Josua 4:3 - Uwumbɔr aagbaŋ

³ aan bi pii ŋitakpal kipiik ni ŋilee, Jɔɔdann Aamɔɔl aakaasisik ni, nin chee bitotoorb si na. Tuk bi ke bi di ŋitakpal ngbaan ti bil baah ga doon nin chee kinyeek ngbaan na.”

Josua 4:3 Iomraidhean Croise

Mpiin 28:22

Litakpal li m di ŋum do ke m li joo teer saabɔr na ga li ye nin chee m ga li dooni si na, le saah ga tii mi tiwan ni na mɔmɔk, m ga nyan nibaabaa kipiik mɔk ponn ni ki giin tii si.”

Ilahn 103:2

M joo nsui mɔmɔk pak Uwumbɔr la, kaan suln waah ŋa mi tiŋann pu na.

Ilahn 11:4

Uwumbɔr bi Waadichal li bi chain na ponn ni; waabɔrjal bi paacham la. U lik binib, ni kookoo, le ki nyi baah ŋani pu na.

Tibɔnyaan ti Luk ŋmee ti na 19:40

Le Yesu bui bi, “M tuk nimi la, bi yaa ŋmin kan, ŋitakpal ŋimina ga li tar la.”

Josua 24:27

le ki bui binib ngbaan ke, “Litakpal limina le ye timi aaseeraadaan. Litakpal ngbaan ŋun Uwumbɔr aah bui timi tibɔr ti na mɔmɔk. Kina pu na, lima le ye seeraa ki ga li teer nimi, ni taa yii nimi Aawumbɔr aamɔb.”

Josua 3:13

N‑yoonn mu bitotoorb bi tu Uwumbɔr u yeh dulnyaa wee mɔmɔk na Aakaal Aadakaa na yaa ti di bitaa ŋa nnyun ponn ni kan, Jɔɔdann Aamɔɔl aanyun ngbaan ga sil libubaan ni.”

Josua 4:4

Le Josua yin bijab kipiik ni bilee bi u nyan na,

Josua 4:8

Binib ngbaan nan kii Josua aah tuk bi pu na. Uwumbɔr aah nan bui u pu na mɔmɔk, bi nan yoor ŋitakpal kipiik ni ŋilee Jɔɔdann Aamɔɔl aakaasisik ni, ŋi nan si Israel aanibol kipiik ni ŋilee aasisii la, bi nan tun ŋi buen baah nan ti doon nin chee na, le ki di ŋi bil nima.

1 Samuel 7:12

Samuel nan yoor litakpal ki di ŋum Mispa ni Senn aakaasisik ni, ki bui ke, “Uwumbɔr le ter timi ki nan saa din,” le ki yin li ke, “Nterm Aatakpal.”