Josua 3:16 - Uwumbɔr aagbaŋ

¹⁶ le nnyun ngbaan sil, kaa ki puu, le ki ŋa ligoln kitiŋ ki bi yin ki ke Adam na chee; kitiŋ ngbaan nan bi dandar ki bi gbɔk Saretann aatiŋ la. Limɔɔl ngbaan aah puu ki ti lir N‑yaan Aanyusakpem ponn ni nin chee na mɔmɔk kpaln kitikuun la, le binib ngbaan puur Jeriko chee.

Josua 3:16 Iomraidhean Croise

Mpiin 14:3

Bibɔrb biŋmu bee le nan kpokl tɔb, le baajab buen Sidim aafataŋ ni; dandana wee nnyusakpem mu bi yin mu ke N‑yaan Aanyun na le bi nima.

1 Bibɔrb 4:12

Ahilud aajapɔɔn Baana le nan yeh Taanak, ni Megido aatim, ni lipepel li nan bi duun Bef Sann aatiŋ, ki duun Saretann aatiŋ, ki bi Jesreel aaŋangii wɔb na, ki yoor kina ki ti saa Abel Mehola aatiŋ, ni Jokmeam aatiŋ mɔk.

1 Bibɔrb 7:46

Ubɔr nan cha bi ŋa tiwan nee mɔmɔk baah donni tikur nin chee, aan ni bi Sukof ni Saretann aatim aasisik ni, ki bi Jɔɔdann Aafataŋ ni na la.

Ilahn 114:3

Nnyusakpem Mamam nan lik le ki san; le Jɔɔdann Aamɔɔl sil kaa ki puu.

Ilahn 114:5

Nnyunsakpem, ba nan ŋa aan aa san? Jɔɔdann aamɔɔl, ba nan ŋa aan aa sil kaa ki puu?

Ilahn 29:10

Uwumbɔr le joo nnyun mu nyoo na, u ye ubɔr n‑yoonn mɔmɔk la.

Ilahn 33:7

U kuun nnyusakpem mɔmɔk ti kpaan libubaan ni; le ki di nnyusakpem aanyonyoon laŋ libubaan ni.

Ilahn 66:6

U cha nnyusakpem kpaln kitikuun; tiyaajatiib chuun bitaa pu le ki puur limɔɔl. Nima chee le ti nan mɔɔni waah tun pu na pu.

Ilahn 74:15

Aa cha uyayak aanyunbun puu; aa cha ŋimɔɔ ŋi wiir na foor ki kuur.

Ilahn 77:19

Aa chuun tinyunkpenn ni ki jer; aa lul nnyusakpem mu nyoo na ni ki puur, le ubaa aa kan saataabuu.

Ilahn 78:13

U nan yakr nnyusakpem nfum mulee pu, ki di bi dii mu ni jer; u nan cha nnyun fii sil ke ŋigon na.

Nnyam 14:21

Moses nan yoor uŋaal paacham ki mɔk nnyusakpem ngbaan, le Uwumbɔr cha libuln nyan ni liwipuul wɔb ki daa nnyusakpem ngbaan pu, le ki kiir mu, le mu yakr tɔb chee. Libuln ngbaan nan daa kinyeek ki ti woln kitaak, le ni kuur. Nnyun ngbaan nan yakr tɔb chee,

Nnyam 14:22

le Israel yaab chuun nnyusakpem ngbaan ni, kitikuun pu, le nnyun ngbaan kpaln ŋigon ki sil ŋipepel mɔmɔk ŋilee.

Nnyam 14:29

Israel yaab ma nan chuun kitikuun pu le nnyusakpem ngbaan ni, le mu kpaln ŋigon ki si ŋipepel mɔmɔk ŋilee.

Nnyam 15:8

Aa pii libuln lii nnyusakpem pu, le nnyun fii sil paacham, le mu sil ke ligoln na; le nnyusakpem nin chee nyoo sakpen na kpaln nin chee pɔɔ na.

Aisaya 50:2

Ba nan ŋa maanib yii kaa kii tii mi buyoonn m nan buen m ti gaa bi lii na? Ba nan ŋa baa kii buyoonn m nan yin bi na? Maa ki kpa mpɔɔn m di gaa bi lii la aa? Maamɔliin baanja le ga cha nnyusakpem foor, ki cha ŋimɔɔ mɔmɔk kpaln kitikuun, le ŋaajan kpo nnyunyuu pu.

