Josua 4:9 - Uwumbɔr aagbaŋ

⁹ Josua nan yoor ŋitakpal kipiik ni ŋilee, bitotoorb aah nan si Jɔɔdann Aamɔɔl aakaasisik ni nin chee ki tu Uwumbɔr Aakaal Aadakaa na, ki ti di bil. Ŋitakpal ngbaan laa beenin bi nima chee ki nan saa din.

Josua 4:9 Iomraidhean Croise

Mpiin 26:33

Le u nan yin nnyunbun ngbaan ke, “Tipuur aanyunbun.” Nima chee le Beerseba aatiŋ kan kaayimbil.

Mpiin 28:18

Naah chaa woln ni na, le Jakob pue fii kichakpiik ni, le ki yoor litakpal li u nan di uyil kur na, le ki di ŋum nima chee aan li li ye litakpateerkaan. U nan di nkpan kpir litakpal ngbaan pu ki di li tii Uwumbɔr,

2 Samuel 4:3

Kaajan aanib nan fii buen Gitayim aatiŋ ni, le ki ti bi nima ki nan saa din.

1 Bibɔrb 18:31

U nan ban ŋitakpal kipiik ni ŋilee, libaa mɔk si ŋinibol kipiik ni ŋilee ŋi joo Jakob aajapɔtiib aayimbil na. Jakob ngbaan le Uwumbɔr nan yin u ke Israel na.

2 Bibɔrb Aabɔr 5:9

Unii yaa nan si Chain Chain Aapepel ngbaan aabisamɔb chee kan, le u ga li waa idɔ ngbaan aajuu aah kpii ni pu na, naa ye kina kan, saan li waa i. Idɔ ngbaan beenin bi nima din wee.

Nnyam 24:12

Uwumbɔr nan ki bui Moses ke, “Dan m chee lijool ngbaan paab. Buyoonn aa bi do na, m ga di ŋitakpal ŋilee ŋi m ŋmee ikaal ŋi pu na tii si, aa ti di mɔk binib ngbaan.”

Nnyam 28:21

Ŋitakpanyaan kipiik ni ŋilee ŋee pu, ni ŋmee Jakob aabijabim kipiik ni bilee na aayimbil paan ŋi pu, aan ni mɔk Israel yaab aanibol.

Matiu 27:8

Nima pu, le bi yin nima chee ke “Nsin aatiŋ” ki nan saa dandana wee.

Matiu 28:15

Le bikikiirb ngbaan gaa ŋimombil ngbaan, le ki buen ti tuk binib ke Yesu aadidiliib dan nan nyan waawon likaakul ni a. Nima pu le Juu yaab beenin len kina ki nan saa din.

Ikaal 34:6

Le Uwumbɔr nan sub u Moab yaab aatiŋ aafataŋ ki dɔ tok Bef Peor aatiŋ na ni. Hali ki di nan saa n‑yoonn mue na, ubaa aa nyi Moses aakaakul chee.

Josua 24:26

Josua nan ŋmee ikaal ngbaan Uwumbɔr aakaal aagbaŋ ponn ni. U nan yoor litakpasakpeln libaa, le ki di ŋum likpaln aasub taab, Uwumbɔr Aabool chee,

Josua 4:10

Bitotoorb ngbaan nan si tu Uwumbɔr Aakaal Aadakaa ngbaan Jɔɔdann Aamɔɔl aakaasisik ni, le binib ngbaan ti ŋa Uwumbɔr aah bui ke bi ŋa pu na mɔmɔk doo kina. Kina le Moses nan bui Josua ke bi ŋa. Binib ngbaan nan ŋa mala mala le ki puur limɔɔl ngbaan.

Bibɔjirb 1:26

Puwɔb le u nan buen Hef yaab chee ki ti maa kitipɔŋ nima chee, ki yin ki ke Lus, le kitiŋ ngbaan beenin joo liyimbil ngbaan.

1 Samuel 30:25

David nan ŋa nimina nkaal, le Israel yaab mɔmɔk dii mu ki nan saa din.

1 Samuel 7:12

Samuel nan yoor litakpal ki di ŋum Mispa ni Senn aakaasisik ni, ki bui ke, “Uwumbɔr le ter timi ki nan saa din,” le ki yin li ke, “Nterm Aatakpal.”