Josua 2:10 - Uwumbɔr aagbaŋ

¹⁰ Ti ŋun Uwumbɔr aah cha Limɔɔkal Aanyusakpem foor aan ni puur, buyoonn ni nan nyan ni Ijipt aatiŋ ni na, ki ki ŋun ke ni ku Amor yaab aabɔrb bilee, Sihonn ni Og, Jɔɔdann aawipuul wɔb.

Josua 2:10 Iomraidhean Croise

Ilahn 74:15

Aa cha uyayak aanyunbun puu; aa cha ŋimɔɔ ŋi wiir na foor ki kuur.

Nkahm 20:14

Baah nan ka Kades aatiŋ ni na, le Moses nyan ntuuntiib tun Edom yaab aabɔr chee. Bi nan ti bui u ke, “Tibɔr tee nyan ni aanaabitiib Israel yaab chee la. Aa nyi taah ji falaa umɔk na.

Nkahm 23:22

Uwumbɔr le nyan ni bi Ijipt aatiŋ ni, le ki jaa bi pu ke upɔɔnaaja aah jaa ubaa pu pu na.

Nkahm 24:8

Uwumbɔr le nyan ni bi Ijipt aatiŋ ni. U jaa bi pu ke upɔɔnaaja aah jaa ubaa pu pu na, le bi kuln baadim mɔmɔk, ki wii baakpab, ni baapiin yuk yuk.

Ikaal 2:30

“Le ubɔr Sihonn nan yii, ke ti taa dii waatiŋ ni jer. Nidindaan Uwumbɔr nan cha usui pɔɔk, le u yii Uwumbɔr aamɔb, le Uwumbɔr cha ti nyaŋ u, ki gaa baatiŋ ki ti laa koo ki ponn ni na.

Josua 24:12

Naah nan tur koo bi ponn ni pu na, m nan cha ijawaan koo bi, aan ni ŋmaa jenn nyan Amor yaab aabɔrb bilee ngbaan. Naa nan ye nimi aajaak aajum ni itɔi pu le ni nan ŋmaa nyaŋ.

Josua 4:24

Nima pu na, binib mɔmɔk bi bi dulnyaa wee ni na ga bee Uwumbɔr aapɔɔn aah bi pu na, le ni ga li nyuŋni Nidindaan Uwumbɔr ki cha n‑yoonn mu kaa kpa ndoon na.”

Josua 5:1

Amor yaab aabɔrb bi mɔmɔk ka Jɔɔdann Aamɔɔl aawilir wɔb na, ni Kanaann aabɔrb bi mɔmɔk ka kpak Kaasisik ni Aanyusakpem na, nan ŋun Uwumbɔr aah cha Jɔɔdann Aamɔɔl aanyun foor pu aan Israel yaab chuun kitikuun pu ki puur pu na aabɔr. Le ijawaan chuu bi, le bitaakpab yɔl Israel yaab pu.

Josua 9:10

ni waah ŋa Amor yaab aabɔrb bilee bi nan bi Jɔɔdann aawipuul wɔb na pu na: Ubɔr Sihonn u nan ka Hesbonn aatiŋ ni na, ni Ubɔr Og u nan ye Basann yaab aabɔr ki ka Astarof aatiŋ ni na.