Josua 5:11 - Uwumbɔr aagbaŋ

¹¹ Naah woln kitaak na, liyaadaal le nan ye njan aawiin mu bi nan pue jin tijikaar ti nyan ni Kanaann aatiŋ ni na, bi nan pun njikaabim, le ki ŋa boroboro u kaa kpa boroboro aanyɔk na mu.

Josua 5:11 Iomraidhean Croise

Liifai Yaab 23:14

Ni taa pue ji nimi aajikaapɔnn tibaa aan ki nin ban nan tii ipiin, ni taa ŋmɔ ti tikaab, bee ni pu ti, bee ni ŋaan ti, see ni pue ban ti nan tii Uwumbɔr ipiin. Niyaabitiib mɔmɔk li joo ikaal imina, ki cha n‑yoonn mu choo na, hali bi yaa bi nin chee na kan, bi li ŋani kina.

Liifai Yaab 23:6

Winpiik ni iŋmu daal le boroboro u kaa kpa nnyɔk na aajim mu piini, le ki yoor liyaadaal ngbaan ki ti saa iwiin ilole, ni taa ŋmɔ boroboro u kpa nnyɔk na.

Nkahm 15:19

N‑yoonn mu nimi aajikaar ti biir, aan ni ŋeer ke ni ji ti na kan, ni pue ban njan yaar ti biir na di tii Uwumbɔr, ni ye ipiinkpaan le u chee.

Josua 5:10

Israel yaab aah nan ka Gilgal aateer mu bi gbɔk Jeriko na, le bi nan jin njim mu bi yin mu ke Lakr‑jer na, uŋmal aawiin kipiik ni inaa daal aajook.

Josua 5:12

Le mana aajikaar ti nan nyan ni paacham na gii, kaa ki lir ni, le bi koo ji tijikaar ti bi Kanaann aatiŋ ponn ni na.