Josua 11:3 - Uwumbɔr aagbaŋ

³ U nan ki tun Kanaann yaab bi ka nɔn Jɔɔdann aamɔɔl ŋipepel mɔmɔk ki ye Amor yaab, ni Hef yaab, ni Peris yaab, ni Jebus yaab na mu chee, bi mɔmɔk nan bi ŋigongon paab na, le ki kpee Hif yaab bi nan ka Hemonn Aajool aataab ki bi Mispa aatiŋ ni na chee.

Josua 11:3 Iomraidhean Croise

Mpiin 31:49

Le Labann ki bui ke, “Uwumbɔr li lik ti mɔmɔk bilee, taah ga yakr tɔb chee pu na, ubaa taa ŋa uken bakaa.” Nima pu na, bi nan ki yin nima chee ke Mispa.

2 Samuel 24:16

Uwumbɔr aatuun aah nan ban ti bii Jerusalem na, le Uwumbɔr kpeln waalandak, waanib aatafadaan ngbaan pu, ki bui waatuun mu bi ku bi na ke, “Sil nima. Ni ŋeer kina.” Uwumbɔr aatuun ngbaan nan ti fuu Jebus aatiŋ aanii Arauna aadipoipaal na chee la, le Uwumbɔr bui u kina.

2 Samuel 24:7

Bi nan nyan nima, le ki buen liwipuul aaŋangii wɔb, ki ti fuu Taya aatiŋ ki bi maa ŋigon gob ki na ni, ki nyan nima, ki buen Hif ni Kanaann yaab aatim mɔmɔk ni, le ki di Beerseba, ni bi Juda aawipuul aaŋangii wɔb na, gbiln puwɔb.

1 Bibɔrb 15:22

Le Ubɔr Asa tun ti tuk Juda aatim mɔmɔk aanib, kaa gann ubaa, ke bi ti yoor ŋitakpal, ni idɔ ni Baasa nan joo maa ligoln Rama aatiŋ ni na. Asa nan di tiwan ngbaan le maa gob Mispa aatiŋ, ni Geba aatiŋ ki bi Benjaminn aapepel ni na.

1 Bibɔrb 9:20

Solomonn nan chuu Kanaann aanib bi Israel yaab nan jenn bi, ki gaa baatiŋ, kaa ku bi na aayaabitiib mpɔɔn, ki ŋa bi binaagbiib, le bi tun waatuln. Bima le nan ye Amor yaab, ni Hef yaab, ni Peres yaab, ni Hif yaab, ni Jebus yaab. Biyaabitiib beenin ye binaagbiib, le ki nan saa n‑yoonn mumina.

Ilahn 133:3

Ni naahn limaln li bi Hemonn Aajool paab, ki lir ni Sionn aagongon pu na la. Nima chee le Uwumbɔr puu ke u ga ŋa waanyoor ti ye limɔfal li kaa kpa ndoon na ŋa bi pu.

Ilahn 89:12

Sin le naan ŋŋangan ni ŋŋangii; Tabor Aajool ni Hemonn Aajool gaa mpopiin aalahn aa pu.

Solomonn Aalahn 4:8

Maabɔndinn, nyan ni Lebanonn Aajoo ni ki dan ti li cha; nyan ni Lebanonn ki dan ti li cha. Sunn ni Amana Aajool paab, nyan ni Senir, ni Hemonn aajoo paab, nin chee ichinn ni inaamuun koo na.

Jeremia 40:10

Min mbaa ga li koo Mispa ni do, le Babiloŋ yaab yaa dan kan, m ga li si nimi aasisii. Ni ga ŋmaa ban ŋisubil, ni ndaan siin, ki siin olif aakpan, ki li koo ntimbim mu ponn ni, ni koo na.”

Jeremia 40:6

M nan buen Mispa aatiŋ ni, le ki ti koo Gedalia ni binib bi gur kitiŋ ngbaan pu na ni chee.

Jeremia 41:14

le bi gir ki san choo bi chee.

Jeremia 41:3

Ismael nan ki ku Israel yaab bi nan bi Gedalia chee Mispa ni na, ni Babiloŋ aajab bi mu nan bi nima liyaadaal ngbaan na.

Nkahm 13:29

Amalek yaab koo kitiŋ ki bi ŋŋangii wɔb na, le Hef yaab ni Jebus yaab, ni Amor yaab mu koo ŋigongon aatim ni, le Kanaann yaab koo gbɔk Kaasisik ni Aanyusakpem ki nɔn Jɔɔdann Aamɔɔl mu.”

