Josua 11:12 - Uwumbɔr aagbaŋ

¹² Josua nan nyaŋ bibɔrb ngbaan, ni baatim mɔmɔk, ki ku binib ngbaan mɔmɔk, ke Uwumbɔr aatutunn Moses aah nan bui u ke u ŋa pu na.

Josua 11:12 Iomraidhean Croise

Ikaal 7:2

N‑yoonn mu Nidindaan Uwumbɔr ti di binib ngbaan ŋa nimi aapɔɔn ni, aan ni nyaŋ bi na kan, ni ku doo bi kookoo. Ni taa ŋa bi nimaantɔtiib, ki taa li san bi kinimbaak.

Ikaal 9:3

Ni ga kan, ki bee nibaa, ke Nidindaan Uwumbɔr ga loln ni pu nsan, ke mmii mu pɔɔ na. Naah tur koo bi ni pu na, le u ga nyaŋ bi, aan ni jenn nyan bi woween, ki kuln bi, ke waah nan puu pu na.

Josua 10:20

Le Josua ni Israel yaab nan ku bi pam, bibaa mu nan san ti bɔr baah maa ŋigon kiir ntim mu na ni, le baa pii bi ki ku bi.

Josua 10:28

Liyaadaal ngbaan le Josua nan ton butɔb ki nyaŋ Makeda yaab aatiŋ, ni kaabɔr. U nan ku binib bi mɔmɔk nan bi kitiŋ ngbaan ni na kookoo, le ubaa aa nan gur ki ŋmar. U nan ŋa Makeda aabɔr ke waah nan ŋa Jeriko aabɔr pu na la.

Josua 10:30

Uwumbɔr nan di kitiŋ ngbaan tii Israel yaab, le bi nyaŋ ki, ni kaabɔr. Bi nan ku unii mɔmɔk a, baa nan cha ubaa ŋmar. Bi nan ŋa ubɔr ngbaan ke baah nan ŋa Jeriko aabɔr pu na la.

Josua 10:32

Butɔb ngbaan aawinleler daal le Uwumbɔr nan di kitiŋ ngbaan tii Israel yaab, le bi nyaŋ ki. Bi nan ŋa ki ke baah ŋa Libna aatiŋ pu na la, bi nan ku unii mɔmɔk a, kaa nan cha ubaa ŋmar kitiŋ ngbaan ni.

Josua 10:35

Liyaadaal ngbaan le bi nan nyaŋ kitiŋ ngbaan, ki ku unii mɔmɔk, ke baah ŋa Lakis aatiŋ pu na.

Josua 10:37

le ki nyaŋ ki. Bi nan ku nima chee aabɔr, le ki ku unii mɔmɔk kitiŋ ngbaan ni, ki kpee itingbaan imɔk bi nima chee na. Josua nan kuln kitiŋ ngbaan kookoo, nibaa chee aa nan ki gur kaa bii, u nan kuln ki, ke waah ŋa Eglonn aatiŋ pu na la. Unii ubaa aa nan ki gur ki fu.

Josua 11:13

Waa nan see baah nan maa ntim mu ngongobim pu na, Hasor aatiŋ baanja le Josua nan see ki mmii.

Josua 11:15

Uwumbɔr le nan di tibɔr ngbaan bui waatutunn Moses, le Moses mu di ti bui Josua, le Josua kii tibɔr ngbaan, ki nan ŋa tiwan ni mɔmɔk Uwumbɔr nan bui ke u ŋa na.

Josua 13:6

Ntim ngbaan mɔmɔk nan kpaan Saidonn yaab bi bi ŋigongon aatim mu bi Lebanonn aajool ni Misrefof Mayim aatiŋ aakaasisik ni na la. Le Israel yaab aah tur koo bi ponn ni pu na, m ga jenn nyan binib ngbaan mɔmɔk. Aa yakr kitiŋ ngbaan tii Israel yaab, maah bui si ke aa ŋa pu na.

Josua 21:44

Uwumbɔr nan tii bi nsuudoon, kitiŋ ngbaan mɔmɔk ni, ke waah nan puu tii biyaajatiib pu na. Le baadim ponn ni ubaa kina aa ŋmaa ŋa bi nibaa, ba pu? Uwumbɔr le nan tii bi linyaŋ baadim mɔmɔk pu.

Josua 8:31

Uwumbɔr aatutunn Moses aah nan mɔk Israel yaab ke bi maa li pu na, u nan ŋa li kina. Ni mɔk Moses Aakaal ni ke: “Bi di ŋitakpal ŋi baa di tikur aawan nibaa kpii ŋi na ki di maa libimbiln ngbaan.” Bi nan di kitork ki bi joo seer mmii ni na le toor kitork tii Uwumbɔr li pu, le ki mu nan ki toor kimɔbaan aatork li pu.

Josua 8:8

Uwumbɔr aah bui ke ni ŋa pu na, ni yaa nyaŋ kitiŋ ngbaan kan, ni see ki mmii. Naah ga ŋa pu na le na.”

Josua 9:24

Le bi giin bui u ke, “Uninkpel, taah ŋun ibamɔn ni, ke Nidindaan Uwumbɔr nan bui waatutunn Moses, ke naah tur koo ni kitiŋ ngbaan mɔmɔk ponn ni na, u ga cha ni ku binib bimɔk bi ki ponn ni na pu la, nima le cha ti ŋa kina. Tipobil le yuk, le timi aamɔfal pu na, ijawaan chuu timi ke ni ga ku ti mɔmɔk.