Josua 6:3 - Uwumbɔr aagbaŋ

³ Aa ni saajab ga chuun mann kitiŋ ngbaan aagoln nfum mubaa liwinbaal, ki ti saa iwiin iloob.

Josua 6:3 Iomraidhean Croise

2 Bibɔrb Aabɔr 4:3

U nan ŋa nyɔla nyɔla nfum mulee pu toŋ mu aamɔgbaln. Nyɔla nyɔla tiib ngbaan naahn inaaja la, le ni ni nkin ngbaan aakur ye likubaal.

Nkahm 14:9

Taa yii Uwumbɔr man, ki mu taa san binib bi koo nima chee na ijawaan. Ti ga ŋmaa nyaŋ bi, naan li pɔɔ. Uwumbɔr bi ti chee, le ki nyaŋ baawaa ŋi kii bi na; nima pu na, taa san ijawaan man.”

2 Korenti 4:7

Timi bi kaa kpa mpɔɔn na, Uwumbɔr di tibɔnyaan ti kpa mpɔɔn sakpen na ŋa tiŋaal ni, aan binib bee ke tibɔnyaan ngbaan aapɔɔn nyan Uwumbɔr chee, naa ye ti chee.

Josua 6:11

U nan cha binib bi tu Uwumbɔr Aakaal Aadakaa na, ni bijab chuun mann kitiŋ ngbaan nfum mubaa. Le bi ti gir baah doo nin chee na.

Josua 6:14

Winlee daal bi nan mann kitiŋ ngbaan, le ki ki gir baah doo nin chee na. Bi nan ŋa kina ki ti saa iwiin iloob.

Josua 6:2

Uwumbɔr nan bui Josua ke, “M ban m di Jeriko aatiŋ, ni kaabɔr, ni waajab bi kpa lipobil na ŋa aaŋaal ni la.

Josua 6:4

Nyan bitotoorb bilole, bi mɔmɔk ubaabaa ga li joo ikpiinja aayiin, ki loln binib bi tu Uwumbɔr Aakaal Aadakaa na pu nsan. Winlole daal kan, aa ni saajab ga chuun mann kitiŋ ngbaan nfum mulole, n‑yoonn ngbaan le bitotoorb bi joo ikpiinja aayiin na pii ikpiin.

Josua 6:7

U nan cha waajab piin ki chuun mann kitiŋ ngbaan, le bibaa loln bitotoorb bi tu Uwumbɔr Aakaal Aadakaa na pu nsan.