Ikaal 4:48

Kitiŋ ngbaan nan yoor kina le ki ti ker Aroer aatiŋ ki bi Anonn Aamɔɔl aagbaan na, le ki yoor kina ti saa Sirionn Aajool chee, ŋŋangan wɔb, bi nan ki yin lijool ngbaan ke Hemonn la.

Ikaal 7:1

“Nidindaan Uwumbɔr le ga di nimi koon kitiŋ ki ni cha ni ti gaa ki na ponn ni. Le ni yaa tur koo ki ponn ni kan, u ga jenn nyan ŋinibol pam. U ga jenn nyan Hef yaab, ni Girgas yaab, ni Amor yaab, ni Kanaann yaab, ni Peris yaab, ni Hif yaab, ni Jebus yaab. Ŋinibol ŋilole ngbaan wiir, ki kpa mpɔɔn jer nimi.

Josua 11:17

Lipepel ngbaan le di ti ker ŋŋangii wɔb, Halak Aajool li bi gbɔk Edom aatiŋ na, ki di kina ti ker ŋŋangan wɔb, Baalgad aatiŋ ki bi Hemonn Aajool, ŋŋangii wɔb, Lebanonn aafataŋ ni na. Josua ni ŋipepel ngbaan aabɔrb nan ton tɔb butɔb ni yunn pam, le u nan nyaŋ bi, ki ku bi mɔmɔk.

Josua 11:8

Uwumbɔr nan cha Israel yaab nyaŋ bi. Israel yaab nan lir bi pu, ki san dii bi ki ti nyan Misrefof Mayim, ni Saidonn aatim ni, ŋŋangan wɔb, le bi jer nima ki ti saa Mispa aafataŋ ni, liwipuul wɔb. Butɔb ngbaan nan bi kina le Israel yaab ti nin ku baadim mɔmɔk doo.

Josua 13:11

ki ki kpee Gilead aapepel, ni Gesur ni Maaka aapepel, ni Hemonn Aajool aapepel mɔmɔk, ni Basann aatim mɔmɔk, ki yoor kina ki ti ker Saleka,

Josua 13:5

ki kpee Gebali yaab aatiŋ, ni Lebanonn aapepel, liwipuul wɔb, ki yoor Baalgad aatiŋ ki bi Hemonn Aajool, ŋŋangii wɔb na, ki ti ker Hamaf Aajool aasan na.

Josua 15:38

ni Dileann, ni Mispa, ni Jokteel,

Josua 15:63

Juda aanib aa nan ŋmaa jenn nyan Jebus yaab bi nan bi Jerusalem aatiŋ ponn ni na. Jebus yaab laa beenin bi nima, Juda aanib chee.

Josua 18:26

ni Mispa, ni Kefira, ni Mosa,

Josua 3:10

Mbamɔn, naah tur cha pu na, u ga jenn nyan Kanaann yaab, ni Hef yaab, ni Hif yaab, ni Peris yaab, ni Girgas yaab, ni Amor yaab, ni Jebus yaab.

Bibɔjirb 20:1

Israel aanib mɔmɔk bi nan ye Dann aanibol yaab ki bi ŋŋangan wɔb na, ki ti saa Beerseba aatiŋ ki bi ŋŋangii wɔb na, ki yoor kina ki nyan Gilead aatiŋ ni liwipuul wɔb mɔmɔk nan kii n‑yim ngbaan. Bi mɔmɔk nan kuun ti ŋa unibaan Uwumbɔr aanimbiin ni, Mispa aatiŋ ni.

Bibɔjirb 21:5

Bi nan baa ke, “Israel aanibol mɔmɔk ponn ni aanib bibaa bi, kaa buen Mispa aatiŋ ni, Uwumbɔr aanimbiin ni ii?” Bi nan puu tipuukpaan ke bi ku unii umɔk kaa buen na.

Bibɔjirb 21:8

Baah baa ke Israel aanibol ponn ni aanib bilabi aa buen Mispa aatiŋ ni aakuun ngbaan ni na,

Bibɔjirb 3:3

Filistia aatim muŋmu, ni Kanaann yaab mɔmɔk, ni Saidonn yaab, ni Hif yaab bi nan koo Lebanonn Aajoo ni, ki nyan Baal Hemonn Aajool chee ki ti saa Hamaf aasan chee na, gaar kitiŋ ngbaan pu.

Bibɔjirb 3:5

Kina pu le Israel yaab, ni Kanaann yaab, ni Hef yaab, ni Amor yaab, ni Peres yaab, ni Hif yaab, ni Jebus yaab nan kpaan koo.

1 Samuel 10:17

Samuel nan kuun Israel yaab Uwumbɔr aanimbiin ni, Mispa aatiŋ ni,