Josua 3:3 - Uwumbɔr aagbaŋ

³ le ki bui ke, “N‑yoonn mu ni ti kan bitotoorb yoor Tidindaan Uwumbɔr Aakaal Aadakaa tun na kan, ni fii ki li dii bi man.

Josua 3:3 Iomraidhean Croise

2 Samuel 6:13

Bijab bi nan tu Uwumbɔr Aakaal Aadakaa ngbaan na aah nan yoor ŋitaa ti pii ŋitaa ŋiloob na, le David cha bi sil, le u di unaaja, ni unaabo u bi kpiin u, u filk na, toor kitork tii Uwumbɔr nima.

2 Samuel 6:3

Bi nan ti yoor Dakaa ngbaan, Abinadab aadichal li bi ligongoln pu na ni la, le ki di u toŋ tɔroku pɔɔn pu. Abinadab aajapɔtiib, Usa ni Ahio le nan kii tɔroku ngbaan.

1 Bibɔrb 8:3

Bisalolm ngbaan mɔmɔk aah nan kuun na, le bitotoorb yoor Nkaal Aadakaa na,

Jeremia 33:18

Le bitotoorb mu ga li bi ki nyan ni Liifai aanibol ni ki li tun maatuln, ki joo ni kitork ki ga see mmii ni na, ni njikaabim aapiin, ni titoor ti gur na.”

Nkahm 10:33

N‑yoonn mu Israel yaab nan nyan Uwumbɔr Aajool Sainai chee na, bi nan chuun iwiin itaa la. N‑yoonn mɔmɔk Uwumbɔr Aakaal Aadakaa le bi nan joo lolni nsan, le u mɔk bi baah ga kal nin chee na.

Nkahm 4:15

Ni yaa ti ŋeer buyoonn ni ban ni fii buen nibaa chee, aan Aaronn ni ujapɔtiib yaa poo poo tiwan nimɔk m ŋa ni chain na doo na kan, Kohaf aataŋaal ni aanib le ga yoor tiwan ngbaan mɔmɔk tun. Kohaf aataŋaal ni aanib taa meeh tiwan nimɔk m ŋa ni chain na, bi yaa meeh ni kan, bi ga kpo. “Bi yaa ti ber Maabool n‑yoonn mu na kan, Kohaf aataŋaal ni aanib aatuln le na.

Matiu 16:24

Yesu nan bui waadidiliib, “Unii yaa ban u dii mi kan, cha u yii ubaa, ki yoor waadɔpuinkoo aan ki li dii mi.

Matiu 8:19

Le Uwumbɔr aakaal aamɔmɔkr ubaa nan dan u chee ki nan bui u, “Umɔmɔkr, m ga dii si, saah cha nin chee na mɔk.”

Ikaal 31:25

Waah doo buyoonn na, le u bui Liifai yaab bi ye bitotoorb ki lik Uwumbɔr Aakaal Aadakaa na ke,

Ikaal 31:9

Moses nan ŋmee Uwumbɔr Aakaal aagbaŋ ngbaan, le ki di mu tii Liifai yaab bi ye bitotoorb ki lik Uwumbɔr Aakaal Aadakaa na, ni Israel yaab aayidam.

Josua 3:4

Naa nyi do kpala, nima pu na, bima le ga mɔk nimi nsan. Ubaa taa ŋɔŋ Uwumbɔr Aakaal Aadakaa ngbaan chee, ni li paa u pu, ki li daa u ki pii ŋitaa ŋichur ŋitaa.”

Josua 3:6

Josua nan bui bitotoorb ke bi yoor Uwumbɔr Aakaal Aadakaa aan ki loln binib ngbaan pu nsan, le bi ŋa waah len pu na.

Josua 3:8

Tuk bitotoorb bi tu Uwumbɔr Aakaal Aadakaa ngbaan na ke bi yaa ti fuu limɔɔl ni kan, bi koo nnyun ngbaan ni, ki sil nnyun ponn ni n‑gbaan.”

Josua 4:10

Bitotoorb ngbaan nan si tu Uwumbɔr Aakaal Aadakaa ngbaan Jɔɔdann Aamɔɔl aakaasisik ni, le binib ngbaan ti ŋa Uwumbɔr aah bui ke bi ŋa pu na mɔmɔk doo kina. Kina le Moses nan bui Josua ke bi ŋa. Binib ngbaan nan ŋa mala mala le ki puur limɔɔl ngbaan.

Josua 6:6

Josua nan yin bitotoorb ngbaan, le ki nan bui bi ke, “Yoor Uwumbɔr Aakaal Aadakaa ngbaan, aan ni ponn ni bilole loln ni pu nsan, ki li joo ikpiinja aayiin.”

Tibɔkpiirkaan 14:4

Bima le ye binib bi kaa doon bipiib chee kaa ŋa bibaa tijɔŋ. Baa nyi bipiib. Bima le dii Upihbo ngbaan waah cha nin chee na mɔmɔk. Uwumbɔr nyan bi binib ponn ni ki daa bi, bi li ye u ni Upihbo ngbaan aanib.

1 Samuel 6:15

Le Liifai yaab chuu nyan Uwumbɔr Aakaal Aadakaa, ni dakaa u kpa salmaa aawan na mu, le ki di bi toŋ litakpasakpeln ngbaan pu. Le Bef Semes aanib toor kitork ki di see mmii ponn ni, ni kitork kiken, tii Uwumbɔr.