Josua 8:6 - Uwumbɔr aagbaŋ

⁶ Le bi ga paan ti pu, le ti ga cha bi paan ti pu ki buen dandar. Le bi ga dakl ke ti ki bi san ke taah nan san pu na la.

Josua 8:6 Iomraidhean Croise

Nnyam 14:3

Ubɔr ngbaan ga li dak ke Israel yaab yenn le ki chuun kitiŋ ngbaan ni, ki bi nteersakpiin ni, kaa ŋmaa nya.

Nnyam 15:9

Timi aadin bui ke, ‘M ga paan bi pu aan ki chuu bi. M ga yakr baawangol le ki nyan maah gee ni na. M ga di maajaak aajuk le ki jenn bi ki gaa baah kpa tiwan ni na mɔmɔk.’

Ulandaan 8:11

Ba ŋa binib gee ki tun titunwanbir? Naah ye pu na le ye ke baa dar titunwanbirdam aatafal mala ke baah tun ti pu na.

Ulandaan 9:12

Ubaa aa nyi buyoonn nkun ga pii u na. Nkun bub chur unii ke gaawɔb, bee kipɔɔk aah chur inyoon pu aan yaa nyi na la.

Josua 8:5

M ni bijab bi gur na ga buen kitiŋ ngbaan aanimbiin ni wɔb. N‑yoonn mu Ai yaab ti fii lir ti pu na kan, ti ga fenn le ki san, ke taah nan san njan pu na.

Josua 8:7

Le ni nyan ni kitiŋ ngbaan aapuwɔb, naah bɔr nin chee na, ki nan lir kitiŋ ngbaan pu, ki ku binib bimɔk gur ki ponn ni na. Nidindaan Uwumbɔr le ga nyaŋ kitiŋ ngbaan tii nimi.

Bibɔjirb 20:32

Benjaminn yaab ngbaan nan bui ke, “Ti ki nyaŋ bi ke taah ti ŋani pu na la.” Tɔ, Israel yaab biken nan kpokl ke bi di bi foor nyan baatiŋ ni ki di bi buen nsan ni la.