Josua 12:5 - Uwumbɔr aagbaŋ

⁵ Waanaan ngbaan le nan ki joo Hemonn Aajool, ni Saleka aatiŋ, ni Basann aatim mu, ki yoor kina ki ti ker Gesur ni Maaka aatim mɔk, ni Gilead aapepel ligeln, ki ti saa Hesbonn aabɔr Sihonn aapepel.

Josua 12:5 Iomraidhean Croise

2 Samuel 13:37

Absalom nan san buen Amihud aajapɔɔn Ubɔr Talmai chee, Gesur aatiŋ ni la, ki ti koo nima ki ti saa ŋibin ŋitaa. David nan wii ujapɔɔn Amnonn pu ni ti yunn pam,

2 Samuel 15:8

Maah nan bi Siria aatiŋ ki bi yin ki ke Gesur na, m nan puu tipuur tii Uwumbɔr ke u yaa ki di mi giin Jerusalem ponn ni kan, m ga li dooni u Hebronn ni la.”

2 Samuel 3:3

ni Kileab, u aana nan ye Nabal aakpopii Abigail aan u nyan ni Kamel na; ni Absalom, u aana nan ye Gesur aatiŋ Aabɔr Talmai aabisal Maaka na;

2 Bibɔrb 25:23

Juda aaninkpiib ni baajab bi kaa nan di bibaa tii Babiloŋ yaab na aah ŋun kina na, le bi buen Gedalia chee Mispa aatiŋ ni. Bininkpiib ngbaan le nan ye Netania aajapɔɔn Ismael, ni Karea aajapɔɔn Johanann, ni Tanhumef u nyan ni Netofa aatiŋ ni na aajapɔɔn Seraya, ni Maaka aatiŋ aanii Jesania.

1 Bibɔrb Aabɔr 5:11

Gad aanibol nan bi Rubenn aanibol aaŋangan wɔb, Basann aatiŋ pu, le ki yoor kina ti saa liwipuul wɔb Saleka aatiŋ ni.

Jeremia 40:8

Kina pu le Natania aajapɔɔn Ismael, ni Karea aajapɔɔn Johanann, ni Tanhumef aajapɔɔn Seraya, ni Efai u nyan ni Netofa na aajapɔtiib, ni Jesania u nyan ni Maaka na di baajab buen Mispa aatiŋ ni, Gedalia chee.

Ikaal 3:14

Le Jair, u nan ye Manase aanibol ni aanii na, nan gaa Agob aapepel mɔmɔk. Bi ki yin nima ke Basann, le waanaanmɔk nan di ti ker Gesur ni Maaka aatim mɔk. U nan di waayimbil le yin ntimbim ngbaan, le bi beenin yin mu ke Jair aatim ki nan saa din.

Josua 11:3

U nan ki tun Kanaann yaab bi ka nɔn Jɔɔdann aamɔɔl ŋipepel mɔmɔk ki ye Amor yaab, ni Hef yaab, ni Peris yaab, ni Jebus yaab na mu chee, bi mɔmɔk nan bi ŋigongon paab na, le ki kpee Hif yaab bi nan ka Hemonn Aajool aataab ki bi Mispa aatiŋ ni na chee.

Josua 12:1

Israel yaab nan puen nyaŋ ki gaa kitiŋ ki bi Jɔɔdann Aamɔɔl liwipuul wɔb na, ki yoor Anonn Aafataŋ ni ki ti saa Jɔɔdann Aafataŋ, ki ti ker ŋŋangan, Hemonn Aajool wɔb. Bi nan nyaŋ bibɔrb bilee la.

Josua 13:11

ki ki kpee Gilead aapepel, ni Gesur ni Maaka aapepel, ni Hemonn Aajool aapepel mɔmɔk, ni Basann aatim mɔmɔk, ki yoor kina ki ti ker Saleka,

1 Samuel 27:8

N‑yoonn ngbaan le David ni waajab nan chaa ti tak Gesur, ni Girsi, ni Amalek aanib, bima le nan puen bi lipepel ngbaan n‑yoonn mu jer na. U nan binn baatiŋ ki ti saa Sur, ni Ijipt,