Josua 11:16 - Uwumbɔr aagbaŋ

¹⁶ Josua nan nyaŋ kitiŋ ngbaan mɔmɔk: u nan nyaŋ ŋigongon paab aatim, ni ŋigongon aataab aatim, ni ŋŋangan ni ŋŋangii mɔmɔk, ni Gosenn aapepel mɔmɔk, ki kpee nteersakpiin ni aatiŋ, ki kpee Jɔɔdann aafataŋ.

Josua 11:16 Iomraidhean Croise

Ilahn 105:44

U nan di binib biken aatim tii bi, ki cha bi gaa baakpaakon,

Ilahn 78:55

Waanib aah tur koo ni pu na le u jenn ntim ngbaan aanib le ki yakr baatim tii Israel aanibol ki di bido tii waanib ngbaan.

Esekiel 17:23

m ga ti ŋum ni Israel aajool li fɔk jer ŋijoo mɔmɔk na pu. Ni ga ŋa ŋipan ki lu ŋisubil ki kpaln santina sakpiin. Inyoon mɔmɔk aabɔŋ ga li koo bu ni, ki kan lifuur bu aaboon ni.

Esekiel 36:8

Tɔ, isui i bi Israel aajoo pu na ga toŋ tifar ki lu ŋisubil tii nimi maanib Israel yaab. Ni ga kun ni linampal dandana.

Ikaal 1:7

Fiin nima chee ki li cha man. Ni li cha Amor yaab aatiŋ ki ye ŋigongon na ni, ni ŋipepel mɔmɔk ŋi fab na ni, ŋi ye Jɔɔdann aafataŋ, ni ŋigongon na, ni ŋigongon aataab, ki ti ker ŋŋangii aapepel wɔb, ki yoor kina ki ti ker Kaasisik ni Aanyusakpem aagbaan. Ni li cha Kanaann aatiŋ ni, ki jer koo Lebanonn Aajoo ni, ki yoor kina ki ti fuu Yufrates Aamɔɔl sakpeln mɔk.

Josua 10:40

Josua nan nyaŋ kitiŋ ngbaan mɔmɔk. U nan nyaŋ bibɔrb bi aatim nan bi ŋigongon paab na, ni liwipuul wɔb aafataŋ aatim, ni ntim mu bi liwilir wɔb, ŋigongon aataab na, ni mu bi nteer pu ki cha ŋŋangii wɔb na. U nan ku binib ngbaan mɔmɔk, waa nan cha unii ubaa gur ki ŋmar. Kina le Israel yaab Aadindaan Uwumbɔr nan bui ke bi ŋa.

Josua 10:41

Josua aah nan ton butɔb dii pu na mɔmɔk nan yoor u ŋŋangii wɔb, Kades Banea aatiŋ ni, ki ti saa Gasa aatiŋ ki bi nnyusakpem aagbaan na, ki kpee Gosenn aapepel, le ki ti saa ŋŋangan wɔb, Gibeonn aatiŋ ni.

Josua 11:15

Uwumbɔr le nan di tibɔr ngbaan bui waatutunn Moses, le Moses mu di ti bui Josua, le Josua kii tibɔr ngbaan, ki nan ŋa tiwan ni mɔmɔk Uwumbɔr nan bui ke u ŋa na.

Josua 11:2

ni bibɔrb bi aatiŋ bi ŋigongon ni, ki bi ŋŋangan wɔb na, ni Jɔɔdann aafataŋ ki bi ŋŋangii wɔb ki gbɔk Galilee Aanyusakpem na, ni ntim mu bi ŋigongon aataab na, ni ntim mu nɔn nnyusakpem aagbaan ki gbɔk Dor aatiŋ na.

Josua 11:21

N‑yoonn mue le Josua nan buen ki ti kuln linibol li ye ŋiwɔk, aan bi yin bi ke Anak yaab, aan bi bi ŋigongon aatim mu bi yin mu ke Hebronn, ni Debir, ni Anab, ni ŋigongon aatim mumɔk bi Juda ni Israel aatim ni na. Josua nan kuln ŋiwɔk ngbaan ni ŋaatim.

Josua 12:8

Kitiŋ ngbaan le nan ye ŋigongon aatiŋ, ni ŋigongon aataab aatim mu bi liwilir wɔb na, ni Jɔɔdann aafataŋ aatiŋ, ni ntim mu bi kifataŋ ngbaan, ŋigongon aataab, ki chaan cha liwipuul wɔb na, ni nteer aatiŋ ki bi ŋŋangii wɔb na. Binib bimina le nan yeh kitiŋ ngbaan: Hef yaab, ni Amor yaab, ni Kanaann yaab, ni Peris yaab, ni Hif yaab, ni Jebus yaab.

Josua 9:1

Jɔɔdann aamɔɔl aawilir wɔb aabɔrb mɔmɔk nan ŋun Israel yaab aah nyaŋni baadim pu na. Bibɔrb bi nan ka ŋigongon pu, ni ŋigongon aataab, ni bi ka kpak Kaasisik ni Aanyusakpem, ki ti saa ŋŋangan wɔb, Lebanonn aatiŋ ni na; bibɔrb ngbaan nan ye Hef yaab, ni Amor yaab, ni Kanaann yaab, ni Peris yaab, ni Hif yaab, ni Jebus yaab aabɔrb la.