Josua 6:4 - Uwumbɔr aagbaŋ

⁴ Nyan bitotoorb bilole, bi mɔmɔk ubaabaa ga li joo ikpiinja aayiin, ki loln binib bi tu Uwumbɔr Aakaal Aadakaa na pu nsan. Winlole daal kan, aa ni saajab ga chuun mann kitiŋ ngbaan nfum mulole, n‑yoonn ngbaan le bitotoorb bi joo ikpiinja aayiin na pii ikpiin.

Josua 6:4 Iomraidhean Croise

Mpiin 2:3

Uwumbɔr nan ŋa tinyoor ŋa winlole daal pu ki ŋa mu chain, ba pu? waah nan naan dulnyaa aawan mɔmɔk doo na, liyaadaal ngbaan le u kal ki fuur.

1 Bibɔrb 18:43

U nan bui waatutunn ke, “Li cha ki ti lik nnyusakpem wɔb.” Ututunn ngbaan nan buen ki gir ni, ki nan len ke, “Maa waa nibaa.” Elaija nan cha u gir ti lik ki ti saa nfum mulole.

2 Bibɔrb 5:10

Le Elaisa tun waatutunn ke u ti bui u ke u li cha Jɔɔdann Aamɔɔl ni ki ti fu laanyun nfum mulole, le waaween ngbaan ga doo pel pel.

2 Bibɔrb 5:14

Kina pu le Naamann nan buen Jɔɔdann Aamɔɔl ni, le ki ti di ubaa pɔɔn nnyun ni nfum mulole, Elaisa aah tuk u ke u ŋa pu na, le waaween ngbaan doo pel pel. Uwon nan pɔɔk ki jɔŋ pɔl pɔl ke ubo aawon na.

2 Bibɔrb Aabɔr 13:12

Uwumbɔr ubaa le ye timi aasaloln, le waatotoorb bi do, ki gor ke bi pii ikpiin aan ti to nimi butɔb. Israel aanib, taa tak niyaajatiib Aadindaan Uwumbɔr. Naan ŋmaa nyaŋ u.”

2 Bibɔrb Aabɔr 20:17

Naa ye ke nimi le ga jan butɔb bue ni. Nima li cha ki ti lul sil ki li kii; ni ga kan ke Uwumbɔr tii nimi linyaŋ a. Juda ni Jerusalem aanib, taa joo beeni ki taa san ijawaan man. Nya buen butɔb ni man, le Uwumbɔr ga li bi ni chee.”

2 Bibɔrb Aabɔr 20:19

Liifai yaab bi ye Kohaf ni Kora aataŋaal pu yaab na nan fii sil le ki teen mpɔɔn pu, ki pak Israel yaab Aadindaan Uwumbɔr.

2 Bibɔrb Aabɔr 20:21

U ni binib ngbaan aah nan kpokl tibɔr na aapuwɔb, le u cha bilahngaab di baawanpeenkaan ni bi joo peeni iwinyaan daal na peen, ki loln butɔb aajab pu nsan, ki gaa nlahn ke, “Pak Uwumbɔr man. Waageehm aa kpa ndoon.”

Job Aagbaŋ 42:8

Tɔ, dandana chuu man inaaja ilole ni ipihja ilole ki di buen Job chee, ki ti toor kitork tii nibaa pu. Job ga mee limeel tii nimi, le m ga kii waameel, ki taa jinn nimi inimɔɔn naah ŋeer pu na. Naa len ibamɔn m pu ke waah len pu na.”

Aisaya 27:13

Nwiin ngbaan daal yaa nan fuu ni kan, kakaan ga wii ki yin Israel yaab bi bi Asiria ni Ijipt aatim ni tinaagbiir ni na ke bi gir ni. Bi ga dan ki nan doon Uwumbɔr, Jerusalem aatiŋ ponn ni, waajool paab.

Liifai Yaab 14:16

ki di uŋangii aaŋanbik bɔ mu ni, ki di yɔk yɔk Uwumbɔr aanimbiin ni, nima chee, nfum mulole.

Liifai Yaab 4:6

ki di uŋanbik bɔ nsin ngbaan ni, ki di yɔk yɔk chain aakekeln chee, nfum mulole,

Sekaria 4:2

U nan baa mi ke, “Aa waa ba?” Le m gar u ke, “Karyaa aah chɔŋni salmaa aawan ni pu na. Likpasambil chɔk ni paacham. Karyaa tiib bilole le chɔk ni pu ki kpa ŋipal.

Sekaria 4:6

Ntuun ngbaan le nan di tibɔr ti Uwumbɔr di tuk u na tuk mi, ke m di nabr Serubabel ke, “Aa ga nyaŋ, ni mu aan li ye bijab aapɔɔn, bee sin aabaa aapɔɔn, ni ga li ye Maafuur Nyaan aapɔɔn pu la.

