Josua 1:6 - Uwumbɔr aagbaŋ

⁶ Pɔɔn aabaa ki li kpa lipobil, sin le ga loln binib ngbaan pu nsan, le bi gaa kitiŋ ki m nan puu ke m ga di ki tii biyaajatiib na.

Josua 1:6 Iomraidhean Croise

Mpiin 12:7

Uwumbɔr nan dan Abram chee le ki nan bui u ke, “Kitiŋ kee le m joo m di tii saamaal.” Nima chee le Abram maa kitork aabimbiln tii Uwumbɔr u nan dan u chee na.

Mpiin 26:3

Li koo do, le m ga li bi aa chee, ki ŋa tinyoor ŋa aa pu. M ban ke m di kitiŋ kee mɔmɔk tii sin ni aayaabitiib la. Maah nan puu tipuur ti tii aate Abraham na, m ga li joo ti.

2 Samuel 10:12

Li kpa lipobil. Cha ti li pɔɔ ki jan tii timi aanib ni Uwumbɔr aatim pu. Cha Uwumbɔr aageehn ŋa.”

1 Bibɔrb 2:2

“Maayoonn fuu ni ke m kpo. Taa li san ijawaan, ki cha aanimbil li man

1 Bibɔrb Aabɔr 22:13

Aa yaa dii ikaal i mɔmɔk Uwumbɔr nan di tii Moses ke u di tii Israel yaab na kan, aa ga nyaŋ. Cha aanimbil li man ki li si chob, ki taa san nibaa ijawaan.

1 Bibɔrb Aabɔr 28:10

Aa li nyi ke Uwumbɔr lee sin le ke aa maa lidichal li bi chain na tii u. Tɔ, di lineen maa li.”

1 Bibɔrb Aabɔr 28:20

Ubɔr David nan bui ujapɔɔn Solomonn ke, “Li si chob ki taa san ijawaan. Piin lituln ngbaan ki taa cha nibaa kiir si. Tidindaan Uwumbɔr u m dii na ga li bi aa chee. Waan siir cha si, see lituln li aa ban aa tun Waadichal pu na ti doo.

2 Bibɔrb Aabɔr 15:7

Tɔ, ni ŋan ke ni li kpa lipobil ki taa cha nitaakpab yɔl. Naah tun lituln li na ga nan kan tinyoor.”

2 Bibɔrb Aabɔr 20:11

Tɔ, baah joo tiwan ni pa timi na le ye ke bi dan nan jenn nyan timi kitiŋ ki aa nan di tii timi na ponn ni la.

2 Bibɔrb Aabɔr 20:7

Sin le ye timi Aawumbɔr. Saanib Israel yaab aah nan koo ni kitiŋ kee ni na, aa nan jenn nyan binib bi nan koo do na, le ki di kitiŋ ngbaan tii aajɔ Abraham aayaabitiib, ke ki li ye baatiŋ n‑yoonn mɔmɔk.

Ilahn 27:14

Di naadii tii Uwumbɔr. Li kpa gaakii, taa cha aataakpab yɔl; di naadii tii Uwumbɔr.

Daniel 10:19

Le u bui mi ke, “Uwumbɔr gee si, kina pu na, taa cha nibaa li muk si, bee ni faan si.” Waah ki len kina na, le nwon moo pɔɔk sakpen, le m bui ke, “Maaninkpel, tuk mi saah kpa pu aa len na. Aa cha nwon chuu a.”

Hagai 2:4

Tɔ, Serubabel, cha aataakpab pɔɔk; Utotoorninkpel Josua, aa mu cha aataakpab pɔɔk; nimi bimɔk bi kitiŋ ngbaan ni na, cha nitaakpab pɔɔk. Min Uwumbɔr Mpɔɔnsakpiindaan bi ni chee, kina pu na, li tun lituln ngbaan man.

Sekaria 8:9

“Min Uwumbɔr Mpɔɔnsakpiindaan le len ke: Cha nitaakpab li pɔɔ man. Ni bi ŋun tibɔr chachaan ti maabɔnabtiib nan len, n‑yoonn mu bi nan ki gir bil ŋitakpal ke bi maa Maadichal na la.

