Josua 2:3 - Uwumbɔr aagbaŋ

³ nima pu na, u nan tun Rahab chee ke, “Binib bi bi aado na dan ke bi nan pekr kitiŋ ngbaan mɔmɔk la. Nyan ni bi.”

Josua 2:3 Iomraidhean Croise

Mpiin 38:24

Naah ti saa iŋmal itaa aayoonn na, le unii ubaa tuk Juda ke, “Aabipuu Tamar goor kidagook ki kpa lipuul.” Le Juda tii bi nsan ke, “Ni nyan u lipaal ki see mmii ku u man.”

Mpiin 42:31

Le ti bui u ke taa ye bipepekb, ti ye bininyaam la,

2 Samuel 10:3

le Amonn yaab aayidam bui ubɔr ngbaan ke, “Aa dak ke aate aanyuŋ pu le David tun ni bijab bee, ke bi nan doon si likpuul aa? Naa ye kina pu. U tun ni bi ke bi nan pekr kitiŋ kee la, aan u ŋmaa nyaŋ timi.”

2 Samuel 17:20

Absalom aajab nan dan lidichal ngbaan ni le ki nan baa upii ngbaan ke, “Ahimaas ni Jonatann bi la chee?” Le u bui bi ke, “Bi puur Jɔɔdann aamɔɔl a.” Bijab ngbaan nan ban bi, le kaa kan bi, le ki gir kun Jerusalem ni.

1 Bibɔrb Aabɔr 19:3

le Amonn yaab aayidam bui ubɔr ngbaan ke, “Aa dak ke aate aanyuŋ pu le David tun ni bijab bee ke bi nan doon si likpuul aa? Naa ye kina pu. U tun ni bi ke bi nan pekr kitiŋ kee la, aan u ŋmaa nyaŋ timi.”

Job Aagbaŋ 21:30

Bundaal aan Uwumbɔr aaŋuul fii aan u dar binib aatafal na, bibiindam le ŋmar n‑yoonn mɔmɔk.

Liifai Yaab 24:14

“Cha bi nyan uja ngbaan linampal ki di u buen nibaa chee, ki cha unii umɔk ŋun ke uja ngbaan puun lii Uwumbɔr aayimbil pu na di uŋaal paan uyil paab ki bui ke waabɔr bii, nee aapuwɔb, Israel aanib ngbaan mɔmɔk mae u ŋitakpal ki ku u,

Jɔnn 19:4

Le Pailat ki nyan lipaal, ki ti bui Juu yaab, “M ga di u nyan ni lipaal ni chee, aan ni bee ke maa kan waataani ubaa.”

Lituln 12:4

Baah chuu Piita na, le bi di u ŋa kiyondiik ni. Le butɔb aajab kipiik ni biloob si kii u. Binaa yaa kiir ki ti saa tikur titaa kan, le binaa mu nan gaa. Ubɔr Herod nan len ke Lakr‑jer aajim ngbaan yoonn yaa jer kan, u ga nyan Piita kiyondiik ni, ki di u siin Juu yaab aanimbiin ni, ki ji u tibɔr.

Lituln 12:6

Kinyeek ngbaan yaa woln kan, Ubɔr Herod ga nyan Piita ki ji u tibɔr. Le Piita dɔ geen bikikiirb bilee aakaasisik ni. Bi nan di tikululn buu uŋaal mɔmɔk ilee, ki di tibaa gbin dar ukikiir wee, ki di tiken gbin dar uken. Le bikikiirb biken si kii mbisamɔb chee.

Josua 10:23

Nima pu le bi nan chuu piir kitakpaluŋ ngbaan, le ki nyan ni bibɔrb ngbaan: Jerusalem, ni Hebronn, ni Jamuf, ni Lakis, ni Eglonn aatim aabɔrb,

Josua 2:2

Le Jeriko aabɔr ŋun ke Israel yaab bibaa koo ni waatiŋ ponn ni kinyeek ngbaan ke bi pekr ki,

Josua 2:4

Le u giin bui ke, “Mbamɔn, binib bibaa dan ndo. Maa nyi baah nyan ni nin chee na. Nwiin aah cha mu ti lir, baa kee laŋ kitiŋ ngbaan aabisamɔb aajaaleŋ na, le bi nyan ndo. Maa baa bi baah cha nin chee na; ni yaa paan bi pu mala mala kan, ni ga pii bi.” Rahab nan di bipepekr bilee ngbaan di bɔr udo paacham, tichɔnn tibaa ni.

Bibɔjirb 4:20

Le u bui upii ngbaan ke, “Li si libool ngbaan aabisamɔb, unii umɔk dan ki nan baa si ke unii bi li ponn ni aan waa bi kan, aa bui udaan ke ubaa aa bi.”