Josua 11:8 - Uwumbɔr aagbaŋ

⁸ Uwumbɔr nan cha Israel yaab nyaŋ bi. Israel yaab nan lir bi pu, ki san dii bi ki ti nyan Misrefof Mayim, ni Saidonn aatim ni, ŋŋangan wɔb, le bi jer nima ki ti saa Mispa aafataŋ ni, liwipuul wɔb. Butɔb ngbaan nan bi kina le Israel yaab ti nin ku baadim mɔmɔk doo.

Josua 11:8 Iomraidhean Croise

Mpiin 10:15

Kanaann aabim le ye Saidonn u ye upol na, ni Hef. Biyaabitiib nan di bima aayimbil le yin baanibol.

Mpiin 49:13

Sin Sebulunn, aa ga li bi nnyusakpem chee la. Le iŋɔi i bi nnyusakpem ni na ga li gee i dan aa chee ki nan peŋ. Le saanaan mɔk ga pii Saidonn aatiŋ ni.

2 Samuel 24:6

le ki nyan nima ki buen Gilead, ni Kades, ntim mu bi Hef yaab aapepel ni na, le ki nyan nima ki buen Dann aanibol aapepel ni, ki nyan nima, ki buen liwilir wɔb, Saidonn aatiŋ ni.

Aisaya 23:4

Saidonn aatisakpeŋ, inimɔɔn chuu si a. Nnyusakpem, ni tiwan ni bi mu taab na yii si ki bui ke, “Maa ma mbim kpala. Maa kpiin mbijabim ni mpiibim kpala.”

Sekaria 9:2

Hamaf aatiŋ, ki bi Hadrak aatinaanmɔk na, mu ye uyaan la. Uma le yeh Taya ni Saidonn aatim, ni mu aanyim mɔmɔk.

Ikaal 7:2

N‑yoonn mu Nidindaan Uwumbɔr ti di binib ngbaan ŋa nimi aapɔɔn ni, aan ni nyaŋ bi na kan, ni ku doo bi kookoo. Ni taa ŋa bi nimaantɔtiib, ki taa li san bi kinimbaak.

Ikaal 9:3

Ni ga kan, ki bee nibaa, ke Nidindaan Uwumbɔr ga loln ni pu nsan, ke mmii mu pɔɔ na. Naah tur koo bi ni pu na, le u ga nyaŋ bi, aan ni jenn nyan bi woween, ki kuln bi, ke waah nan puu pu na.

Josua 10:20

Le Josua ni Israel yaab nan ku bi pam, bibaa mu nan san ti bɔr baah maa ŋigon kiir ntim mu na ni, le baa pii bi ki ku bi.

Josua 11:3

U nan ki tun Kanaann yaab bi ka nɔn Jɔɔdann aamɔɔl ŋipepel mɔmɔk ki ye Amor yaab, ni Hef yaab, ni Peris yaab, ni Jebus yaab na mu chee, bi mɔmɔk nan bi ŋigongon paab na, le ki kpee Hif yaab bi nan ka Hemonn Aajool aataab ki bi Mispa aatiŋ ni na chee.

Josua 11:7

Le Josua ni waajab mɔmɔk buen ti lir bi pu, Merom Aanyun na chee.

Josua 13:6

Ntim ngbaan mɔmɔk nan kpaan Saidonn yaab bi bi ŋigongon aatim mu bi Lebanonn aajool ni Misrefof Mayim aatiŋ aakaasisik ni na la. Le Israel yaab aah tur koo bi ponn ni pu na, m ga jenn nyan binib ngbaan mɔmɔk. Aa yakr kitiŋ ngbaan tii Israel yaab, maah bui si ke aa ŋa pu na.

Josua 19:28

ni Ebronn, ni Rehob, ni Hamonn, ni Kana aatim ni, le ki di ti pii kitikpaan Saidonn ni.

Josua 21:44

Uwumbɔr nan tii bi nsuudoon, kitiŋ ngbaan mɔmɔk ni, ke waah nan puu tii biyaajatiib pu na. Le baadim ponn ni ubaa kina aa ŋmaa ŋa bi nibaa, ba pu? Uwumbɔr le nan tii bi linyaŋ baadim mɔmɔk pu.