Josua 17:1 - Uwumbɔr aagbaŋ

¹ Bi nan di kitiŋ ngbaan aapepel li bi Jɔɔdann Aamɔɔl aawilir wɔb na tii Josef aajapɔpol u bi nan yin u ke Manase na aanibol ligeln libaa aamaal. Gilead aate u bi nan yin u ke Makir na, uma le nan ye Manase aajapɔpol, u nan ye uja u ŋmaa to likumbool na la, nima pu na, Gilead aatiŋ, ni Basann aatiŋ ki nan bi Jɔɔdann Aamɔɔdapuul liwipuul wɔb na le bi nan di tii u,

Josua 17:1 Iomraidhean Croise

Mpiin 41:51

U nan bui ke, “Uwumbɔr cha m suln maafalaa, ni nte do yaab aabɔr a.” Nima pu na, u nan yin njan aabo ke Manase.

Mpiin 41:52

U nan ki bui ke, “Uwumbɔr le tii mi mbim limukl aatiŋ ni,” nima pu le u nan ki yin lelee aabo ke Efraim.

Mpiin 46:20

Le Josef aah bi Ijipt aatiŋ ni na, u nan ma mbijabim bilee, Manase ni Efraim. U ni upuu Asenaf, u aate nan ye Potifera u nan ye utotoor, aan ki nyan ni Heliopolis aatiŋ ni na le nan ma bi.

Mpiin 48:17

Le Josef aah kan ke ute di uŋangii paan Efraim pu na, naa mɔɔr u. Nima le u chuu ute aaŋangii u paar ki di paan Manase pu,

Mpiin 48:18

le ki bui ute ke, “Nte, naa ye kina, umina le ye ubopol. Di aaŋangii paan u pu.”

Mpiin 50:23

U nan bi ki kan ujapɔɔn Efraim aabim ni uyaabisɔsɔk. U nan ki kan uyaabil Makir, u ye Manase aajapɔɔn na aabim mu.

2 Samuel 2:9

Nima chee le Abner ti kaan Isbosef nnaan, ke u li ye Gilead, ni Aser, ni Jesreel, ni Efraim, ni Benjaminn aapepel, ni Israel yaab aatim muken mɔmɔk aabɔr.

1 Bibɔrb Aabɔr 2:23

Le Gesur ni Aram aanaan nan nyaŋ ntim imonko itaa nima, le Jair ni Kenaf aatim ni ntim mu bi duun nima na nan ŋmal mu ni. Binib bi mɔmɔk nan koo nima chee na nan ye Gilead aate Makir aayaabitiib la.

Esekiel 47:13

Tidindaan Uwumbɔr nan bui ke, “Kitiŋ ki ni ga di yakr tii ŋinibol kipiik ni ŋilee, aan Josef aanibol ma ga gaa nfum mulee pu na aatinaanmɔk sɔ.

Nkahm 26:29

Manase aanibol ponn ni aamaal aanib le nan ye Manase aajapɔɔn Makir, u mu aajapɔɔn nan ye Gilead na;

Nkahm 27:1

Josef aajapɔɔn le nan ye Manase, le u mu aajapɔɔn nan ye Makir, le u mu aajapɔɔn nan ye Gilead, le u mu aajapɔɔn nan ye Hefer, le u mu aajapɔɔn nan ye Selofehad, le uma nan kpa bisatiib ŋmeen la. Bi nan yin bi ke Mala, ni Nowa, ni Hogla, ni Milka, ni Tirsa.

Nkahm 32:33

Nima pu na, Moses nan di Amor yaab aabɔr Sihonn, ni Basann aabɔr Og aatiŋ aapepel mɔmɔk, ki kpee ntim, ni tikpaasar ti mann goln mu na le tii Gad, ni Rubenn, ni Manase aanibol ligeln libaa.

Ikaal 21:17

U yaa yakr waawan ngbaan kan, u di nfum mulee yaan tii njan aabijabo, hali waah kaa ye upuu u u gee sakpen na aabo na, u tii u kina. Uja mɔmɔk li nyi ki yakr waawan ki tii njan aabijabo, naah ŋeer ke u kan pu na.

Josua 17:2

le ki di kitiŋ ki bi Jɔɔdann Aamɔɔl aawilir wɔb na tii Manase aanibol aamaal ligeln li gur na. Baayimbil le paa na: Abieser, ni Helek, ni Asriel, ni Sekem, ni Hefer, ni Semida. Bi mɔmɔk nan ye Josef aajapɔɔn Manase aajapɔtiib la. Bi nan ye bidichajoob la.

Bibɔjirb 5:14

Bi nan nyan ni Efraim aatiŋ ni, ki sunn ni kifataŋ ni, ki paa Benjaminn aanibol, ni laanib pu. Bijab aaninkpiib ngbaan nan nyan ni Makir aataŋaal pu, le biyidam nyan Sebulunn aanibol ni.