Josua 13:8 - Uwumbɔr aagbaŋ

⁸ Rubenn ni Gad aanibol, ni Manase aanibol ligeln nan kan kitiŋ ki ga li ye baatiŋ na. Uwumbɔr aatutunn Moses nan puen yakr ki tii bi, ki nan bi Jɔɔdann aamɔɔdapuul, liwipuul wɔb la.

Josua 13:8 Iomraidhean Croise

Nkahm 32:19

Taah kan timi aatiŋ Jɔɔdann aamɔɔl, liwipuul do na, taan ki ban nibaa biken chee, Jɔɔdann aamɔɔdapuul.”

Ikaal 3:8

“N‑yoonn ngbaan, ti nan gaa Amor yaab aabɔrb bilee ngbaan aatiŋ ki bi Jɔɔdann Aamɔɔl aawipuul wɔb, ki yoor Anonn Aamɔɔl chee ki ti ker Hemonn Aajool mɔk na.

Josua 12:1

Israel yaab nan puen nyaŋ ki gaa kitiŋ ki bi Jɔɔdann Aamɔɔl liwipuul wɔb na, ki yoor Anonn Aafataŋ ni ki ti saa Jɔɔdann Aafataŋ, ki ti ker ŋŋangan, Hemonn Aajool wɔb. Bi nan nyaŋ bibɔrb bilee la.

Josua 12:6

Uwumbɔr aatutunn Moses ni Israel yaab le nan nyaŋ bibɔrb bilee ngbaan. Moses nan di baatim ngbaan tii Rubenn ni Gad aanibol, ni Manase aanibol ligeln, mu li ye baatim.

Josua 13:7

Dandana wee, yakr kitiŋ kee ki tii Israel yaab ŋinibol ŋiwae ŋi gur na, ni Manase aanibol ligeln li gur na, aan ki li ye baatiŋ.”

Josua 13:9

Baatiŋ mɔk nan yoor ki ti ker Aroer aatiŋ mɔk, ki nan bi Anonn Aafataŋ aamɔgben la, ni kitiŋ ki nan bi kifataŋ ngbaan aakaasisik ni na, ki kpee Medeba aatiŋ, ki ti ker Dibonn aatiŋ mɔk na,

Josua 22:4

Dandana wee, waah nan puu pu na, Nidindaan Uwumbɔr tii niŋeen aatɔtiib Israel yaab biken nsuudoon a. Kina pu na, gir kun kitiŋ ki pu ni nan gaa ki ye nimi yaan na, kitiŋ ki bi liwipuul, Jɔɔdann aamɔɔdapuul wɔb na, kitiŋ ki Uwumbɔr aatutunn Moses nan di tii nimi na.

Josua 4:12

Rubenn, ni Gad, ni Manase aanibol ligeln libaa aajab nan puen puur ki loln biken pu nsan, ki ti gor ke bi to butɔb, Moses aah nan bui bi ke bi ŋa pu na.

1 Samuel 13:7

Bibaa mu nan san puur Jɔɔdann Aamɔɔl, ki koo Gad ni Gilead aapepel ponn ni. Sɔɔl nan beenin bi Gilgal ni, le binib bi nan bi u chee na aawon gbaa ijawaan pu.