Esekiel 47:8

U nan bui mi ke, “Nnyun mumina puu cha liwipuul wɔb, le ki ti lir Jɔɔdann Aafataŋ ni, ki nyan nima ti koo N‑yaan Aanyusakpem ni. Nima chee le mu ti gaa n‑yaan aanyun mu bi nnyusakpem ngbaan ni na, ki ye nnyunbamɔm.

Nahum 1:4

Uma le len nnyusakpem chee, le mu foor. U cha ŋimɔɔ foor. Basann aatiŋ aakpaakon kuur la, Kamel Aajool mann ke titan na la, le Lebanonn aatiŋ aasupuun gbar lir.

Habakuk 3:8

Uwumbɔr, ŋimɔɔ pu le saaŋuul nan fii ii? nnyusakpem pu le saaŋuul nan fii ii? Aa nan jak saataan ni yaatɔroku tiib bi ye linyaŋ yaab na.

Nkahm 34:3

Kitiŋ ngbaan aaŋangii wɔb ga dii kina ti nya Sinn aateersakpiin ni, ki dii Edom aatiŋ mɔk. Ki yoor liwipuul wɔb, nimi aatiŋ ga piin N‑yaan Aanyusakpem aadoon mɔk ŋŋangii wɔb la;

Ikaal 1:1

Israel yaab aah nan bi nteersakpiin ni, Jɔɔdann Aamɔɔl chee, liwipuul wɔb na, le Moses di tibɔr ti bi kigbaŋ kee ponn ni na tuk bi. Bi nan bi Jɔɔdann aafataŋ ni, ki bi gbɔk kitiŋ ki bi yin ki ke Suf na, ki nan bi Parann aatiŋ, ni ntim mu bi nan yin mu ke Tofel, ni Labann, ni Haserof, ni Disahab na aakaasisik ni la.

Ikaal 3:17

Liwilir wɔb mu, baanaanmɔk nan di kina ti ker Jɔɔdann Aamɔɔl mɔk la, ki yoor Galilee Aanyusakpem ŋŋangan wɔb ki ti saa N‑yaan Aanyusakpem mɔk ŋŋangii wɔb, ki di ti ker Pisga Aajool taab, liwipuul wɔb.

Josua 12:3

ki kpee Jɔɔdann Aafataŋ ni, ki yoor Galilee Aanyusakpem, ŋŋangii wɔb, ki ti ker Bef Jesimof ki bi N‑yaan Aanyusakpem aawipuul wɔb na, ki di toŋ Pisga Aajool aataab na.

Josua 15:2

Kaanaanmɔk, ŋŋangii wɔb, nan yoor N‑yaan Aanyusakpem aaŋangii wɔb,

Josua 16:7

le ki nyan Janoa nima ki di ti ker Atarof, ni Naara aatim mɔk, ki di ti fuu Jeriko aatiŋ ni, le ki ti doo Jɔɔdann Aamɔɔl chee.

Josua 3:13

N‑yoonn mu bitotoorb bi tu Uwumbɔr u yeh dulnyaa wee mɔmɔk na Aakaal Aadakaa na yaa ti di bitaa ŋa nnyun ponn ni kan, Jɔɔdann Aamɔɔl aanyun ngbaan ga sil libubaan ni.”

Josua 4:22

ni tuk bi ke n‑yoonn mu Israel yaab nan chuun kitikuun pu ki puur Jɔɔdann Aamɔɔl na, le bi nan nyan ni ŋi limɔɔl aakaasisik ni.

Josua 5:1

Amor yaab aabɔrb bi mɔmɔk ka Jɔɔdann Aamɔɔl aawilir wɔb na, ni Kanaann aabɔrb bi mɔmɔk ka kpak Kaasisik ni Aanyusakpem na, nan ŋun Uwumbɔr aah cha Jɔɔdann Aamɔɔl aanyun foor pu aan Israel yaab chuun kitikuun pu ki puur pu na aabɔr. Le ijawaan chuu bi, le bitaakpab yɔl Israel yaab pu.

Bibɔjirb 7:22

Gideonn ni waajab aah pii baakpiin na, le Uwumbɔr cha baadim ngbaan aajab di baajaak aajuk fenn lir tɔb pu. Bi nan di san toŋ Saretann aatiŋ wɔb, ki ti nyan Bef Sita aatiŋ ni, ki yoor kina ti nyan Abel Mehola aatiŋ ki bi duun Tabaf aatiŋ na ni.