Josua 2:18 - Uwumbɔr aagbaŋ

¹⁸ Tɔ, aa mu aah ga ŋa pu na sɔ: n‑yoonn mu ti ban ti jenn gaa nimi aatiŋ ngbaan na kan, aa di tikokomann aaŋmin mue ki di gbin takolu u ti dii nyan na, ki yin ni aate, ni aana, ni aakpetiib, ni aate aamaal mɔmɔk, bi dan aado.

Josua 2:18 Iomraidhean Croise

Mpiin 12:2

M ga cha aa maa ki pɔr pam, le saamaal ga ŋa linibokpaan. M ga ŋa tinyoor ŋa aa pu, le aa ga li kpa liyimbil, le aa pu, binib ga kan tinyoor m chee.

Mpiin 7:1

Le Uwumbɔr bui Nowa ke, “Aa ni aapuu, ni aajapɔtiib, ni aabipuutiib, ni mɔmɔk koo buŋɔb ngbaan ponn ni. M kan ke sin baanja le bi dulnyaa wee aanib ponn ni ki ŋani ni ŋan na.

Esta 8:6

Tibɔbir timina yaa nan pii maanib, aan bi ku bi mɔmɔk doo kan, m ga ŋa mbaa kinye?”

Nnyam 12:13

Nsin mu ni di boon ibisamɔi na le ga li ye limɔkl ke nimi Israel yaab aadichal le na. N‑yoonn mu m kan nsin ngbaan na kan, m ga lakr jer ni pu, kaan kpaan ni ni Ijipt yaab ki daa ni mu aatafal.

Solomonn Aalahn 4:3

Aamɔgban bi ke litamaln na, le aa yaa len tibɔr kan, ŋi ŋan sakpen. Kiyibubuuk bii aanimbil wɔb, le aatakpiln beenin moor ni lak lak.

Liifai Yaab 14:4

utotoor ga cha bi li joo ni ŋinanjel ŋilee ki kpee santina aadɔ, ni ŋŋmin maman, ni nkiisuk pu.

Nkahm 19:6

Le u ga di santina aadɔ, ni nkiisuk, ni ŋŋmin maman, mee ŋa mmii ngbaan ni.

Nkahm 4:8

Bi di likekeln mamaln kpar biin tiwan ngbaan mɔmɔk pu, ki di ngbanyaan poo biin ni pu, aan ki di ŋidabil ŋi ni joo yoor u na ŋa ŋaabon ni.

Tibɔnyaan ti Luk ŋmee ti na 19:9

Le Yesu bui u, “Din le lidichal limina aanib ŋmar; ba pu? aa mu ye Abraham aayaabil la.

Lituln 10:27

Piita nan beenin bi len u chee le ki ti koo kidiik ni, ki kan binib pam kuun nima chee.

Lituln 10:33

Waah tuk mi kina na, libuul ngbaan ni le m tun binib bi ti yin si. Saah dan pu na, ni ŋan. Dandana wee, ti mɔmɔk bi do, Uwumbɔr aanimbiin ni. Ti ban ti ŋun tibɔr ti Tidindaan tuk si ke aa tuk timi na.”

Lituln 11:14

u ga tuk u tibɔr ti ga cha u ni waachiln ponn ni aanib mɔmɔk ŋmar na.

2 Timoti 1:16

Onesiforus pɔɔni ntaakpab kpala kpala. Maah nan bi kiyondiik ni na, inimɔɔn aa nan joo u kina pu. Cha Uwumbɔr san u ni waachiln ni aanib kinimbaak.

Hiibru Yaab 9:19

Njan, Moses nan tuk binib mɔmɔk baah ga dii Uwumbɔr aakaal mɔmɔk pu na, le ki nin di tikumaman ni tifar ŋa inaabi ni iŋoob aasin, ni nnyun ni, ki di yɔk yɔk Uwumbɔr aakaal aagbaŋ pu, ni binib mɔmɔk pu,

Josua 2:21

U nan kii baah len pu na, le ki cha bi buen. N‑yoonn mu bi nyan buen na, le u di tikokomann na gbin takolu ngbaan.

Josua 6:23

Nima pu na, bi nan nyan ni Rahab, ni ute, ni una, ni uninjatiib, ni waamaal mɔmɔk. Bi nan nyan bi mɔmɔk, ki gaa bi lii, le ki ti di bi kaan gbaŋ bima Israel yaab.

Josua 6:25

Josua nan gaa pateer Rahab ni waamaal mɔmɔk lii, ba pu? uma le nan di Josua aah nan tun bipepekr bilee bi Jeriko aatiŋ ni na bɔr waadichal ni. Waamaal laa beenin bi Israel yaab chee ki nan saa din wee.