Josua 4:11 - Uwumbɔr aagbaŋ

¹¹ N‑yoonn mu bi mɔmɔk nan puur ki bi lidapuul liken na, le bitotoorb bi tu Uwumbɔr Aakaal Aadakaa na loln binib ngbaan pu nsan.

Josua 4:11 Iomraidhean Croise

Aisaya 52:12

N‑yoonn mumina ma kan, naan li ban mala ke ni nya; naan li ban ke ni san ŋmar. Nidindaan Uwumbɔr le ga cheen nimi aan ki li kii nimi ŋipepel mɔmɔk pu.

Josua 24:11

Le ni nan puur Jɔɔdann Aamɔɔl ki dan Jeriko aatiŋ ni. Le Jeriko yaab ton nimi butɔb. Nee aapuwɔb, le Amor yaab, ni Peris yaab, ni Kanaann yaab, ni Hef yaab, ni Girgas yaab, ni Hif yaab, ni Jebus yaab mu nan ton nimi butɔb, le m nan cha ni nyaŋ bi mɔmɔk.

Josua 3:17

Binib ngbaan aah nan chuun kitikuun pu ki puur na, bitotoorb bi nan tu Uwumbɔr Aakaal Aadakaa na nan si limɔɔl ngbaan aakaasisik ni, kitikuun pu, le binib ngbaan mɔmɔk chuun ki ti puur doo.

Josua 3:8

Tuk bitotoorb bi tu Uwumbɔr Aakaal Aadakaa ngbaan na ke bi yaa ti fuu limɔɔl ni kan, bi koo nnyun ngbaan ni, ki sil nnyun ponn ni n‑gbaan.”

Josua 4:10

Bitotoorb ngbaan nan si tu Uwumbɔr Aakaal Aadakaa ngbaan Jɔɔdann Aamɔɔl aakaasisik ni, le binib ngbaan ti ŋa Uwumbɔr aah bui ke bi ŋa pu na mɔmɔk doo kina. Kina le Moses nan bui Josua ke bi ŋa. Binib ngbaan nan ŋa mala mala le ki puur limɔɔl ngbaan.

Josua 4:12

Rubenn, ni Gad, ni Manase aanibol ligeln libaa aajab nan puen puur ki loln biken pu nsan, ki ti gor ke bi to butɔb, Moses aah nan bui bi ke bi ŋa pu na.

Josua 4:18

le n‑yoonn mu bitotoorb ngbaan nyan ki nan saa n‑gbaan na, le limɔɔl ngbaan ki piin ki puu ki gbiin ke laah ba bi pu na.