Josua 13:9 - Uwumbɔr aagbaŋ

⁹ Baatiŋ mɔk nan yoor ki ti ker Aroer aatiŋ mɔk, ki nan bi Anonn Aafataŋ aamɔgben la, ni kitiŋ ki nan bi kifataŋ ngbaan aakaasisik ni na, ki kpee Medeba aatiŋ, ki ti ker Dibonn aatiŋ mɔk na,

Josua 13:9 Iomraidhean Croise

2 Samuel 24:5

Bi nan ti puur Jɔɔdann Aamɔɔl, le ki ti kal Aroer, kitiŋ ki bi kifataŋ aakaasisik ni, Gad aanibol aapepel ni na aaŋangii wɔb. Bi nan nyan nima, le ki buen ŋŋangan wɔb, Jaser aatiŋ ni,

1 Bibɔrb Aabɔr 19:7

Bi nan pan ŋichur piitaa ni ŋilee aataan aatɔroku tiib, ni bijab bi ŋaal tɔroku tiib na, ni Maaka aabɔr aajab, le bi nan ti kuun kal gbaŋ Medeba. Le Amonn yaab mu nyan ni baatim mɔmɔk ni ki gor ke bi ti jan kijaak.

Nehemia 11:25

Binib ngbaan ponn ni pam le nan kal ntim mu bi gbɔk baasar na. Binib bi nan ye Juda yaab na nan kal Kiriaf Aba, ni Dibonn, ni Jekabseel, ni itingbaan i bi gbɔk ntisakpem mue na ni la.

Aisaya 15:2

Dibonn yaab jon ligongoln paab ki ti wii kiwaachuk ni. Moab yaab wii Nebo ni Medeba aatim aanib pu; bi kuu biyikpir ni bilangban mpombiin pu.

Jeremia 48:18

Nimi bi koo Dibonn aatiŋ ni na, sunn ni kinyuŋ aakakaa chee ki nan kal kitiŋ, titan ni man; unii u ban u bii Moab na fuu ni a, le ki ber kaadir ti fɔk ki pɔɔ ki kpa tijawan na lii.

Jeremia 48:22

ni Dibonn, ni Nebo, ni Bef Diblataim,

Jeremia 48:8

Kitiŋ kibaa aan nya libiil ngbaan ni; tifatann, ni ni kaa ye tifatann na ga bii. Min Uwumbɔr le len kina.

Nkahm 21:30

Le n‑yoonn mue, baamaal bii doo, ki yoor Hesbonn aatim mɔmɔk, ki ti ker Dibonn aatiŋ, ki ki yoor Nasim aatiŋ ni, ki ti ker Nofa aatiŋ ki bi gbɔk Medeba aatiŋ na.”

Ikaal 2:36

Tidindaan Uwumbɔr le nan cha ti gaa ntim ngbaan mɔmɔk, ki nyan Aroer aatiŋ ni, ki di dii Anonn aafataŋ aagbaan, ni kitisakpeŋ ki mu bi kifataŋ ngbaan aakaasisik ni na, ki di ti ker Gilead aatiŋ. Ntim ngbaan mɔmɔk aagon aa nan pɔɔ nyaŋ timi.

Ikaal 3:12

“Taah nan gaa kitiŋ ngbaan na, m nan di lipepel li bi Aroer aatiŋ ŋŋangan wɔb ki bi gbɔk Anonn Aamɔɔl chee, ni ŋigongon aatiŋ Gilead aapepel nibaa wɔb, ni kaatim, le di tii Rubenn ni Gad aanibol.

Ikaal 3:16

ki yoor Gilead mɔk ki ti ker Anonn Aamɔɔl na, m nan di nima tii Rubenn ni Gad aanibol la. Limɔɔl ngbaan aakaasisik ni le nan ye baatiŋ ngbaan aaŋangii wɔb aanaanmɔk, le ŋŋangan wɔb aanaanmɔk nan ye Jabok Aamɔɔl mɔk, lipepel ngbaan libaa mu nan ye Amonn yaab aanaanmɔk.

Josua 12:2

Ubaa le nan ye Amor yaab aabɔr u bi nan yin u ke Sihonn na, uma le nan jin nnaan Hesbonn aatiŋ ni. Waanaan ngbaan le nan ye Gilead aapepel ligeln, ki nyan Aroer aatiŋ ki bi Anonn Aafataŋ aamɔgben na, ni kitiŋ ki bi kifataŋ ngbaan aakaasisik ni na, ki ti ker Jabok Aamɔɔl li ye Amonn yaab aatiŋ mɔk na,

Josua 13:10

ki ki yoor kina ki ti ker Amonn yaab aatinaanmɔk, ki kpee ntim mu Amor yaab aabɔr u bi nan yin u ke Sihonn na nan joo mu na, waatiyil nan ye Hesbonn la,

Josua 13:16

Baatiŋ nan yoor ki ti ker Aroer mɔk, ki nan bi Anonn Aafataŋ aamɔgben la, ni kitiŋ ki bi kifataŋ ngbaan aakaasisik ni na, le ki kpee ntim mu mann gonn Medeba aatiŋ na,

Josua 13:8

Rubenn ni Gad aanibol, ni Manase aanibol ligeln nan kan kitiŋ ki ga li ye baatiŋ na. Uwumbɔr aatutunn Moses nan puen yakr ki tii bi, ki nan bi Jɔɔdann aamɔɔdapuul, liwipuul wɔb la.