Nkahm 26:53

“Chuu yakr kitiŋ tii ŋinibol ngbaan, ki ŋeer bimɔk aah wiir ki ti saa pu na.

Nkahm 33:53

Ni gaa kitiŋ ngbaan ki kal nima, ba pu? m di ki tii nimi la.

1 Korenti 16:13

Ni li nyi man, ki li dii Yesu mbamɔm, ki taa di cha waasan. Ni li kpa lipobil man, ki li kpa mpɔɔn mu Uwumbɔr tii nimi na.

Efesusi 6:10

Nnaabitiib, gbelngbeln yaan le ye ke Tidindaan aah kpa mpɔɔn sakpen pu na, ni li kpa mpɔɔn mu u tii nimi na.

Ikaal 1:8

Ntim mumina mɔmɔk le min Uwumbɔr nan puu tipuur ke m ga di tii niyaajatiib, Abraham, ni Aisak, ni Jakob, ni biyaabitiib na. Ni li cha ki ti gaa mu man.’”

Ikaal 11:8

“Ni li joo waakaal i mɔmɔk m di mɔk nimi din wee na mbamɔm. Nima kan, ni ga ŋmaa puur limɔɔl aan ki ti gaa kitiŋ ki ni chaa koo ki ponn ni na.

Ikaal 31:23

Le Uwumbɔr bui Nunn aajapɔɔn Josua ke, “Aa li kpa mpɔɔn, ki li kpa lipobil. Sin le ga loln Israel aanib ngbaan nsan, ki di bi buen kitiŋ ki m nan puu ke m ga di tii bi nan ni, m mu ga li bi aa chee.”

2 Timoti 2:1

Maabo, pɔɔk aataakpab Yesu Kristo aah ter si pu na.

Josua 1:18

Unii umɔk kpak si ki yii saah len pu na kan, udaan ŋeer bi ku u. Pɔɔn aabaa ki li kpa lipobil.”

Josua 1:7

Pɔɔn aabaa ki li kpa lipobil, ki li joo ikaal imɔk maatutunn Moses nan di mɔk nimi na mbamɔm. Aa taa yii ikaal ngbaan mubaa, le nin chee mɔmɔk aa cha na kan, aa ga nyaŋ.

Josua 1:9

Teer ke m tuk si ke aa pɔɔn aabaa ki li kpa lipobil. Taa san ijawaan, ki taa cha aawon yɔl. Min, Aadindaan Uwumbɔr ma kan, m ga li bi aa chee saah cha nin chee na mɔmɔk.”

Josua 10:25

Le Josua bui bininkpiib ngbaan ke, “Taa san ijawaan man, ki taa cha niwon yɔl. Li kpa mpɔɔn man, ki li kpa lipobil; ba pu? kina le Uwumbɔr ga ŋa nimi aadim mɔmɔk.”

Josua 13:6

Ntim ngbaan mɔmɔk nan kpaan Saidonn yaab bi bi ŋigongon aatim mu bi Lebanonn aajool ni Misrefof Mayim aatiŋ aakaasisik ni na la. Le Israel yaab aah tur koo bi ponn ni pu na, m ga jenn nyan binib ngbaan mɔmɔk. Aa yakr kitiŋ ngbaan tii Israel yaab, maah bui si ke aa ŋa pu na.

Josua 18:3

Nima pu na, Josua nan bui Israel aanib ngbaan ke, “N‑yoonn mulamu aan ni ka kii ke ni buen ti yakr kitiŋ ki Uwumbɔr, u ye niyaajatiib Aawumbɔr na, di tii nimi na?

Josua 21:43

Uwumbɔr nan di kitiŋ ki u nan puu tii Israel yaab aayaajatiib ke u ga di ki tii bi na tii bi. N‑yoonn mu bi nan gaa kitiŋ ngbaan doo na, le bi nan kal nima chee.

1 Samuel 4:9

Filistia yaab, moo boon man. Boon man ke bijab na, naa ye kina kan, ti ga kpaln Hiibru yaab aanaagbiib, ke baah nan ye timi aanaagbiib pu na. Kina pu na, boon man ke bijab na.”