Josua 22:9 - Uwumbɔr aagbaŋ

⁹ Kina le Rubenn ni Gad aanibol, ki kpee Manase aanibol ligeln liken na, gir kun. Bi nan buen ki cha Israel yaab bi gur na, le bi gaar Silo aatiŋ ki bi Kanaann ni na, le ki chaa kun baatiŋ ni, bi yin ki ke Gilead. Kitiŋ ngbaan le Uwumbɔr nan bui Moses ke u di tii bi.

Josua 22:9 Iomraidhean Croise

2 Samuel 2:9

Nima chee le Abner ti kaan Isbosef nnaan, ke u li ye Gilead, ni Aser, ni Jesreel, ni Efraim, ni Benjaminn aapepel, ni Israel yaab aatim muken mɔmɔk aabɔr.

1 Bibɔrb Aabɔr 5:9

Bi nan kpa tiwakor sakpen Gilead aatiŋ ni, le ki gaa kitiŋ ngbaan ki nyan nteersakpiin mu bi liwipuul wɔb ki ti saa Yufrates Aamɔɔl chee na.

Ilahn 60:7

Gilead ni Manase aatim ye min yaan la; Efraim aatiŋ le ye maakur aayikpupuk, le Juda ye maabɔr aajaangbeek.

Nkahm 32:1

Rubenn ni Gad aanibol nan kpa tiwakor ti wiir pam. Bi nan kan ke Jaser ni Gilead aatim kpa kimopɔɔk ki ŋan tiwakor ga kan timoor ki ŋmɔ na,

Nkahm 32:20

Moses nan bui bi ke, “Naah len pu na yaa sil ye ibamɔn kan, gor man Uwumbɔr aanimbiin ni do, aan ti li cha butɔb.

Nkahm 32:22

aan ti gaa kitiŋ ngbaan na. Nee aapuwɔb na, ni ga ŋmaa gir kun ni; ba pu? n‑yoonn ngbaan muin ni ŋa naah len Uwumbɔr, ni niŋeen aatɔtiib Israel yaab biken chee ke ni ga ŋa pu na. Uwumbɔr ga kii ke u di kitiŋ ki bi Jɔɔdann aamɔɔl, liwipuul wɔb do, ki di tii nimi, ki li ye nimi yaan.

Nkahm 32:26

Tipuutiib, ni timi aabim, ni timi aawakor ga bee Gilead aatim ni do la.

Nkahm 32:29

“Gad ni Rubenn aajab yaa puur Jɔɔdann aamɔɔl ke bi ti to butɔb, Uwumbɔr aah tuk bi pu na, aan baaterm pu ni yaa nyaŋ kan, ni di Gilead aatiŋ tii bi, ki li ye biyaan.

Ikaal 3:18

“N‑yoonn ngbaan, maah nan ki di tibɔr ti tuk bi na sɔ: ‘Tidindaan Uwumbɔr le di Jɔɔdann Aamɔɔl aawipuul aatiŋ kee tii nimi. Dandana wee, cha nimi aajab gor bibaa ki puur Jɔɔdann Aamɔɔl, ki loln Israel aanibol ŋi gur na nsan, aan ki ti ter bi mu bi gaa baatiŋ.

Ikaal 3:20

Ni buen ti ter niŋeen aatɔtiib Israel yaab biken, aan bi mu gaa kitiŋ ki Uwumbɔr ga di tii bi, Jɔɔdann Aamɔɔl aadapuul, liwilir wɔb na, ki ti saa buyoonn Uwumbɔr ga tii bi nsuudoon ke waah tii nimi do pu na. Nee aapuwɔb, ni ga ŋmaa gir kun ni kitiŋ ki m di tii nimi na ni.’

Ikaal 34:1

Moses nan nyan Moab aateer ni, le ki buen Nebo Aajool wɔb, ki ti jon Pisga Aajool li bi Jeriko aawipuul wɔb na. Lijool ngbaan paab, le Uwumbɔr nan mɔk u kitiŋ ngbaan mɔmɔk; u nan mɔk u Gilead aapepel mɔmɔk, ki yoor kina ki ti ker Dann aatiŋ, ŋŋangan wɔb,

Josua 13:11

ki ki kpee Gilead aapepel, ni Gesur ni Maaka aapepel, ni Hemonn Aajool aapepel mɔmɔk, ni Basann aatim mɔmɔk, ki yoor kina ki ti ker Saleka,

Josua 13:25

Baatiŋ mɔk le nan ye Jaser, ni ntim mu bi Gilead ni na, ni Amonn yaab aatiŋ ligeln ki yoor ti ker Aroer mɔk, ki nan bi Raba aatiŋ aawipuul wɔb la.

Josua 13:31

ki nan ki kpee Gilead aatiŋ ligeln, ki ti kpaan Astarof ni Edrei aatim, muma le nan ye ntikpaam ubɔr Og aanaan ni, ki bi Basann aatiŋ ni. Bi nan di kitiŋ ngbaan mɔmɔk tii Manase aajapɔɔn u bi nan yin u ke Makir na le aamaal ligeln.

Josua 22:10

N‑yoonn mu Rubenn ni Gad aanibol, ki kpee Manase aanibol ligeln, bi ye liwipuul wɔb yaab na nan ti fuu Gelilof aatiŋ ni, ki nan bi Jɔɔdann Aamɔɔl aawilir wɔb na, le bi maa kitork aabimbiln sakpeln nyanyaan libaa, limɔɔl chee nima.

Bibɔjirb 20:1

Israel aanib mɔmɔk bi nan ye Dann aanibol yaab ki bi ŋŋangan wɔb na, ki ti saa Beerseba aatiŋ ki bi ŋŋangii wɔb na, ki yoor kina ki nyan Gilead aatiŋ ni liwipuul wɔb mɔmɔk nan kii n‑yim ngbaan. Bi mɔmɔk nan kuun ti ŋa unibaan Uwumbɔr aanimbiin ni, Mispa aatiŋ ni.

Bibɔjirb 5:17

Gad aanibol nan bee Jɔɔdann Aamɔɔl aawipuul wɔb, le Dann aanibol gaar iŋɔsakpiin chee. Aser aanibol nan bee nnyusakpem aagbaan; bi nan gaar nnyun aagbaan.