pu na mɔmɔk. Tɔ, taan ŋmaa di ubaa kaan nnaan, ŋa saah dak aasui ni pu na.”

Esta 8:17

Ntim mɔmɔk ni, ni ŋipepel mɔmɔk ni, nin chee bi nan karn ubɔr aakaal ngbaan na, Juu yaab nan kpa lifuur aawiin ki ji njim ki kpa mpopiin. Ibamɔn, binib bi kaa ye Juu yaab na pam nan kpaln Juu aanib; ba pu? bi nan gur san bi ijawaan la.

Tibɔnyaan ti Luk ŋmee ti na 9:3

“Ni taa li tu lisachuln aatuln libaa. Ni taa li joo kijaangbeek, ki taa li joo litaakɔr, ki taa li joo tijikaar, ki taa li joo ŋimombil, ki taa li joo ŋibɔkul ŋilee.

Josua 1:11

ke bi bɔ dii binib ngbaan ponn ni ki tuk bi ke, “Gor man ki ban tijikaar; ba pu? ni gur iwiin itaa, ti ga puur Jɔɔdann Aamɔɔl, ki koo kitiŋ ki Tidindaan Uwumbɔr ga di tii timi na ni.”

Josua 9:10

ni waah ŋa Amor yaab aabɔrb bilee bi nan bi Jɔɔdann aawipuul wɔb na pu na: Ubɔr Sihonn u nan ka Hesbonn aatiŋ ni na, ni Ubɔr Og u nan ye Basann yaab aabɔr ki ka Astarof aatiŋ ni na.

Josua 9:12

Lik timi aaboroboro aah ŋa pu na. Buyoonn ti nan nyan ni tido ki choo na, u nan laa ton la. Lik man, u kuur ki wuun a.

Josua 9:8

Le bi bui Josua ke, “Ti ban ti ŋa nimi aatutum la.” Le Josua baa bi ke, “Ni ye lilanibol ni aanib? Ni nyan ni la chee?”