Josua 5:1 - Uwumbɔr aagbaŋ

¹ Amor yaab aabɔrb bi mɔmɔk ka Jɔɔdann Aamɔɔl aawilir wɔb na, ni Kanaann aabɔrb bi mɔmɔk ka kpak Kaasisik ni Aanyusakpem na, nan ŋun Uwumbɔr aah cha Jɔɔdann Aamɔɔl aanyun foor pu aan Israel yaab chuun kitikuun pu ki puur pu na aabɔr. Le ijawaan chuu bi, le bitaakpab yɔl Israel yaab pu.

Josua 5:1 Iomraidhean Croise

Mpiin 12:6

le Abram chuun dii kitiŋ ngbaan ni, le ki ti fuu bususakpem bu bi yin bu ke More, ki bi Sekem aatiŋ ni na chee. N‑yoonn ngbaan, Kanaann yaab nan laa beenin bi kitiŋ ngbaan ni.

Mpiin 48:22

Maah nan di maajawan nyaŋ Amor yaab ki gaa kitinyaan ki bi yin ki ke Sekem na, m di kitiŋ ngbaan ki di tii sin la, naa ye aakpetiib.”

2 Samuel 21:2

Gibeonn aatiŋ aanib aa nan ye Israel aanib; bi nan ye Amor aanibol siib bibaa, le Israel yaab nan puu ke bi ga li kii bi, le Sɔɔl aah nan ban kitiŋ ke u kpee Israel ni Juda yaab pu na, le u nan ban u ku doo bi.

1 Bibɔrb 10:5

U nan kan tijikaar ti u ji na, ni waaninkpiib aakookoo yaan chee aah bi pu na, ni waatutum aah tun baatuln pu na, ni baawanpeenkaan ni bi peeni na, ni waatutum bi si gbɔk u njim aayoonn na, ni kitork aawan ni u joo chaa ti toor Uwumbɔr Aadichal ni na. Le ni ŋa u lijinjiir aan waa ti ki nyi waah bi nin chee na.

Esra 9:1

Nimina mɔmɔk aah ŋa doo na, le Israel yaab aayidam bibaa dan nan bui mi ke binib ngbaan, ni bitotoorb, ni Liifai yaab aa yakr binib bi koo gbɔk bi ki ye Amonn yaab, ni Moab yaab, ni Ijipt yaab, ni Kanaann yaab, ni Hef yaab, ni Peres yaab, ni Jebus yaab, ni Amor yaab na chee. Bi tun inimɔɔn, ni tijɔŋ aatun ŋi binib ngbaan tun na la.

Ilahn 135:11

u nan ku Amor yaab aabɔr Sihonn, ni Basann yaab aabɔr Og, ni Kanaann aatiŋ aabɔrb mɔmɔk.

Nnyam 23:28

Ijawaan ga chuu bi, le biwon li gbaa; le naah tur koo bi ponn ni na, m ga cha ni jenn nyan Hif yaab, ni Kanaann yaab, ni Hef yaab.

Aisaya 41:5

Binib bi bi ntim mu bi dandar ni na kan maah ŋa pu na, le ijawaan chuu bi, le biwon gbaa. Le bi mɔmɔk kuun tɔb chee.

Esekiel 16:3

Tuk Jerusalem aatiŋ Kidindaan Uwumbɔr aah joo pu tuk ki na: “Bi nan ma si Kanaann aatiŋ pu la. Aate nan ye Amor aaja la, le aana ye Hef aapii.

Esekiel 21:7

Bi yaa baa si ke ba ŋa aa du kan, aa bui bi ke tibɔchann ti choo na pu le aa du. Ti yaa nan fuu ni kan, ijawaan ga gbiin bisui, biŋaal ga yɔl ki jɔnn, baajakaab ga wɔŋ, le bitaŋaayil ga li gbaa. N‑yoonn ngbaan fuu ni a; mu fuu ni do a.” Aadindaan Uwumbɔr le len kina.

Daniel 5:6

Ijawaan nan chuu u, le uwon yɔl, le utaŋaayil gbaa.

