Josua 1:8 - Uwumbɔr aagbaŋ

⁸ Ni yaa ti ban ni doon mi kan, ni chuu nibaa ki li karni ikaal aagbaŋ ngbaan, ki li bae ikaal ngbaan nwiin pu ni kinyeek, ki chuu aabaa ki kii iliin imɔk bi ki ponn ni na. Nima kan, aa ga kan tinyoor ki li nyaŋni tiwan mɔmɔk ponn ni.

Josua 1:8 Iomraidhean Croise

Mpiin 24:63

U nan nyan kijook wɔb ke u chuun mann waakpaab, le ki kan laakumii tiib chɔr choo.

2 Bibɔrb Aabɔr 26:5

N‑yoonn mumɔk Sekaria, u nan ye Uwumbɔr aadidiir, ki ye waasusur na nan bi limɔfal ni na u nan tun Uwumbɔr aageehn mbamɔm. Le Uwumbɔr nan ŋa u tinyoor.

Ilahn 119:11

M joo saakaal nsui ni, ke m taa tun si titunwanbir.

Ilahn 119:15

M bae saakaal, m moo lik saah mɔk mmɔkm pu na.

Ilahn 119:97

M gee saakaal sakpen a. M dakl i pu le nwiin ti lir.

Ilahn 119:99

Maah dakl lik saakaal aatataa na, m moo beer tiwan aatataa jer binib bi mɔk mi na mɔmɔk.

Ilahn 19:14

Uwumbɔr u gaal mi lir ki tii mi lifuur na, cha maamɔbon ni maalandak li ŋan aa chee.

Ilahn 40:10

Maa di tibɔnyaan ngbaan di bɔr, n‑yoonn mɔmɔk kan, m len saah ŋan sakpen ki ter mi pu na la. Maan li si ŋmin saanib mɔmɔk aakuun ni, m ga len saageehm mu bi n‑yoonn mɔmɔk na, ni saah si chob pu na aabɔr.

Ŋiyataŋak 3:1

Maabo, taa suln maah tuk si pu na. Li teer maah tuk si ke aa ŋa pu na n‑yoonn mɔmɔk.

Aisaya 59:21

ki cha m ni nimi puu tipuur tii tɔb. M di maapɔɔn ni maakaal tii nimi ke ni li ye nimi yaan ki ti saa n‑yoonn mu kaa kpa ndoon na, ki nya din ki joo cha na, ni ga kii maamɔb ki mɔk nimi aabim, ni niyaabitiib ke bi kii maamɔb ki ti saa n‑yoonn mu choo na.”

Matiu 12:35

Ilandak nyaan bi uninyaan aasui ni, nima le u ga len iliin i ŋan na. Ilandak i kaa ŋan na bi unii u kaa ŋan na aasui ni, nima le u ga len iliin i kaa ŋan na.

Matiu 28:20

ki tuk bi ke bi li keei maah tuk nimi pu na mɔmɔk. Teer man ke m bi ni chee n‑yoonn mɔmɔk, ki nan saa dulnyaa aadoon.”

Matiu 7:21

“Naa ye binib bimɔk yin mi ke ‘Dindaan, Dindaan’ na le ga koo Uwumbɔr aanaan ni. Binib bi ŋani Nte Uwumbɔr u bi paacham na aah gee pu na le ga koo waanaan ni.

Matiu 7:24

“Nima pu na, unii umɔk ŋun maabɔr ngbaan ki ŋani kina na, naahn unii u kpa nlan, ki maa waadiik litakpal pu na.

Tibɔnyaan ti Luk ŋmee ti na 11:28

Le Yesu bui ke, “Binib bi ŋun Uwumbɔr aabɔr ki kii ti na, Uwumbɔr aanyoor bi bima le pu.”

Jɔnn 13:17

Ni yaa bee maah len pu na aatataa, ki yaa ŋani kina kan, ni ga li kpa mpopiin.

