Josua 13:11 - Uwumbɔr aagbaŋ

¹¹ ki ki kpee Gilead aapepel, ni Gesur ni Maaka aapepel, ni Hemonn Aajool aapepel mɔmɔk, ni Basann aatim mɔmɔk, ki yoor kina ki ti ker Saleka,

Josua 13:11 Iomraidhean Croise

Mpiin 37:25

Nee aapuwɔb, le bi ka ji tijikaar, le ki kan Ismael yaab bibaa choo ki nyan ni Gilead, ki jer cha Ijipt aatiŋ ni. Bi nan joo laakumii tiib ki di tulalee aabɔŋ aabɔŋ, ni iween aanyɔk pam bi pu.

1 Bibɔrb Aabɔr 2:23

Le Gesur ni Aram aanaan nan nyaŋ ntim imonko itaa nima, le Jair ni Kenaf aatim ni ntim mu bi duun nima na nan ŋmal mu ni. Binib bi mɔmɔk nan koo nima chee na nan ye Gilead aate Makir aayaabitiib la.

1 Bibɔrb Aabɔr 5:11

Gad aanibol nan bi Rubenn aanibol aaŋangan wɔb, Basann aatiŋ pu, le ki yoor kina ti saa liwipuul wɔb Saleka aatiŋ ni.

Nkahm 32:29

“Gad ni Rubenn aajab yaa puur Jɔɔdann aamɔɔl ke bi ti to butɔb, Uwumbɔr aah tuk bi pu na, aan baaterm pu ni yaa nyaŋ kan, ni di Gilead aatiŋ tii bi, ki li ye biyaan.

Ikaal 3:10

Ti nan gaa Basann aatiŋ aabɔr Og aapepel mɔmɔk doo; ntim mu nan bi ŋigongon ŋi bi taar na pu, ki kpee Gilead ni Basann aapepel, li di ti nyan Saleka ni Edrei aatim mu bi liwipuul wɔb na.”

Josua 11:3

U nan ki tun Kanaann yaab bi ka nɔn Jɔɔdann aamɔɔl ŋipepel mɔmɔk ki ye Amor yaab, ni Hef yaab, ni Peris yaab, ni Jebus yaab na mu chee, bi mɔmɔk nan bi ŋigongon paab na, le ki kpee Hif yaab bi nan ka Hemonn Aajool aataab ki bi Mispa aatiŋ ni na chee.

Josua 13:10

ki ki yoor kina ki ti ker Amonn yaab aatinaanmɔk, ki kpee ntim mu Amor yaab aabɔr u bi nan yin u ke Sihonn na nan joo mu na, waatiyil nan ye Hesbonn la,

Josua 13:2

Muma le ye Filistia yaab aatiŋ, ni Gesur yaab aatiŋ,

Josua 13:25

Baatiŋ mɔk le nan ye Jaser, ni ntim mu bi Gilead ni na, ni Amonn yaab aatiŋ ligeln ki yoor ti ker Aroer mɔk, ki nan bi Raba aatiŋ aawipuul wɔb la.

Josua 17:5

Nima pu le Manase aanibol ma nan kan kitiŋ ngbaan nfum kipiik pu, ki kpee Gilead ni Basann aatim mu bi Jɔɔdann Aamɔɔl aawipuul wɔb na pu,

1 Samuel 13:7

Bibaa mu nan san puur Jɔɔdann Aamɔɔl, ki koo Gad ni Gilead aapepel ponn ni. Sɔɔl nan beenin bi Gilgal ni, le binib bi nan bi u chee na aawon gbaa ijawaan pu.