Amos 2:9

“Maanib, nimi pu le m nan ku doo Amonn yaab, bima le ye bijab bi nan fɔk ke santina aasui ki pɔɔ ke ŋikpan aasui na.

Nkahm 13:29

Amalek yaab koo kitiŋ ki bi ŋŋangii wɔb na, le Hef yaab ni Jebus yaab, ni Amor yaab mu koo ŋigongon aatim ni, le Kanaann yaab koo gbɔk Kaasisik ni Aanyusakpem ki nɔn Jɔɔdann Aamɔɔl mu.”

Josua 17:12

Ibamɔn, Manase aanib ngbaan aa nan ŋmaa jenn nyan Kanaann yaab bi nan bi ntim ngbaan ni na, kina pu na, Kanaann yaab ngbaan laa beenin koo nima chee.

Josua 17:18

Ŋigongon aatiŋ ngbaan ga li ye nimi yaan. Mbamɔn, ki ye kichook la, ni ga ŋmaa gaa ki, ki maa nima, ki di ki mɔmɔk ŋa nimi aatiŋ. Kanaann yaab ma kan, baah kpa tikur aatɔroku mam ki pɔɔ sakpen pu na, ni ga ŋmaa jenn nyan bi.”

Josua 24:15

Ni yaa kaa gee ke ni li dooni u kan, din wee, ni nyan naah ga dii u na; ni ga li dooni ŋiwaa ŋi niyaajatiib nan dooni ŋi Mesopotamia aatiŋ ni na aa? bee ni ga li dooni Amor yaab, bi ni bi baatiŋ ponn ni na le aawaa? M ni maamaal ma kan, ti ga li dii Uwumbɔr la.”

Josua 3:16

le nnyun ngbaan sil, kaa ki puu, le ki ŋa ligoln kitiŋ ki bi yin ki ke Adam na chee; kitiŋ ngbaan nan bi dandar ki bi gbɔk Saretann aatiŋ la. Limɔɔl ngbaan aah puu ki ti lir N‑yaan Aanyusakpem ponn ni nin chee na mɔmɔk kpaln kitikuun la, le binib ngbaan puur Jeriko chee.

Josua 3:17

Binib ngbaan aah nan chuun kitikuun pu ki puur na, bitotoorb bi nan tu Uwumbɔr Aakaal Aadakaa na nan si limɔɔl ngbaan aakaasisik ni, kitikuun pu, le binib ngbaan mɔmɔk chuun ki ti puur doo.

Tibɔkpiirkaan 18:10

Kitiŋ ngbaan aafalaa pu bi ga li san ijawaan, ki ga li si dandar, ki len ke, “Kitisakpeŋ Babiloŋ ki nan kpa mpɔɔn na, tibɔbir bi ki pu. Ntafadaan pii ki liwinbaal.”

Bibɔjirb 1:1

Josua aah nan kpo na aapuwɔb le Israel aanib baa Uwumbɔr ke, “Lilanibol ga puen buen ti tak Kanaann aanib.”

Bibɔjirb 11:23

Kina pu na, Israel yaab Aadindaan Uwumbɔr le nan jenn nyan Amor aanib tii waanib Israel yaab.

Bibɔjirb 3:3

Filistia aatim muŋmu, ni Kanaann yaab mɔmɔk, ni Saidonn yaab, ni Hif yaab bi nan koo Lebanonn Aajoo ni, ki nyan Baal Hemonn Aajool chee ki ti saa Hamaf aasan chee na, gaar kitiŋ ngbaan pu.

Bibɔjirb 4:2

Kina pu le Uwumbɔr nan cha Kanaann Aabɔr Jabinn u nan bi Hasor aatiŋ ni na nyaŋ bi. Waajab aaninkpel le nan ye Sisera u nan koo Harosef Hagoyim aatiŋ ni na.

1 Samuel 25:37

Le ndaan aah nyan unimbil ni na, le u tuk u ti mɔmɔk. Usui nan fii sakpen, le u lir, kaa ki ŋmaa ŋa nibaa.