Josua 6:1 - Uwumbɔr aagbaŋ

¹ N‑yoonn mue le bi nan laŋ Jeriko aagoln aabisamɔi mɔmɔk ke Israel yaab taa ŋmaa koo kitiŋ ngbaan ni. Ubaa aan ŋmaa koo, ubaa mu aan ŋmaa nya kitiŋ ngbaan ni.

Josua 6:1 Iomraidhean Croise

2 Samuel 10:5

Inimɔɔn pu, baa nan ki ŋmaa gir kun. David aah ŋun baah ŋa bi pu na, le u naŋ tuk bi ke bi gaar Jeriko aatiŋ ni, aan bilangban ngbaan ki pa ni waahr.

2 Bibɔrb 17:4

Tɔ, libiln libaa ni, le Hosea nan tun Ijipt yaab aabɔr So chee, ke u nan ter u, le kaa ki pa libiln libiln aapar tii Asiria aatiŋ aabɔrkpaan. Salmaneser aah ŋun kina na, le u cha bi chuu Hosea ti laŋ kiyondiik ni.

2 Bibɔrb 2:4

Le Elaija bui Elaisa ke, “Tɔ, gaar do; Uwumbɔr bui mi ke m buen Jeriko aatiŋ ni.” Le Elaisa gar u ke, “Maah kii tii aa ni Uwumbɔr u bi n‑yoonn mɔmɔk na pu na, m puu ke maan buen nibaa chee ki cha si.” Le bi nan dii buen Jeriko aatiŋ ni.

Ilahn 127:1

Uwumbɔr yaa kaa maa lidichal kan, udimaar aatuln ye fam la; Uwumbɔr yaa kaa kiir kitiŋ kan, ukikiir u si kii na aatuln ye fam la.

Josua 16:7

le ki nyan Janoa nima ki di ti ker Atarof, ni Naara aatim mɔk, ki di ti fuu Jeriko aatiŋ ni, le ki ti doo Jɔɔdann Aamɔɔl chee.

Josua 18:21

Ntim mu nan ye Benjaminn aamaal aatim na le paa na: Jeriko, ni Bef Hogla, ni Emek Kesis,

Josua 2:1

Baah nan bi Sitim aatiŋ ni na, le Josua tun bipepekr bilee, ke bi buen Kanaann aatiŋ ni, ki loon lik ke Jeriko aatisakpeŋ aanib bi kinye. N‑yoonn mu bi ti fuu kitisakpeŋ ngbaan ni na, le bi buen pateer u bi nan yin u ke Rahab na do.

Josua 2:24

le ki bui ke, “Ni sil ye mbamɔn, Uwumbɔr le di kitiŋ ngbaan tii timi. Binib bimɔk bi nima na aapobil fii a.”

Josua 2:7

Le ubɔr aanib ngbaan siir buen, le bi laŋ kitiŋ ngbaan aabisamɔb aajaaleŋ. Binib ngbaan nan bi ban Israel yaab aapepekr na ki ti saa nsan aah puur Jɔɔdann aamɔɔl nin chee na.

Josua 5:15

Le Uwumbɔr aajab aaninkpel ngbaan bui u ke, “Chuu takr saanaatak; saah si nin chee na ye chain la.” Le Josua ŋa waah len pu na.

Josua 6:2

Uwumbɔr nan bui Josua ke, “M ban m di Jeriko aatiŋ, ni kaabɔr, ni waajab bi kpa lipobil na ŋa aaŋaal ni la.