Josua 2:11 - Uwumbɔr aagbaŋ

¹¹ Taah ŋun kina na, le ijawaan chuu timi, ti mɔmɔk aataakpab yɔl ni pu a. Nidindaan Uwumbɔr le ye paacham ni kitiŋ mɔmɔk Aawumbɔr.

Josua 2:11 Iomraidhean Croise

1 Bibɔrb 8:60

aan dulnyaa aatimbol mɔmɔk ga bee ke Uwumbɔr baanja le ye Uwumbɔr, ubaa aa ki bi.

2 Bibɔrb 5:15

U nan di waajab bi mɔmɔk nan dii u na gir buen Elaisa chee le ki ti bui u ke, “M bee dandana ke Uwumbɔr ubaa aa ki bi see Israel yaab Aawumbɔr baanja; kina pu na, m gaŋ si, gaa m chee ipiin.”

Nehemia 6:16

Timi aadim bi bi ŋitimbol ŋi mann goln timi na aah ŋun kina na, le bi bee ke bi jin inimɔɔn a, ba pu? unii mɔmɔk nan bee ke Uwumbɔr aaterm le tun kina aatuln.

Esta 8:17

Ntim mɔmɔk ni, ni ŋipepel mɔmɔk ni, nin chee bi nan karn ubɔr aakaal ngbaan na, Juu yaab nan kpa lifuur aawiin ki ji njim ki kpa mpopiin. Ibamɔn, binib bi kaa ye Juu yaab na pam nan kpaln Juu aanib; ba pu? bi nan gur san bi ijawaan la.

Ilahn 102:15

Ŋitimbol ga li san Uwumbɔr ijawaan la; kitiŋ kee aabɔrb mɔmɔk ga li san waapɔɔn ijawaan la.

Ilahn 22:14

Maapɔɔn mɔmɔk doo ke nnyun mu kpir kitiŋ na aah foor pu na. Bi tukl maakpab mɔmɔk; le mpobil donn ke tisikakpiin na.

Ilahn 58:7

Cha bi wɔŋ ke nnyun mu bi foor na; cha bi yɔl ke timoor ti dɔ nsan ni na.

Ilahn 83:18

Cha bi bee ke sin baanja le ye Uwumbɔr, ki ye kitiŋ kee aayidaan u kaa kpa ŋeen aatɔ na.

Nnyam 15:14

Ŋinibol mɔmɔk ŋun aa pu, le ijawaan chuu bi, le biwon gbaa, ijawaan nan chuu Filistia yaab.

Nnyam 15:15

Ijawaan nan chuu Edom aaninkpiib, le Moab yaab aayidam aawon gbaa, le Kanaann yaab aataakpab yɔl,

Aisaya 13:7

Unibɔn mɔmɔk aawon ga yɔl, le ujakaan mɔmɔk ga san ijawaan.

Aisaya 19:1

Ijipt aatiŋ aabɔr sɔ. Uwumbɔr ka ntaalangbam pu ki choo Ijipt aatiŋ ni. Ijipt yaab aawaa aawon gbaa la. Ijipt aanib aataakpab yɔl a.

Esekiel 21:15

Ki cha maanib aataakpab yɔl, le bi lir. M joo kijaak aajuk ki moor lak lak ke utaal na, ki gor ke ki ku na le faani baatiŋ.

Nahum 2:10

Ninefa aatiŋ bii a, ki ber a, le ki gur dɔ nkuun. Ijawaan cha binib aapobil donn a; mpɔɔn doo a, le ŋitaaŋaayil gbaa tɔtɔk, le ŋinimbil wɔb ŋa yɔl yɔl.

Ikaal 1:28

Ba pu aan ti ga buen nima? Ti san ijawaan la. Bijab bi ti tun bi na tuk timi ke binib bi koo nima na pɔɔ, ki fɔk jer timi, le ki mu ki bi ŋigon ŋi fɔk ti tuu kitaapaak na aatim ni la. Bi nan ki kan ŋiwɔk mu nima.’

Ikaal 20:8

“Biyidam ga ki baa bijab ngbaan ke, ‘Ŋma bi do, upobil yuk aan ijawaan chuu u? Kina aanii yaa ŋmal ni ponn ni kan, u li chaa kun. Nibaakan, u ga cha biken mu aapobil yuk, le ijawaan ga chuu bi.’

Ikaal 4:39

Nima pu na, teer din wee man, ki taa suln kpala ke Uwumbɔr le ye Uwumbɔr u joo paacham ni kitiŋ kee na. Uwumbɔr uken aa ki bi.

Josua 14:8

Le bijab bi nan dii mi buen na aah nan len pu na cha ijawaan chuu timi aanib, le m ma nan kii Ndindaan Uwumbɔr aamɔb mbamɔm.

Josua 2:24

le ki bui ke, “Ni sil ye mbamɔn, Uwumbɔr le di kitiŋ ngbaan tii timi. Binib bimɔk bi nima na aapobil fii a.”

Josua 5:1

Amor yaab aabɔrb bi mɔmɔk ka Jɔɔdann Aamɔɔl aawilir wɔb na, ni Kanaann aabɔrb bi mɔmɔk ka kpak Kaasisik ni Aanyusakpem na, nan ŋun Uwumbɔr aah cha Jɔɔdann Aamɔɔl aanyun foor pu aan Israel yaab chuun kitikuun pu ki puur pu na aabɔr. Le ijawaan chuu bi, le bitaakpab yɔl Israel yaab pu.

Josua 7:5

Ai aajab nan san dii bi ki ti nyan baatiŋ aabisamɔb chee, ki ti saa ŋifakujoo ŋibaa chee; baah bi sunni ligongoln na, le bi ku bi ponn ni bijab bi ga pii piitaa ni biloob na. Israel yaab aataakpab nan yɔl, le ijawaan chuu bi.

Josua 9:24

Le bi giin bui u ke, “Uninkpel, taah ŋun ibamɔn ni, ke Nidindaan Uwumbɔr nan bui waatutunn Moses, ke naah tur koo ni kitiŋ ngbaan mɔmɔk ponn ni na, u ga cha ni ku binib bimɔk bi ki ponn ni na pu la, nima le cha ti ŋa kina. Tipobil le yuk, le timi aamɔfal pu na, ijawaan chuu timi ke ni ga ku ti mɔmɔk.

Tibɔkpiirkaan 6:16

ki bui ŋijoo ni ŋitakpal ke, “Lir ti pu, ki biin ti pu, aan Uwumbɔr u ka libɔrjal pu na taa li waa timi, Upihbo ngbaan mu aaŋuul taa pii timi;