Josua 14:3 - Uwumbɔr aagbaŋ

^3-4 Moses nan puen yakr kitiŋ ki bi Jɔɔdann aawipuul wɔb na le tii ŋinibol ŋilee ni ligeln na. Bi nan yakr Josef aamaal nfum mulee la, Manase ni Efraim. Moses aa nan yakr kitiŋ kibaa tii Liifai aamaal aan ki li ye baatiŋ. Bi nan tee nyan ntim le tii bi ke bi li koo mu ni, ni mmopaan nin chee baawakor ga li ji na.

Josua 14:3 Iomraidhean Croise

Esekiel 45:1

Bi yaa yakr Israel aatiŋ ke linibol mɔk kan laatiŋ kan, lipepel libaa li ye Uwumbɔr yaan. Laafɔfɔk li ye mal kipiik aah fɔk pu na, le nwawaan li ye mal biniin aah fɔk pu na. Lipepel ngbaan ga li ye chain.

Josua 12:6

Uwumbɔr aatutunn Moses ni Israel yaab le nan nyaŋ bibɔrb bilee ngbaan. Moses nan di baatim ngbaan tii Rubenn ni Gad aanibol, ni Manase aanibol ligeln, mu li ye baatim.

Josua 13:14

Moses aa nan yakr kitiŋ tii Liifai aanibol. Uwumbɔr aah nan bui Moses pu na, Liifai yaab le nan yeh tiwan nimɔk binib nan joo toor kitork ki seer mmii ni tii Israel yaab Aadindaan Uwumbɔr na aanann ngem.

Josua 13:16

Baatiŋ nan yoor ki ti ker Aroer mɔk, ki nan bi Anonn Aafataŋ aamɔgben la, ni kitiŋ ki bi kifataŋ ngbaan aakaasisik ni na, le ki kpee ntim mu mann gonn Medeba aatiŋ na,

Josua 13:17

ki ki kpee Hesbonn aatiŋ, ni ntim mu bi lijool li aapaacham bi taar na pu na, bi yin mu ke Dibonn, ni Bamof Baal, ni Bef Balmeonn,

Josua 13:8

Rubenn ni Gad aanibol, ni Manase aanibol ligeln nan kan kitiŋ ki ga li ye baatiŋ na. Uwumbɔr aatutunn Moses nan puen yakr ki tii bi, ki nan bi Jɔɔdann aamɔɔdapuul, liwipuul wɔb la.