Josua 5:9 - Uwumbɔr aagbaŋ

⁹ Le Uwumbɔr bui Josua ke, “Din wee, m nyan Ijipt yaab aanaagbiir aanimɔɔn ni pu.” Nima pu le bi yin kitiŋ ngbaan ke Gilgal, bi laa beenin yin kitiŋ ngbaan kina la.

Josua 5:9 Iomraidhean Croise

Mpiin 34:14

ki nan bui bi ke, “Taan cha tininkpan mɔn uja u kaa gii uchakpaln na, ni ga li ye inimɔɔn le ti chee.

2 Samuel 19:15

Waah cha na, le u ton Juda aajab, Jɔɔdann Aamɔɔl chee. Bi nan nyan ni Gilgal aatiŋ ni la, ke bi nan cheen u puur limɔɔl ngbaan.

Nehemia 12:29

ni Bef Gilgal, ni Geba, ni Asmafef aatim ni ki nan kpaan Jerusalem ni.

Ilahn 119:39

Nyan mi ŋisiibil ŋi m san ŋi ijawaan na ni; saakaal ye ikaal kpaan la.

Jeremia 9:25

Uwumbɔr nan ki bui ke, “N‑yoonn choo, le m ga nan daa Ijipt, ni Juda, ni Edom, ni Amonn, ni Moab, ni nteersakpiin ni aanib bi chee biyigbeer pu aayikpir na aatafal. Ba pu? Bi kaa ye Juda aanib binib bimina ponn ni na gii ŋichakpan, le kaa dii mi. Juda aanib ma kan, bi gii ŋichakpan, kaa tee joo lichakpangeei aakaal aah mɔk pu na.”

Esekiel 23:3

Baah nan laa ye nsapɔmbim ki koo Ijipt aatiŋ ni na, le bi bee bijab ki kpaln bidagoob.

Esekiel 23:8

U nan beenin tun waah nan bee uja Ijipt aatiŋ ni ki piin kidagook aatuln li na. Ki nyan waasapɔnn ni le bijab nan doo u chee ki ŋani u ke udagoor na.

Hosea 4:15

“Tɔ, nimi Israel aanib aa kii maamɔb, Juda yaab ma taa ji kina aabɔkpol. Ni taa ki buen Gilgal, bee Bef Afenn ki ti doon mi, ki taa puu tipuur nima chee min Uwumbɔr u bi na aayimbil pu.

Liifai Yaab 24:14

“Cha bi nyan uja ngbaan linampal ki di u buen nibaa chee, ki cha unii umɔk ŋun ke uja ngbaan puun lii Uwumbɔr aayimbil pu na di uŋaal paan uyil paab ki bui ke waabɔr bii, nee aapuwɔb, Israel aanib ngbaan mɔmɔk mae u ŋitakpal ki ku u,

Amos 5:5

Taa ki buen Beerseba ke ni ti mee limeel. Taa buen Betel, ke ni ban mi. Betel aatiŋ ga nan doo fam la. Taa buen man Gilgal aatiŋ ni mu, bi ga di nima yaab buen tinaagbiir ni.”

Maika 6:5

Maanib, teer man Moab aabɔr Balak aah nan kpokl ke u ŋa nimi pu na, ki teer Beor aajapɔɔn Balaam aah nan gar u pu na. Teer man maah nan cha ni puur Jɔɔdann aamɔɔl na, buyoonn ni nan nyan ni Sitim aakakaa chee ki cha Gilgal aatiŋ ni na. Teer man tiwan nimina mɔmɔk ki bee maah nan ŋa pu ke m gaa nimi lii na.”

Sefania 2:8

Uwumbɔr Mpɔɔnsakpiindaan bui ke, “M ŋun Moab yaab ni Amonn yaab aah seei maanib ki bii bi pu, ki kpa kipupuk baah ga gaa baatiŋ pu na.

Josua 24:14

Josua nan ki bui bi ke, “Kina pu na, ni li nyuŋni Uwumbɔr, ki gaa u iŋaal ilee, ki li dii u mbamɔm. Ni di ŋiwaa ŋi niyaajatiib nan dooni ŋi Mesopotamia, ni Ijipt aatim ni na lii, aan ki dii Uwumbɔr baanja.

Josua 4:19

Binib ngbaan nan puur Jɔɔdann Aamɔɔl njan aaŋmal aawiin kipiik daal la, le ki kal Gilgal aatiŋ ni, Jeriko aawipuul wɔb.

Josua 5:8

Baah nan geei bichakpan doo na, nee aapuwɔb le Israel yaab aanibol ngbaan mɔmɔk nan kal nima le ibuun ti yann.

1 Samuel 14:6

Le Jonatann bui unachipɔɔn ngbaan ke, “Cha ti puur buen Filistia aanifam ngbaan chee. Nibaakan Uwumbɔr ga ter timi. U yaa ga ter timi kan, nibaa aan ŋmaa kiir u, u taa di linyaŋ ngbaan tii timi ki bui ke taa wiir.”

1 Samuel 17:26

David nan baa bijab bi si duun u na ke, “Uja u ku Filistia aanii wee ki nyan Israel yaab inimɔɔn yee ni na ga kan ba? Filistia aawanfam nee ye ŋma aan ki bi jinni Uwumbɔr u bi n‑yoonn mɔmɔk na aajab inimɔɔn?”

1 Samuel 17:36

M ku ichinn ni takɔ mam, ki ga ŋmaa ŋa Filistia aawanfam ni seei Uwumbɔr u bi n‑yoonn mɔmɔk aajab na mu kina.

1 Samuel 7:16

Libiln mɔmɔk ni kan, u nan chuun ki manni Betel, ni Gilgal, ni Mispa, ki toor binib bi kpa tɔb tibɔr na aakaasisik ni,