Josua 6:6 - Uwumbɔr aagbaŋ

⁶ Josua nan yin bitotoorb ngbaan, le ki nan bui bi ke, “Yoor Uwumbɔr Aakaal Aadakaa ngbaan, aan ni ponn ni bilole loln ni pu nsan, ki li joo ikpiinja aayiin.”

Josua 6:6 Iomraidhean Croise

Nnyam 25:14

Ni di ŋidabil ŋilee ngbaan bɔ ŋa ibuen inaa i dab baa dakaa ngbaan pu na.

Lituln 9:1

Sɔɔl ma nan beenin kpa liŋuul Tidindaan aadidiliib pu, ki ban ke u chuu bi ki ku bi. U nan ban ke u buen Damaskus aatiŋ ni, ki ti ban bi, bijab ni bipiib mɔmɔk, ki chuu bi mpɔɔn, ki di tikululn buu bi, ki di gir dan Jerusalem. Le u buen Uwumbɔr aatotoorninkpel chee, ke u ŋmee kigbaŋ tii u. U yaa ti fuu Damaskus aatiŋ ni kan, u ga di kigbaŋ ngbaan mɔk mmeen aadir aaninkpiib, ke bi cha u chuu binib bi dii Yesu aasan na.

Josua 24:11

Le ni nan puur Jɔɔdann Aamɔɔl ki dan Jeriko aatiŋ ni. Le Jeriko yaab ton nimi butɔb. Nee aapuwɔb, le Amor yaab, ni Peris yaab, ni Kanaann yaab, ni Hef yaab, ni Girgas yaab, ni Hif yaab, ni Jebus yaab mu nan ton nimi butɔb, le m nan cha ni nyaŋ bi mɔmɔk.

Josua 3:3

le ki bui ke, “N‑yoonn mu ni ti kan bitotoorb yoor Tidindaan Uwumbɔr Aakaal Aadakaa tun na kan, ni fii ki li dii bi man.

Josua 3:6

Josua nan bui bitotoorb ke bi yoor Uwumbɔr Aakaal Aadakaa aan ki loln binib ngbaan pu nsan, le bi ŋa waah len pu na.

Josua 6:5

Bi mɔmɔk kpaan ki pii baakpiin mpɔɔn pu. N‑yoonn mu ni ti ŋun kina na kan, bijab ngbaan mɔmɔk kpaan ki faa ikaa, le kitiŋ ngbaan aagoln ga lir kitiŋ. N‑yoonn ngbaan le bijab mɔmɔk ga koo kitiŋ ngbaan ni.”

Josua 6:7

U nan cha waajab piin ki chuun mann kitiŋ ngbaan, le bibaa loln bitotoorb bi tu Uwumbɔr Aakaal Aadakaa na pu nsan.

Josua 6:8

Nima pu na, Josua aah nan tii limɔboln li na pu, bijab ngbaan bibaa nan loln bitotoorb bi joo ikpiinja aayiin na nsan; le bitotoorb bi mu tu Uwumbɔr Aakaal Aadakaa na paan bi pu, le bijab bi gur na bee puwɔb. N‑yoonn mumina mɔmɔk bitotoorb nan pii ikpiin le ki chuun cha.

1 Samuel 4:3

Bijab bi nan ŋmar na aah nan fuu ni baah nan tiŋ ka nin chee na, le Israel aayidam bui ke, “Ni ŋa kinye aan Uwumbɔr cha Filistia yaab ngbaan nyaŋ timi din wee? Cha ti buen Silo man, ki ti yoor ni Uwumbɔr Aakaal Aadakaa, aan u dii timi buen ki ti gaa timi lii timi aadim chee.”