Josua 3:1 - Uwumbɔr aagbaŋ

¹ Naah woln kichakpiik ni na, Josua ni Israel aanib ngbaan mɔmɔk nan fii lichakpitaawoln, le ki nyan Sitim aatiŋ ni, ki buen Jɔɔdann Aamɔɔl chee. Bi nan bi nima chee ki kii nwiin mu bi ga puur li na.

Josua 3:1 Iomraidhean Croise

Mpiin 21:14

Ni woln kichakpiik ni le Abraham ban tijikaar, le ki ban nnyun ŋa ntuun ni, ki di baln Hagar aabɔgbiln pu, le ki di waabo ngbaan tii u, le ki bui u ke u li cha. Hagar nan chuun le ki yenni Beerseba aateersakpiin ni.

Mpiin 22:3

Naah woln kichakpiik ni na, le Abraham ban idɔ ki di paan waabon pu, le ki yoor Aisak ni waanaagbiib bilee ki di kpee ubaa pu. Le bi piin ki cha Uwumbɔr aah nan mɔk u kitiŋ ki na ni.

Ilahn 119:60

M kii saakaal kaan taan kpala.

Jeremia 25:3

“Ŋibin moninko ni ŋitaa ponn ni, ki nya Amonn aajapɔɔn Josia aah nan ye Juda aabɔr pu na aabin kipiik ni litatar ni ki nan saa din wee na, Uwumbɔr len m chee tibɔr, le m mu aa kee yii kaa di waah len pu na tuk nimi. Le ni yii, kaa pel waah len pu na.

Jeremia 26:5

ki li ŋun ŋimɔbon ŋi maatutum, bi ye bibɔnabr aan m tuni bi ni chee n‑yoonn mɔmɔk na. Naa kee kii tii baah len pu na daalbaadaal.

Jeremia 7:13

Ni tun titunwanbir tee mɔmɔk, le m tuk nimi, ki ki gir bui nimi, le ni yii, kaan pel. Buyoonn m yin nimi na le ni yii, kaan kii.

Maika 6:5

Maanib, teer man Moab aabɔr Balak aah nan kpokl ke u ŋa nimi pu na, ki teer Beor aajapɔɔn Balaam aah nan gar u pu na. Teer man maah nan cha ni puur Jɔɔdann aamɔɔl na, buyoonn ni nan nyan ni Sitim aakakaa chee ki cha Gilgal aatiŋ ni na. Teer man tiwan nimina mɔmɔk ki bee maah nan ŋa pu ke m gaa nimi lii na.”

Nkahm 25:1

N‑yoonn mu Israel yaab nan kal Sitim Aafataŋ ni, Moab yaab aatiŋ ni na, le Israel yaab aajab piin ki yoor ki kpaan doo kitiŋ ngbaan yaab aapiib chee.

Tibɔnyaan ti Mak ŋmee ti na 1:35

Njan aakooja aah wii na, le Yesu fii ki nyan lipaal, ki buen nibaa chee, le ki ti bi nima ubaa ki mee Uwumbɔr.

Josua 2:1

Baah nan bi Sitim aatiŋ ni na, le Josua tun bipepekr bilee, ke bi buen Kanaann aatiŋ ni, ki loon lik ke Jeriko aatisakpeŋ aanib bi kinye. N‑yoonn mu bi ti fuu kitisakpeŋ ngbaan ni na, le bi buen pateer u bi nan yin u ke Rahab na do.

Josua 6:12

Lelee aawiin daal, Josua nan pue fii kichakpiik ni, le ki cha bitotoorb, ni bijab ngbaan ki chuun mann kitiŋ ngbaan ke baah fe mann njan aawiin daal pu na; njan, bijab bi ye bisalolm na, le bitotoorb bilole bi pii ikpiinja aayiin ilole na, le ki cha bi tu Uwumbɔr Aakaal Aadakaa na, le kookoo yaab nan ye bijab bi paa puwɔb na. N‑yoonn mumina mɔmɔk bi nan chuun, le bikpiinpiib pii iyiin.

Josua 6:15

Winlole daal, le bi pue fii lichakpitaawoln, ki chuun mann gonn kitiŋ ngbaan baah ti ŋani pu na; nwiin ngbaan daal bi nan chuun mann gonn ki, nfum mulole la.

Josua 7:16

Le ni woln kichakpiik ni, le Josua pue fii, le ki joo ni Israel yaab ŋinibol ŋinibol Uwumbɔr aanimbiin ni, le Uwumbɔr nyan Juda aanibol.

Josua 8:10

Naah woln kichakpiik ni na, le Josua yin bijab ngbaan mɔmɔk ke bi kuun ni. Le u ni bijab ngbaan aaninkpiib di bi buen bi ti to Ai yaab butɔb.

Bibɔjirb 20:19

Kina pu le Israel yaab nan woln kitaak ki fii kichakpiik ni ki ti kuun kal Gibea aatiŋ chee.

1 Samuel 17:20

Lichakpitaawoln le David fii, ki di ipiih na ŋa unii ubaa aaŋaal ponn ni, ki yoor tijikaar ngbaan ki buen, ute Jese aah bui u pu na. Buyoonn Israel yaab nan ki cha bi ti lul butɔb ni, ki gbaa ikaa na, le David nan fuu bi chee.