Josua 17:4 - Uwumbɔr aagbaŋ

⁴ Bi nan buen utotoor Eleasar, ni Nunn aajapɔɔn Josua, ni Israel yaab aaninkpiib biken chee, le ki ti bui bi ke, “Uwumbɔr nan bui Moses ke u tii timi kitiŋ, ke baah tii timi aamaal bi ye bijab na pu na, ki li ye timi aatiŋ.” Kina pu na, Uwumbɔr aah len pu na, bi nan tii Selofehad aabisatiib ngbaan mɔmɔk mu kitiŋ, ke baah tii baamaal aajab mɔmɔk kitiŋ pu na.

Josua 17:4 Iomraidhean Croise

Nkahm 27:1

Josef aajapɔɔn le nan ye Manase, le u mu aajapɔɔn nan ye Makir, le u mu aajapɔɔn nan ye Gilead, le u mu aajapɔɔn nan ye Hefer, le u mu aajapɔɔn nan ye Selofehad, le uma nan kpa bisatiib ŋmeen la. Bi nan yin bi ke Mala, ni Nowa, ni Hogla, ni Milka, ni Tirsa.

Nkahm 27:4

Israel yaab yaa suln waabɔr waah kaa nan kpa ubijabo pu na, ni ŋan aa? Lik tite aado yaab aatiŋ ponn ni, ki tii timi kitiŋ.”

Nkahm 36:10

Nima pu na, Selofehad aabisatiib bi bi nan yin bi ke Mala, ni Tirsa, ni Hogla, ni Milka, ni Nowa na, nan ŋa Uwumbɔr aah nan tuk Moses ke bi ŋa pu na, le ki mɔn bitekpetiib, ni bitewaatiib aajapɔtiib.

Galantiya 3:28

Naah kpaan Yesu Kristo ni na, ni mɔmɔk ye unibaan la. Juu yaab ni binib bi kaa ye Juu yaab na, ni binaagbiib ni mmaal aabim, ni bijab ni bipiib, ni mɔmɔk ye unibaan la.

Josua 14:1

Tibɔr ti paa na le ye baah nan yakr Kanaann aatiŋ, Jɔɔdann Aamɔɔl aawilir wɔb tii Israel yaab pu na. Utotoor Eleasar, ni Nunn aajapɔɔn u bi nan yin u ke Josua na, ni Israel yaab aanibol aamaal aaninkpiib le nan yakr kitiŋ tii Israel yaab aanib mɔmɔk.

Josua 17:5

Nima pu le Manase aanibol ma nan kan kitiŋ ngbaan nfum kipiik pu, ki kpee Gilead ni Basann aatim mu bi Jɔɔdann Aamɔɔl aawipuul wɔb na pu,

Josua 21:1

Liifai aanibol aaninkpiib nan buen utotoor Eleasar, ni Nunn aajapɔɔn u bi nan yin u ke Josua na, ni Israel yaab aaninkpiib biken chee,