Josua 13:6 - Uwumbɔr aagbaŋ

⁶ Ntim ngbaan mɔmɔk nan kpaan Saidonn yaab bi bi ŋigongon aatim mu bi Lebanonn aajool ni Misrefof Mayim aatiŋ aakaasisik ni na la. Le Israel yaab aah tur koo bi ponn ni pu na, m ga jenn nyan binib ngbaan mɔmɔk. Aa yakr kitiŋ ngbaan tii Israel yaab, maah bui si ke aa ŋa pu na.

Josua 13:6 Iomraidhean Croise

Ilahn 80:8

Aa nan di ŋisubil aasub nyan ni Ijipt aatiŋ ni; aa nan jenn nyan ŋinibol le ki di bu ŋum baatiŋ ni.

Nkahm 33:54

Ni too inaan ki yakr kitiŋ ngbaan ki tii ŋinibol, ni itaŋaal ni yaab mɔmɔk. Bi aataŋaal yaab wiir na kan, ni gii kitiŋ ki li wiir ki tii bi, aan ki gii kitiŋ waatiir tii bi kaa wiir na mu.

Josua 1:6

Pɔɔn aabaa ki li kpa lipobil, sin le ga loln binib ngbaan pu nsan, le bi gaa kitiŋ ki m nan puu ke m ga di ki tii biyaajatiib na.

Josua 11:12

Josua nan nyaŋ bibɔrb ngbaan, ni baatim mɔmɔk, ki ku binib ngbaan mɔmɔk, ke Uwumbɔr aatutunn Moses aah nan bui u ke u ŋa pu na.

Josua 11:8

Uwumbɔr nan cha Israel yaab nyaŋ bi. Israel yaab nan lir bi pu, ki san dii bi ki ti nyan Misrefof Mayim, ni Saidonn aatim ni, ŋŋangan wɔb, le bi jer nima ki ti saa Mispa aafataŋ ni, liwipuul wɔb. Butɔb ngbaan nan bi kina le Israel yaab ti nin ku baadim mɔmɔk doo.

Josua 13:7

Dandana wee, yakr kitiŋ kee ki tii Israel yaab ŋinibol ŋiwae ŋi gur na, ni Manase aanibol ligeln li gur na, aan ki li ye baatiŋ.”

Josua 23:13

ni li nyi ke Nidindaan Uwumbɔr aan jenn nyan ŋinibol ngbaan, naah tur koo bi ponn ni pu na. Bi ga tee li ye ntafadaan le ni pu, ki li ye gaawɔb, ni libuul tii nimi. Le baah ga ŋa nimi falaa u na ga li wu nipuwɔb ke mbambaan na la, ki ga ki li wu ke ikokon le aah saar ninimbil ni na. Le ni ga li bi kina hali ki ti saa buyoonn ni ponn ni ubaa aan ti ki gur kitinyaan kimina ponn ni, kitiŋ ki Nidindaan Uwumbɔr di tii nimi na.

Josua 23:4

M tii nimi ntim mu gur ke ni ga gaa, aan mu li ye nimi yaan na, le ki kpee ntim mu ti nyaŋ ki gaa, ki yoor Jɔɔdann Aamɔɔl mɔk, liwipuul wɔb, ki ti ker Kaasisik ni Aanyusakpem mɔk, liwilir wɔb na.

Josua 23:5

Nidindaan Uwumbɔr le ga cha nimi aadim san nimi ijawaan, ki ga jenn nyan bi, le ni ga gaa baatim ke uma Nidindaan Uwumbɔr aah puu tii nimi pu na.