Josua 10:8 - Uwumbɔr aagbaŋ

⁸ Le Uwumbɔr bui Josua ke, “Taa li san ijawaan man. M di linyaŋ tii nimi a. Bi ponn ni ubaa aan ŋmaa sil ke u to nimi butɔb.”

Josua 10:8 Iomraidhean Croise

1 Bibɔrb 20:13

N‑yoonn ngbaan na, Uwumbɔr aabɔnabr ubaa nan buen Ubɔr Ahab chee ki ti bui u ke, “Uwumbɔr bui ke, ‘Taa san butɔb sakpem ngbaan ijawaan. M ga tii si linyaŋ bi pu din wee, le aa ga bee ke min le ye Uwumbɔr.’”

Rom Yaab 8:31

Uwumbɔr aah ŋa kina mɔmɔk na, ti ga len kinye? Uwumbɔr aah si tichaŋ ni na, ubaa aan ŋmaa ŋa timi nibaa.

Ikaal 3:2

Le Uwumbɔr bui mi ke, ‘Ni taa li san u ijawaan. M ban m di u ni waajab, ni waapepel mɔmɔk, tii nimi la. Ni ŋa u ke naah ŋa Amor yaab aabɔr Sihonn u nan koo Hesbonn aatiŋ ni na pu na.’

Ikaal 7:24

U ga di baabɔrb ŋa niŋaal ni, le ni ga ku bi; bi ga suln bibɔr. Ubaa aa bi ki ga ŋmaa kiir nimi, le ni ga kuln bi mɔmɔk.

Josua 10:25

Le Josua bui bininkpiib ngbaan ke, “Taa san ijawaan man, ki taa cha niwon yɔl. Li kpa mpɔɔn man, ki li kpa lipobil; ba pu? kina le Uwumbɔr ga ŋa nimi aadim mɔmɔk.”

Josua 10:9

Kinyeek ngbaan le Josua ni waajab nan chuun kina ti fuu Gibeonn aatiŋ ni, le ki kpaan lir Amor yaab pu.

Josua 11:6

Le Uwumbɔr nan bui Josua ke, “Taa san bi ijawaan. Fen kina kookoo na kan, m ga fe ku bi mɔmɔk tii Israel yaab. Aa wɔi baataan, ki see baatɔroku mam mmii.”

Josua 8:1

Uwumbɔr nan bui Josua ke, “Di bijab mɔmɔk buen aan ni ti to Ai yaab butɔb. Taa san ijawaan, ki taa cha aawon yɔl. Min le ga cha aa nyaŋ Ai aabɔr, ni waanib, ni waatiŋ, ni kaatingbaan mɔmɔk, le ki ga li ye nimi yaan.

Bibɔjirb 6:16

Uwumbɔr nan gar u ke, “Maah ga ter si pu na le ga cha aa ŋmaa ŋa kina. Aa ga kuln Midiann yaab ngbaan ke baah ye unibaan le na. Naan li pɔɔ kpala.”

Bibɔjirb 7:9

Kinyeek ngbaan le Uwumbɔr nan tuk Gideonn ke, “Fii ki ti tak bi; m ga tii si linyaŋ bi pu.

1 Samuel 17:47

le binib bi mɔmɔk bi do na kan ke Uwumbɔr aa ban kijaak aajum, bee tikpaatunn, ke u di gaa waanib lii. U nyaŋni butɔb ni, le ki ga di ni mɔmɔk ŋa timi aapɔɔn ni.”