Josua 7:2 - Uwumbɔr aagbaŋ

² Josua nan nyan waanib Jeriko aatiŋ ni, ki tun bi Ai aatiŋ ni, kitiŋ ngbaan nan bi Betel aawipuul wɔb la, ki bi gbɔk Bef Afenn aatiŋ na, ke bi chuun pekr lik kitiŋ ngbaan. Baah buen ki labr ni na,

Josua 7:2 Iomraidhean Croise

Mpiin 12:8

Nimina aapuwɔb, le u ki fii ki buen ŋŋangii wɔb, ki ti fuu ŋijoo aatiŋ ki bi Betel aawipuul wɔb na, ki kal Betel ni Ai aakaasisik ni. Betel nan bi liwilir wɔb, Ai mu nan bi liwipuul wɔb. Nima chee mu u nan ki maa kitork aabimbiln, le ki toor kitork ki doon Uwumbɔr.

Mpiin 28:19

le ki yin nima chee ke Betel. Bi nan yin kitiŋ ngbaan n‑yoonn mubaa ke Lus.

1 Bibɔrb 12:29

U nan di unaajabo naankee ubaa siin Betel aatiŋ ni, le ki di uken na mu siin Dann aatiŋ ni.

Nehemia 11:31

Binib bi nan ye Benjaminn aanibol yaab na nan kal Geba, ni Mikmas, ni Ai, ni Betel, ni itingbaan i bi gbɔk nima na,

Ŋiyataŋak 20:18

Kan nsurm mu ŋan na ki kan linyaŋ; taa di bil bil ti koo butɔb ni kaa ŋa bu aalandak waahr.

Ŋiyataŋak 24:6

ba pu? see aa dakl lik mbamɔm waahr le ki nin ban butɔb, le nsurm nyaan mu aa kan na ga cha aa nyaŋ saadim.

Aisaya 10:28

Nimi aadim aajab nyaŋ Ai yaab a. Bi kpaan jer Migronn a. Bi di baawan bil Mikmas la.

Jeremia 49:3

Hesbonn aanib, li wii man. Ai aatiŋ kuln a. Raba aapiib, li wii ikpowiil man. Di tiwanpeenkaan ni saak kuub na ki di peen ki li wii. Li san gonni man. Bi ga yoor nimi aawaal Milkom buen tinaagbiir ni, ki kpaan yoor laatotoorb ni laawaadabim mu.

Hosea 4:15

“Tɔ, nimi Israel aanib aa kii maamɔb, Juda yaab ma taa ji kina aabɔkpol. Ni taa ki buen Gilgal, bee Bef Afenn ki ti doon mi, ki taa puu tipuur nima chee min Uwumbɔr u bi na aayimbil pu.

Matiu 10:16

“M ga tun nimi, ni ti moon Uwumbɔr aabɔr. Ni ga li bi ke ipiih i bi ŋisapol aakaasisik ni na la. Ni li kpa nlan ke iwaa aah kpa nlan pu na, ki li bi suuna ke ŋinanjel aah bi pu na.

Efesusi 5:15

Nima pu na, ni li nyi man, ki li bi mbamɔm. Ni taa li bi ke bijɔrb aah bi pu na. Ni li kpa laasaab man.

Josua 12:9

Israel yaab aah nan nyaŋ bibɔrb bi aatim na le paa na: Jeriko, ni Ai, ki nan bi gbɔk Betel chee na,

Josua 18:12

Ŋŋangan wɔb, baatiŋ aanaanmɔk le nan yoor ni Jɔɔdann Aamɔɔl mɔk, ki di kina ti ker Jeriko aatiŋ aaŋangan wɔb, le ki nyan nima ki di buen liwilir wɔb, ki di dii ŋigongon aatiŋ ponn ni ki ti kar Bef Afenn aateersakpiin pu.

Josua 2:1

Baah nan bi Sitim aatiŋ ni na, le Josua tun bipepekr bilee, ke bi buen Kanaann aatiŋ ni, ki loon lik ke Jeriko aatisakpeŋ aanib bi kinye. N‑yoonn mu bi ti fuu kitisakpeŋ ngbaan ni na, le bi buen pateer u bi nan yin u ke Rahab na do.

Josua 7:3

le bi gir nan tuk Josua baah ti kan pu na ke, “Naa ye ti mɔmɔk le ga buen ti to Ai yaab butɔb. Aa yaa cha bijab ŋichur ŋilee, bee ŋitaa kina buen kan, ni ga ŋeer. Taa cha bijab ngbaan mɔmɔk buen bi ti to bi; kitiŋ ngbaan aa wiir kpala.”

1 Samuel 13:5

Filistia yaab nan kuun ke bi ni Israel yaab jan kijaak. Bi nan kpa butɔb aataan aatɔroku mam ŋichur piitaa la, ki kpa bijab bi dik itaan pu na ŋichur ŋiloob, ki kpee bijab bi wiir ke limɔɔgbaln aatambol na. Bi nan buen Mikmas, kitiŋ ki bi Bef Afenn aawipuul wɔb na, le ki ti kuun kal nima,

1 Samuel 14:23

ki dii Filistia yaab ki ti jer Bef Afenn ni. Uwumbɔr nan gaa Israel yaab lii liyaadaal ngbaan.

1 Samuel 30:27

U nan di ni tun tii Betel aanib, ni Rama aanib bi bi Juda yaab aapepel aaŋangii wɔb na, ni Jatir,