Jɔnn 14:21

“Unii umɔk nyi maakaal ki kii mu na, uma le gee mi. Unii yaa gee mi kan, Nte Uwumbɔr ga li gee udaan ngbaan. M mu ga li gee u, ki ga di mbaa mɔk u.”

Efesusi 4:29

Ni taa cha iliin i kaa ŋan na nyan nimi aamɔi ni. Ni li len iliin i ŋan na, i ga ter binib bi ŋun na ke bi dii Uwumbɔr aasan mbamɔm.

Ikaal 29:8

Le ti nan nyaŋ bi, ki gaa baatim, le ki yakr baatim ngbaan tii Rubenn aanibol, ni Gad aanibol, ni Manase aanibol ligeln.

Ikaal 29:9

Ni li joo tipuur tee aah mɔk nimi pu na mbamɔm, nima kan, ni ga ŋmaa nyaŋ nimi aatuln mɔmɔk.

Ikaal 30:14

I bi gbɔk nimi do. Ni nyi i, le ki ga ŋmaa len i, nima pu na, ni kii yaah mɔk pu na.

Ikaal 31:11

ni karn ikaal ngbaan mpɔɔn pu, Tikakar Aajim aayoonn. Bi yaa dan bi nan doon Nidindaan Uwumbɔr nin chee ni dooni u na kan, ni karn i, aan Israel aanib ngbaan mɔmɔk ŋun.

Ikaal 31:24

Moses nan ŋmee Uwumbɔr Aakaal ŋa kigbaŋ ni, ki pɔɔk ubaa ke u taa suln tibaa bɔr.

Ikaal 5:1

Moses nan yin ni Israel aanib ngbaan, le bi kuun ni tɔb chee, le u bui bi ke, “Israel yaab, li pel man ikaal imɔk m ban m di tuk nimi din wee na. Ni pɔɔn nibaa ki bae i, ki li joo i mbamɔm, ki taa yii i.

Ikaal 5:29

Bima yaa kpa nlandak ngbaan aaboln kina n‑yoonn mɔmɔk kan, ki yaa ga pak mi ki kii tii maakaal mɔmɔk kan, tiwan mɔmɔk ga li ŋan tii bi, ni biyaabitiib, ki cha n‑yoonn mu kaa kpa ndoon na.

Ikaal 5:32

“Nimi Israel yaab, ni pɔɔn nibaa man, aan ki li ŋani tiwan nimɔk Nidindaan Uwumbɔr bui ke ni ŋa na. Ni taa yii waakaal mubaa man.

Kolosiya 3:16

Cha Kristo aabɔr li bi nisui ni sakpen, ki tii nimi nlan. Ni li tuk tɔb waabɔr, ki li sur tɔb, ki li gaa ilahn i bi Uwumbɔr Aagbaŋ ni na, ni waanib aalahn, ni ilahn i Waafuur Nyaan mɔk nimi na. Ni li gaa ilahn ngbaan, ki li dooni Uwumbɔr nisui ni.

Josua 1:7

Pɔɔn aabaa ki li kpa lipobil, ki li joo ikaal imɔk maatutunn Moses nan di mɔk nimi na mbamɔm. Aa taa yii ikaal ngbaan mubaa, le nin chee mɔmɔk aa cha na kan, aa ga nyaŋ.

Josua 8:34

Le Josua karn ikaal ngbaan mɔmɔk mpɔɔn pu tii bi, ki kpee tinyoor ni imɔpuur mu, ke baah ŋmee pu Nkaal aagbaŋ ni na.

Tibɔkpiirkaan 22:14

Tɔ, binib bi finn baawanpeenkaan ki ŋa ni chain na, Uwumbɔr aanyoor bi bi pu. Bi ga li kpa nsan ke bi moo limɔfal aasubil, ki dii kitiŋ ngbaan aabisamɔi ni ki koo ni.