Josua 12:1 - Uwumbɔr aagbaŋ

¹ Israel yaab nan puen nyaŋ ki gaa kitiŋ ki bi Jɔɔdann Aamɔɔl liwipuul wɔb na, ki yoor Anonn Aafataŋ ni ki ti saa Jɔɔdann Aafataŋ, ki ti ker ŋŋangan, Hemonn Aajool wɔb. Bi nan nyaŋ bibɔrb bilee la.

Josua 12:1 Iomraidhean Croise

1 Bibɔrb 4:19

Uri aajapɔɔn Geber le nan yeh Gilead aapepel li Amor Aabɔr Sihonn, ni Basann Aabɔr Og nan joo na. Uyidaan ubaa le nan bi, ki lik biyidam kipiik ni bilee bee, litingbaln ngbaan mɔmɔk pu.

Ilahn 133:3

Ni naahn limaln li bi Hemonn Aajool paab, ki lir ni Sionn aagongon pu na la. Nima chee le Uwumbɔr puu ke u ga ŋa waanyoor ti ye limɔfal li kaa kpa ndoon na ŋa bi pu.

Ilahn 136:21

U nan di baatim tii waanib Israel yaab; waageehm aa kpa ndoon.

Ilahn 89:12

Sin le naan ŋŋangan ni ŋŋangii; Tabor Aajool ni Hemonn Aajool gaa mpopiin aalahn aa pu.

Aisaya 16:2

Bi nan si Anonn aamɔɔl aagbaan le ki kii, kaa nyi baah ga ŋa pu na, aan ki di ti nya do, ki nan nya do, ke inyoon i bi jenn nyan i yaanyondil ni na.

Nkahm 21:13

Bi nan ki fii nima chee mu, ki ti kal Anonn Aamɔɔl chee, ŋŋangan wɔb, nteersakpiin ni; mu di kina ti kar Amor yaab aatiŋ aapepel wɔb. Anonn Aamɔɔl le nan yakr Moab yaab ni Amor yaab aatim.

Nkahm 21:21

Israel yaab nan tun ntuun Amor yaab aabɔr u bi yin u ke Sihonn na chee, ki bui ke:

Nkahm 21:24

Israel yaab nan ku baadim ngbaan pam butɔb ngbaan ni, le ki gaa baatim mu bi Anonn Aamɔɔl ŋŋangan wɔb na ki ti ker Jabok Aamɔɔl, ki ti fuu Amonn yaab aanaanmɔk. Amonn yaab aajab nan kii baatim aanaanmɔk ni pɔɔ pam.

Nkahm 32:19

Taah kan timi aatiŋ Jɔɔdann aamɔɔl, liwipuul do na, taan ki ban nibaa biken chee, Jɔɔdann aamɔɔdapuul.”

Nkahm 32:32

Waah tuk timi pu na, ti ga puur buen Kanaann aapepel wɔb ki ti to butɔb, nima kan, Jɔɔdann aamɔɔl liwipuul wɔb do, ga li ye timi aatiŋ.”

Nkahm 32:33

Nima pu na, Moses nan di Amor yaab aabɔr Sihonn, ni Basann aabɔr Og aatiŋ aapepel mɔmɔk, ki kpee ntim, ni tikpaasar ti mann goln mu na le tii Gad, ni Rubenn, ni Manase aanibol ligeln libaa.

Ikaal 2:24

“Taah dii Moab aapepel ki jer doo na, le Uwumbɔr bui timi ke, ‘Dandana wee, fenn ki puur Anonn Aamɔɔl man. M ga di Amor yaab aabɔr Sihonn u koo Hesbonn aatiŋ ni na, ni waatiŋ, ŋa niŋaal ni. Tak u man, ki piin ki gaa waatiŋ man.

Ikaal 2:32

Ubɔr Sihonn ni waajab mɔmɔk nan nyan ni, le ki to timi butɔb, Jahas aatiŋ chee,

Ikaal 3:1

“Ni paa na, ti nan di buen ŋŋangan wɔb, Basann aapepel ni, le ubɔr Og ni waajab mɔmɔk nyan ni ke bi nan faa timi butɔb, Edrei aatiŋ chee.

Ikaal 4:44

Moses nan di Uwumbɔr aakaal, ni waamɔkm, tuk Israel aanib ngbaan.

Ikaal 4:48

Kitiŋ ngbaan nan yoor kina le ki ti ker Aroer aatiŋ ki bi Anonn Aamɔɔl aagbaan na, le ki yoor kina ti saa Sirionn Aajool chee, ŋŋangan wɔb, bi nan ki yin lijool ngbaan ke Hemonn la.

Josua 1:15

aan bi ti gaa ki koo kitiŋ ki bi Jɔɔdann aawilir wɔb aan Nidindaan Uwumbɔr di tii bi na. N‑yoonn mu u ti tii Israel aanibol mɔmɔk lifuur na kan, ni ga ŋmaa gir dan ki nan kal nibaa aatiŋ pu, Jɔɔdann aawipuul wɔb, kitiŋ ki Uwumbɔr aatutunn Moses nan di tii nimi na.”

Josua 11:17

Lipepel ngbaan le di ti ker ŋŋangii wɔb, Halak Aajool li bi gbɔk Edom aatiŋ na, ki di kina ti ker ŋŋangan wɔb, Baalgad aatiŋ ki bi Hemonn Aajool, ŋŋangii wɔb, Lebanonn aafataŋ ni na. Josua ni ŋipepel ngbaan aabɔrb nan ton tɔb butɔb ni yunn pam, le u nan nyaŋ bi, ki ku bi mɔmɔk.

Josua 11:3

U nan ki tun Kanaann yaab bi ka nɔn Jɔɔdann aamɔɔl ŋipepel mɔmɔk ki ye Amor yaab, ni Hef yaab, ni Peris yaab, ni Jebus yaab na mu chee, bi mɔmɔk nan bi ŋigongon paab na, le ki kpee Hif yaab bi nan ka Hemonn Aajool aataab ki bi Mispa aatiŋ ni na chee.

Josua 13:8

Rubenn ni Gad aanibol, ni Manase aanibol ligeln nan kan kitiŋ ki ga li ye baatiŋ na. Uwumbɔr aatutunn Moses nan puen yakr ki tii bi, ki nan bi Jɔɔdann aamɔɔdapuul, liwipuul wɔb la.

Josua 22:4

Dandana wee, waah nan puu pu na, Nidindaan Uwumbɔr tii niŋeen aatɔtiib Israel yaab biken nsuudoon a. Kina pu na, gir kun kitiŋ ki pu ni nan gaa ki ye nimi yaan na, kitiŋ ki bi liwipuul, Jɔɔdann aamɔɔdapuul wɔb na, kitiŋ ki Uwumbɔr aatutunn Moses nan di tii nimi na.

Bibɔjirb 11:18

Nee aapuwɔb le Israel yaab nan ki di koo nteersakpiin ni, ki gɔln Edom aatiŋ, ni Moab aatiŋ, ki ti fuu Moab yaab aatiŋ aawipuul wɔb, Anonn Aamɔɔdapuul. Bi nan laa kal nima, bi mu aa nan tee puur Anonn Aamɔɔl li nan ye Moab aatinaanmɔk na.