Nkahm 23:1

Balaam nan bui Balak ke, “Maa kitork aabimbin ŋilole siin mi, aan ki li joo ni inaaja ilole, ni ipihja ilole.”

Josua 6:3

Aa ni saajab ga chuun mann kitiŋ ngbaan aagoln nfum mubaa liwinbaal, ki ti saa iwiin iloob.

Josua 6:5

Bi mɔmɔk kpaan ki pii baakpiin mpɔɔn pu. N‑yoonn mu ni ti ŋun kina na kan, bijab ngbaan mɔmɔk kpaan ki faa ikaa, le kitiŋ ngbaan aagoln ga lir kitiŋ. N‑yoonn ngbaan le bijab mɔmɔk ga koo kitiŋ ngbaan ni.”

Tibɔkpiirkaan 1:20

Saah kan iŋmabi ilole i ŋŋangii ni, ki kan salmaa aawan ni pu karyaa tiib tɔŋni na tiwan nilole na, naatataa le ye ke iŋmabi ilole ngbaan si maanib bi bi ntim mulole ngbaan ni na aatuuntiib aasisiiyaan. Karyaa tiib aah tɔŋni tiwan ni pu, aan ni ye nilole ngbaan mu si maanib bi bi ntim mulole ngbaan ni na aasisiiyaan.

Tibɔkpiirkaan 1:4

Min Jɔnn le ŋmee kigbaŋ kee ke m tii Yesu aanib bi bi Asia aatim mulole ni na. Uwumbɔr u nan bi, ki beenin bi, ki ga li bi n‑yoonn mu kaa kpa ndoon na, ni Waafuur mulole mu bi waabɔrjal chee na, ni Yesu Kristo, ŋa tinyoor ŋa ni pu, ki tii nimi nsuudoon. Yesu Kristo len mbamɔn, ki puen fikr nkun ni, ki ye dulnyaa wee ni aabɔrb aayidaan. U gee timi la, ki di waasin finn timi, ki nyan timi titunwanbir ni, ki gaa timi lii,

Tibɔkpiirkaan 10:3

le ki teen mpɔɔn pu ke uchinn aah tar pu na. Waah teen kina na, le utaal mu teen nfum mulole.

Tibɔkpiirkaan 15:1

M nan ki kan lijinjiir aawan niken paacham. Ni nan ye tiwankpaan, le ki gar mi pam. M nan kan Uwumbɔr aatuuntiib bilole bi joo ni falaa bilole na. Falaa ngbaan ga li ye gbelngbeln aafalaa la; ba pu? falaa ngbaan aapuwɔb Uwumbɔr aaŋuul ga sɔŋ.

Tibɔkpiirkaan 15:7

Le tiwanfuurkaan ninaa ponn ni nibaa di salmaa aasambil ŋilole tii Uwumbɔr aatuuntiib bilole ngbaan. Uwumbɔr u bi n‑yoonn mu kaa kpa ndoon na aaŋuul aah fii pu na le gbii ŋisambil ngbaan.

Tibɔkpiirkaan 16:1

Le m ŋun nneel sakpiin nyan ni Uwumbɔr Aadichal ni, ki tuk Uwumbɔr aatuuntiib bilole ngbaan ke, “Li cha ti di falaa u bi ŋisambil ŋilole ni na kpir dulnyaa ni; ba pu? Uwumbɔr gee liŋuul bi pu.”

Tibɔkpiirkaan 5:1

Le m kan Uwumbɔr u ka libɔrjal pu na ŋub kigbaŋ uŋangii ni. Kigbaŋ ngbaan nan kpa ŋŋmeen ŋipepel mɔmɔk, ki dab ŋimɔgbin nfum mulole.

Tibɔkpiirkaan 5:6

Le m kan Upihbo si libɔrjal, ni tiwanfuurkaan ninaa, ni bininkpiib na aakaasisik ni. Upihbo ngbaan kpa libuel uneen ni ke baah kɔr u le na, ki kpa iyiin ilole ni ŋinimbil ŋilole ŋi ye Uwumbɔr Aafuur mulole mu Uwumbɔr tun ni mu ŋipepel mɔmɔk dulnyaa wee ni na.

Tibɔkpiirkaan 8:2

Le m kan Uwumbɔr aatuuntiib bilole bi si Uwumbɔr aanimbiin ni na. Le bi tii bi kakaan tiib bilole.

Tibɔkpiirkaan 8:6

Le Uwumbɔr aatuuntiib bilole bi ŋub kakaan tiib bilole na gor ke bi pii.