Josua 7:11 - Uwumbɔr aagbaŋ

¹¹ Israel yaab le tun titunwanbir. Maah bui bi ke bi taa ŋa pu na, bi yii ki ŋa ni. Tiwan ni m nan bui bi ke bi bii ni na, bi yii ki yoor ni. Bi sun tiwan ngbaan, le ki gii inyamɔn ni pu, ki di kpaan baawan ponn ni.

Josua 7:11 Iomraidhean Croise

2 Bibɔrb 18:12

Israel yaab aah kaa nan kii Bidindaan Uwumbɔr aamɔb, ki bii tipuur ti u nan puu tii bi na, ki yii ikaal i mɔmɔk Uwumbɔr aatutunn Moses nan di tii bi na pu le Samaria aatiŋ nan ber. Baa nan ŋun kaa kii tii u.

2 Bibɔrb 5:24

Baah nan ti fuu Elaisa aah koo ligongoln li chee na, le Gehasi gaa tikpalɔnn tilee ngbaan ki di koon lidichal ngbaan ni, le ki cha Naamann aanaagbiib ngbaan gir.

Aisaya 24:5

Binib ngbaan bii kitiŋ la; bi kool Uwumbɔr aakoobil ki bii tipuur ti u nan puu ke ti li bi ki cha n‑yoonn mu kaa kpa ndoon na.

Jeremia 31:32

Taan le bi ke tipuukpok ti m nan puu tii biyaajatiib, buyoonn m nan chuu biŋaal ki daar nyan bi, ki cheen bi nyan Ijipt aatiŋ ni na. M nan bi ke chal na le ki tii bi, bi mu aa nan joo tipuur ngbaan.

Hosea 6:7

“Tɔ, baah ti kpaan koo kitiŋ ngbaan ni na, le bi bii tipuur ti m ni bima nan puu tii tɔb na, ke Adam aah nan bii pu na.

Liifai Yaab 5:15

Ni ponn ni ubaa yaa kaa nyi le kaa pan Uwumbɔr tipar ti bi chain na kan, u tun titunwanbir Uwumbɔr chee. Nima pu na, u li joo ni upihja, bee uŋoja u ŋan na, ki nan tii Uwumbɔr lipɔln aatork. Kiwakork ngbaan aadaak li dii Uwumbɔr aakaal aah siin pu na.

Habakuk 2:6

Bi mɔmɔk ga ŋa u mbɔnyun ni yaansara ki len ke, “Unii u kuun kinaayuk aawangol ki gaal binib aawan mpɔɔn pu bilni na aamɔfal ga kuln. Kina aatuln ga yunn kinye?”

Sekaria 5:4

Uwumbɔr Mpɔɔnsakpiindaan bui ke, ‘M ga cha tipuun ngbaan buen, le ti ga ti koo unaayuk mɔmɔk, ni unii umɔk puur tipuur maayimbil ni ki geei inyamɔn na aadichal ni. Ti ga gaar baadichal ni le ki ti kuln li kookoo.’”

Matiu 22:21

Le bi bui u, “Siisa yaan.” Le u bui bi, “Nima pu na, di ni ye Siisa yaan na, ki di tii u man, ki di ni ye Uwumbɔr yaan na, ki di tii Uwumbɔr.”

Lituln 5:9

Le Piita baa u, “Ba ŋa aa ni aachal mɔmɔk kpaan kimɔbaan ke ni ga tɔŋ Uwumbɔr Aafuur Nyaan? Lik, binachipɔm bi sub aachal na fuu ni mbisamɔb. Le bi ga yoor aa mu ki nya lipaal.”

Ikaal 17:2

“Nibaakan, ni ga ŋun ke nimi aatiŋ kibaa ponn ni uja, bee upii tun Uwumbɔr titunwanbir ki bii waakaal,

Hiibru Yaab 4:13

Tiwan nibaa aa bi ki bɔr Uwumbɔr. Tibɔr mɔmɔk nyan ki dɔ mpaan pu, ki dɔ tiŋmeen unimbil ni. Uma le ti ga len timi aabɔr ki tuk u.

Josua 23:16

Ni yaa kaa joo nkaal mu Nidindaan Uwumbɔr bui nimi ke ni li joo mu na, ki yaa dooni ŋiwaa kan, waaŋuul ga fii, le u ga daa nitafal, naan yunn le ni mɔmɔk ubaa kina aan ki gur kitinyaan ki u di tii nimi na ponn ni.”

Josua 7:1

Uwumbɔr aah nan bui Israel yaab ke bi bii Jeriko aawan ki taa yoor nibaa na, baa nan kii waamɔb. Baah nan yin uja u ke Akann na le aa nan kii Uwumbɔr aamɔb, nima pu le Uwumbɔr aaŋuul nan fii Israel yaab pu. Akann nan ye Kami aajapɔɔn la, le ki nan ye Sabdi aayaabil, bi nan ye Sera aataŋaal ni aanib la, le ki ye Juda aanibol ni aanib.

Josua 7:10

Le Uwumbɔr bui Josua ke, “Fii sil. Ba ŋa aa dɔ kitiŋ kina?

Bibɔjirb 2:20

Le Uwumbɔr aaŋuul ti fii Israel yaab pu sakpen, le u bui ke, “Litimbol limina bii tipuur ti m nan bui biyaajatiib ke bi li joo ti na. Baah kaa kii maamɔb pu na,

1 Samuel 14:38

Le Sɔɔl bui binib ngbaan aayidam ke, “Dan do man, ki nan lik ke ba aatunwanbir ti tun din wee.