Josua 3:7 - Uwumbɔr aagbaŋ

⁷ Uwumbɔr nan bui Josua ke, “Maah ga ŋa tiwan ni din wee na le ga cha Israel aanib ngbaan mɔmɔk piin ki li nyuŋni si ke uyidaan na, bi ga bee ke m bi aa chee ke maah nan bi Moses chee pu na.

Josua 3:7 Iomraidhean Croise

1 Bibɔrb Aabɔr 29:25

Uwumbɔr nan cha litimbol ngbaan mɔmɔk san Solomonn le ki cha u kan liyimbil ki jer ubɔr umɔk puen u ki joo Israel aatimbol na.

2 Bibɔrb Aabɔr 1:1

Ubɔr David aajapɔɔn Solomonn nan ye Israel aanaan aabɔrkpaan la, le Udindaan Uwumbɔr nan ŋa tinyoor ŋa u pu ki tii u mpɔɔn sakpen.

Job Aagbaŋ 7:17

Ba ŋa unibɔn aabɔr muk aa chee kina? Ba ŋa aa gar waah tun pu na?

Ilahn 18:35

Uwumbɔr, aa kii mi, le ki gaal mi lir, saaterm tii mi liyimbil, le saapɔɔn tii mi ŋŋmarm.

Jɔnn 17:1

Yesu aah len kina na, le u waan lik paacham, ki bui ke, “Nte Uwumbɔr, n‑yoonn fuu ni a. Nyuŋ min Aajapɔɔn, le m mu nyuŋ si Nte;

Filipi 1:20

Nnimbil man ke binib nyuŋ Kristo m pu. M yaa kpo u pu, bee m yaa kaa kpo u pu kan, m ban ke m li kpa lipobil dandana wee, ke maah kpa n‑yoonn mɔmɔk pu na, ki li len ki taa li san binib inimɔɔn.

Josua 1:17

Ti ga kii saamɔb ke taah nan keei Moses aamɔb pu na. Cha Aadindaan Uwumbɔr li bi aa chee, ke waah nan bi Moses chee pu na.

Josua 1:5

Josua, saah ga li bi limɔfal ni ki ti saa buyoonn na, ubaa aa bi ki ga ŋmaa nyaŋ si. M ga li bi aa chee ke maah nan bi Moses chee pu na; maan di si lii kpala.

Josua 1:9

Teer ke m tuk si ke aa pɔɔn aabaa ki li kpa lipobil. Taa san ijawaan, ki taa cha aawon yɔl. Min, Aadindaan Uwumbɔr ma kan, m ga li bi aa chee saah cha nin chee na mɔmɔk.”

Josua 3:6

Josua nan bui bitotoorb ke bi yoor Uwumbɔr Aakaal Aadakaa aan ki loln binib ngbaan pu nsan, le bi ŋa waah len pu na.

Josua 3:8

Tuk bitotoorb bi tu Uwumbɔr Aakaal Aadakaa ngbaan na ke bi yaa ti fuu limɔɔl ni kan, bi koo nnyun ngbaan ni, ki sil nnyun ponn ni n‑gbaan.”

Josua 4:14

Uwumbɔr aah nan ŋa pu liyaadaal ngbaan na nan cha binib ngbaan bee ke Josua ye unikpaan la. Bi mɔmɔk nan nyuŋni Josua ki ti saa waakundaal, ke baah nan nyuŋni Moses pu na.