Josua 21:1 - Uwumbɔr aagbaŋ

¹ Liifai aanibol aaninkpiib nan buen utotoor Eleasar, ni Nunn aajapɔɔn u bi nan yin u ke Josua na, ni Israel yaab aaninkpiib biken chee,

Josua 21:1 Iomraidhean Croise

Mpiin 49:7

M puun lii nimi aaŋuul ngbaan pu, ba pu? nimi aaŋuul ngbaan kpa ijawaan, Nimi aaŋuul ye mbiin aatuln le ni tun. M ga di nimi yaa Israel aatiŋ ni, le ki cha ni yaa Israel yaab mu ni.

Nnyam 6:14

Rubenn, uma le nan ye Jakob aajan aabo, u nan kpa mbijabim binaa la, baayimbil sɔ: Hanok, ni Palu, ni Hesronn, ni Kami. Rubenn aamaal le na.

Nnyam 6:25

Aaronn aajapɔɔn Eleasar nan yoor Putiel aabisal, le ki ma Fineas. Bi mɔmɔk nan ye Liifai aamaal aayidam la.

Nkahm 35:1

Baah nan bi Moab yaab aateer mu bi Jɔɔdann Aamɔɔl chee ki lik Jeriko aatiŋ limɔɔdapuul wɔb na, le Uwumbɔr nan bui Moses ke,

Nkahm 35:8

Ntim mu ni ga di tii Liifai yaab na ga nya ŋinibol ngbaan aatim aah wiir pu na la.”

Josua 14:1

Tibɔr ti paa na le ye baah nan yakr Kanaann aatiŋ, Jɔɔdann Aamɔɔl aawilir wɔb tii Israel yaab pu na. Utotoor Eleasar, ni Nunn aajapɔɔn u bi nan yin u ke Josua na, ni Israel yaab aanibol aamaal aaninkpiib le nan yakr kitiŋ tii Israel yaab aanib mɔmɔk.

Josua 17:4

Bi nan buen utotoor Eleasar, ni Nunn aajapɔɔn Josua, ni Israel yaab aaninkpiib biken chee, le ki ti bui bi ke, “Uwumbɔr nan bui Moses ke u tii timi kitiŋ, ke baah tii timi aamaal bi ye bijab na pu na, ki li ye timi aatiŋ.” Kina pu na, Uwumbɔr aah len pu na, bi nan tii Selofehad aabisatiib ngbaan mɔmɔk mu kitiŋ, ke baah tii baamaal aajab mɔmɔk kitiŋ pu na.

Josua 19:51

Utotoor Eleasar, ni Nunn aajapɔɔn Josua, ki kpee Israel yaab aanibol aaninkpiib le nan yakr ntim ngbaan tii bi mɔmɔk; bi nan too inaan ki mee Uwumbɔr, Silo aatiŋ ni, Uwumbɔr aah bi Libool li ni na aabisamɔb chee. Kina le bi nan ŋa, le ki yakr kitiŋ ngbaan doo.