Josua 11:6 - Uwumbɔr aagbaŋ

⁶ Le Uwumbɔr nan bui Josua ke, “Taa san bi ijawaan. Fen kina kookoo na kan, m ga fe ku bi mɔmɔk tii Israel yaab. Aa wɔi baataan, ki see baatɔroku mam mmii.”

Josua 11:6 Iomraidhean Croise

2 Samuel 8:4

U nan chur waajab bi dik itaan pu na ikui kipiik ni ilole la, ki chur bijab bi chuun bitaa pu na mu ŋichur moninko. U nan nyan itaan i ga ŋeer itaan aatɔroku mam nkub na, le ki gaa kpar i gur na aataachur.

2 Bibɔrb 6:16

Le Elaisa bui u ke, “Taa san ijawaan. Ti kpa bijab tipuwɔb jer baah kpa pu na,”

2 Bibɔrb Aabɔr 20:16

Bi yaa fe dii Sis aasan na choo kan, ni ti tak bi. Ni ga fe ti tooh bi kifataŋ ki cha nteersakpiin ki bi gbɔk Jeruel na aah ti doo nin chee na la.

Ilahn 46:10

U len ke, “Di cha kijaak man, ki bee ke min le ye Uwumbɔr, m ye ŋitimbol mɔmɔk aayidaan, ni dulnyaa mɔmɔk aayidaan.”

Ilahn 46:11

Uwumbɔr Mpɔɔnsakpiindaan bi ti chee; uma u nan ye Jakob Aawumbɔr na le ye timi aabɔbɔryaan.

Ilahn 46:9

U cha butɔb door dulnyaa wee mɔmɔk ni; U kool itɔi, ki bii tikpaatunn, ki seer kijaak aapen mmii.

Ŋiyataŋak 20:7

Mbim yaa kpa te u aabimbin ŋan aan u ŋani tiwan ni ŋan na kan, bi kpa liyinyaan.

Aisaya 30:16

Ni tee fenn le ke ni san ŋmar nimi aadim chee, itaan i ŋmaa san na pu. Ni ye mbamɔn la, ni san ŋmar baanja le ni ga ŋa. Ni dak ke nimi aataan ŋmaa san mala la, le binib bi san dii nimi na aataan ŋmaa san mala sakpen ki ti nyaŋ nimi aataan.

Aisaya 31:1

Binib bi chaa Ijipt ti ban nterm na aamɔfal junn a. Bi lik Ijipt aajab bi chaa butɔb na, ni baataan ni baataan aatɔroku tiib aawiwiir la. Baa tee fenn lik Uwumbɔr, u ye bima Israel yaab Aadindaan ki bi chain na, ke u ter bi.

Esekiel 39:9

Israel aatim aanib ga nya ki ti yoor tijawan ni bee fam na ki nan tuur mmii. Bi ga li joo kijaak aapen, ni itɔi, ni ipiin, ni tikpaatunn, ni ŋichakukul tuur mmii kina ki ti saa ŋibin ŋilole.

Hosea 14:3

Asiria yaab aan ŋmaa gaa timi lii, le butɔb aataan mu aan ŋmaa ter timi. Taan ki bui timi aawaa ke ŋima le ye timi Aawumbɔr. Uwumbɔr, aa san binib bi kaa kpa nterm na kinimbaak.”

Nahum 2:13

Uwumbɔr Mpɔɔnsakpiindaan bui ke, “Saadin ye min la. M ga see saataan aatɔroku tiib mmii. Bi ga ku saajab butɔb ni la, le m ga yoor saah nan gaa tiwan ni biken chee na ki di buen. Ubaa aan ki ŋun saah nan kpa mpɔɔn mu dulnyaa wee ni na pu.”

Ikaal 7:16

Ni ku ki kuln ŋinibol ŋimɔk Nidindaan Uwumbɔr di ŋa niŋaal ni na, ki taa san bi kinimbaak. Ni taa li dooni baawaa, kina aa ŋan, ŋi ga bii nimi.

Josua 10:8

Le Uwumbɔr bui Josua ke, “Taa li san ijawaan man. M di linyaŋ tii nimi a. Bi ponn ni ubaa aan ŋmaa sil ke u to nimi butɔb.”

Josua 11:5

Bibɔrb ngbaan, ni baajab mɔmɔk le nan kpaan tɔb chee, ki buen Merom aanyun chee, ki ti ka kii Israel yaab, ke bi faa tɔb butɔb.

Josua 11:7

Le Josua ni waajab mɔmɔk buen ti lir bi pu, Merom Aanyun na chee.

Josua 11:9

Josua nan ŋa bi Uwumbɔr aah bui u ke u ŋa bi pu na, u nan wɔi baataan, le ki see baatɔroku mam mmii.

Josua 3:5

Le Josua bui binib ngbaan ke, “Toor nibaa man, ba pu? Uwumbɔr ga fe ŋa lijinjiir aatuln nikaasisik ni.”

Bibɔjirb 7:9

Kinyeek ngbaan le Uwumbɔr nan tuk Gideonn ke, “Fii ki ti tak bi; m ga tii si linyaŋ bi pu.

1 Samuel 11:9

Le bi bui Jabes aatuuntiib na ke, “Ti bui man nimi aanib ke waahr aan nwiin fe nan kal kaasisik ni na, bi ga fe gaa bibaa lii.” Jabes aanib aah ŋun kina na, le bisui piir ki ti nyaŋ,