Josua 13:5 - Uwumbɔr aagbaŋ

⁵ ki kpee Gebali yaab aatiŋ, ni Lebanonn aapepel, liwipuul wɔb, ki yoor Baalgad aatiŋ ki bi Hemonn Aajool, ŋŋangii wɔb na, ki ti ker Hamaf Aajool aasan na.

Josua 13:5 Iomraidhean Croise

1 Bibɔrb 5:18

Solomonn aatutum, ni Hiram aatutum, ni bitutum bi nan nyan ni Biblos aatiŋ ni na, le nan toor ŋitakpal ni idɔ i bi ga di maa Uwumbɔr Aadichal na.

1 Bibɔrb 8:65

Uwumbɔr Aadichal chee nima, le Solomonn ni binib ngbaan mɔmɔk nan jin Tikakar Aajim ki ti saa iwiin ilole. Kinipaak nan nyan ni dandar, ki yoor nya Hamaf aasan mu bi ŋŋangan wɔb na, ni Ijipt aatinaanmɔk, ŋŋangii wɔb.

Ilahn 83:7

le Gebel yaab, ni Amonn yaab, ni Amalek yaab kpaan, le Filistia ni Taya yaab mu kpaan.

Aisaya 10:9

M nyaŋ Kalno ni Kakemis aatim mɔmɔk, ki nyaŋ Hamaf ni Apad aatim mɔmɔk. M nyaŋ Samaria ni Damaskus aatim.

Jeremia 52:9

Bi nan di Sedekia buen Ubɔr Nebukadnesar u nan bi Ribla aatiŋ ki bi Hamaf aapepel ni na chee, nima chee le Nebukadnesar nan ti jin u tibɔr ki siin baah ga ŋa u pu na.

Esekiel 27:9

Biŋɔkpiib nan ye Biblos aakpikpiib kpaam la. Iŋɔsakpiin mɔmɔk aaŋɔŋaab nan daa aa chee.

Amos 6:2

li cha ti lik man Kalne aatisakpeŋ na, ki buen man Hamaf aatisakpeŋ ki kpa mpɔɔn na, ki sunn buen Filistia yaab aatisakpeŋ Gaf chee. Mu aa ŋan ki jer Juda ni Israel aanaan. Le mu aatingbaan mu aa wiir jer nimi yoo.

Nkahm 13:21

Nima pu na, bijab ngbaan nan siir buen, ki dii ŋŋangan wɔb, ki mann kitiŋ ngbaan, ki ti nyan Sinn Aateersakpiin ni, ŋŋangii wɔb, ki di kina ti nyan Rehob aatiŋ pu, baah puur nkpen mu bi ŋijoo aakaasisik ni na, Hamaf aatiŋ chee, ŋŋangan wɔb.

Nkahm 34:8

ki ki yoor nima ti nya Hamaf aasan chee; le ki di dii kina ti nya Sedad,

Ikaal 1:7

Fiin nima chee ki li cha man. Ni li cha Amor yaab aatiŋ ki ye ŋigongon na ni, ni ŋipepel mɔmɔk ŋi fab na ni, ŋi ye Jɔɔdann aafataŋ, ni ŋigongon na, ni ŋigongon aataab, ki ti ker ŋŋangii aapepel wɔb, ki yoor kina ki ti ker Kaasisik ni Aanyusakpem aagbaan. Ni li cha Kanaann aatiŋ ni, ki jer koo Lebanonn Aajoo ni, ki yoor kina ki ti fuu Yufrates Aamɔɔl sakpeln mɔk.

Ikaal 3:25

Uwumbɔr, cha m puur Jɔɔdann Aamɔɔl, aan ki kan kitiŋ ki nyuun na, ki bi nima wɔb, ki ye ŋigongon aatinyanyaan ngbaan na, ni Lebanonn Aajoo.’

Josua 11:17

Lipepel ngbaan le di ti ker ŋŋangii wɔb, Halak Aajool li bi gbɔk Edom aatiŋ na, ki di kina ti ker ŋŋangan wɔb, Baalgad aatiŋ ki bi Hemonn Aajool, ŋŋangii wɔb, Lebanonn aafataŋ ni na. Josua ni ŋipepel ngbaan aabɔrb nan ton tɔb butɔb ni yunn pam, le u nan nyaŋ bi, ki ku bi mɔmɔk.

Josua 11:3

U nan ki tun Kanaann yaab bi ka nɔn Jɔɔdann aamɔɔl ŋipepel mɔmɔk ki ye Amor yaab, ni Hef yaab, ni Peris yaab, ni Jebus yaab na mu chee, bi mɔmɔk nan bi ŋigongon paab na, le ki kpee Hif yaab bi nan ka Hemonn Aajool aataab ki bi Mispa aatiŋ ni na chee.

Josua 12:7

Josua ni Israel aanib le nan nyaŋ bibɔrb bi aatim bi Jɔɔdann Aamɔɔdapuul, liwilir wɔb, ki yoor Baalgad aatiŋ ki bi Lebanonn aafataŋ ni, ki ti ker ŋŋangii wɔb, Halak Aajool li bi gbɔk Edom aatiŋ na. Josua nan yakr kitiŋ ngbaan tii Israel aanibol, ki li ye baatiŋ ki joo cha.