Josua 14:1 - Uwumbɔr aagbaŋ

¹ Tibɔr ti paa na le ye baah nan yakr Kanaann aatiŋ, Jɔɔdann Aamɔɔl aawilir wɔb tii Israel yaab pu na. Utotoor Eleasar, ni Nunn aajapɔɔn u bi nan yin u ke Josua na, ni Israel yaab aanibol aamaal aaninkpiib le nan yakr kitiŋ tii Israel yaab aanib mɔmɔk.

Josua 14:1 Iomraidhean Croise

Esra 7:5

Buki aate nan ye Abisua la, le Abisua mu aate nan ye Fineas, le Fineas aate nan ye Eleasar, u aate nan ye utotoorninkpel Aaronn na.

Esekiel 45:1

Bi yaa yakr Israel aatiŋ ke linibol mɔk kan laatiŋ kan, lipepel libaa li ye Uwumbɔr yaan. Laafɔfɔk li ye mal kipiik aah fɔk pu na, le nwawaan li ye mal biniin aah fɔk pu na. Lipepel ngbaan ga li ye chain.

Nkahm 34:13

Moses nan bui Israel yaab ke, “Naah ga too inaan ki yakr kitiŋ ki na le na. Kitiŋ ki Uwumbɔr di tii ŋinibol ŋiwae ni ligeln na le na.

Nkahm 34:16

Uwumbɔr nan bui Moses ke,

Lituln 13:19

le ki nin jenn nyan ŋinibol ŋilole Kanaann aatiŋ ni, ki di kitiŋ ngbaan yakr ke lifaal na tii bi. Buyoonn bi nan koo Ijipt aatiŋ ni na, ki ti saa bundaln bi nan gaa Kanaann aatiŋ na, nan ye ŋibin ikui inaa ni piiŋmu la.

Ikaal 12:10

N‑yoonn mu ni ti puur Jɔɔdann Aamɔɔl doo na kan, Uwumbɔr ga cha ni gaa kitiŋ ngbaan, ki li bi nima. U ga li kii nimi, nimi aadim chee, le ni ga li kpa nsuudoon.

Josua 13:6

Ntim ngbaan mɔmɔk nan kpaan Saidonn yaab bi bi ŋigongon aatim mu bi Lebanonn aajool ni Misrefof Mayim aatiŋ aakaasisik ni na la. Le Israel yaab aah tur koo bi ponn ni pu na, m ga jenn nyan binib ngbaan mɔmɔk. Aa yakr kitiŋ ngbaan tii Israel yaab, maah bui si ke aa ŋa pu na.

Josua 19:51

Utotoor Eleasar, ni Nunn aajapɔɔn Josua, ki kpee Israel yaab aanibol aaninkpiib le nan yakr ntim ngbaan tii bi mɔmɔk; bi nan too inaan ki mee Uwumbɔr, Silo aatiŋ ni, Uwumbɔr aah bi Libool li ni na aabisamɔb chee. Kina le bi nan ŋa, le ki yakr kitiŋ ngbaan doo.

Josua 21:1

Liifai aanibol aaninkpiib nan buen utotoor Eleasar, ni Nunn aajapɔɔn u bi nan yin u ke Josua na, ni Israel yaab aaninkpiib biken chee,