Josua 1:4 - Uwumbɔr aagbaŋ

⁴ Nimi aatinaanmɔk ga yoor ŋŋangii wɔb aateersakpiin ni, ki ti saa Lebanonn aajoo ŋi bi ŋŋangan wɔb na, ki ki yoor Yufrates Aamɔɔl mɔk, liwipuul wɔb, ki di bɔ dii Hef yaab aatiŋ ni, ki ti saa Kaasisik ni Aanyusakpem mɔk, liwilir wɔb.

Josua 1:4 Iomraidhean Croise

1 Bibɔrb 10:29

ni itaan aatɔroku tiib bi nyan ni Ijipt aatiŋ ni na aatuln. Bima le nan kooh itaan ni itaan aatɔroku tiib tii Hef yaab ni Siria yaab aabɔrb. Bi nan kooh itaan aatɔroku ubaa tikunabr aamombil ikui iloob la, le ki kooh utaan ubaa mɔk tikunabr aamombil nkub ni piiŋmu.

1 Bibɔrb 4:21

Solomonn le nan joo ŋitimbol aanib bi bi Yufrates Aamɔɔl, ni Filistia, ni Ijipt aatim aakaasisik ni na. Bi nan pa lampoo tii u, le ki ye waatutum, waamɔfal yoonn mɔmɔk.

1 Bibɔrb Aabɔr 18:3

U nan nyaŋ Siria aatiŋ ki bi yin ki ke Soba aan ki bi gbɔk Hamaf aapepel na; ba pu? kaabɔr Hadadeser nan bi pɔɔni ubaa ke u gaa lipepel li bi Yufrates aapaacham na la.

1 Bibɔrb Aabɔr 5:9

Bi nan kpa tiwakor sakpen Gilead aatiŋ ni, le ki gaa kitiŋ ngbaan ki nyan nteersakpiin mu bi liwipuul wɔb ki ti saa Yufrates Aamɔɔl chee na.

Esra 4:20

Bibɔrb bi kpa mpɔɔn sakpen na nan joo Jerusalem ni Yufrates aamɔɔl aawilir aapepel mɔmɔk, ki gaal lampoo ni ŋimombil,

Nnyam 23:31

M ga siin nimi aatiŋ aanaanmɔk ki yoor ni Limɔɔkal Aanyusakpem ki ti saa Yufrates aamɔɔl mɔk, ki yoor nima ki ti saa Kaasisik ni Aanyusakpem, ki ki yoor nima ki ti saa nteersakpiin ni. M ga tii nimi mpɔɔn, ni di nyaŋ binib bimɔk bi kitiŋ ngbaan ni na, le naah tur koo bi ponn ni na, ni ga li nyaŋni bi.

Ikaal 1:7

Fiin nima chee ki li cha man. Ni li cha Amor yaab aatiŋ ki ye ŋigongon na ni, ni ŋipepel mɔmɔk ŋi fab na ni, ŋi ye Jɔɔdann aafataŋ, ni ŋigongon na, ni ŋigongon aataab, ki ti ker ŋŋangii aapepel wɔb, ki yoor kina ki ti ker Kaasisik ni Aanyusakpem aagbaan. Ni li cha Kanaann aatiŋ ni, ki jer koo Lebanonn Aajoo ni, ki yoor kina ki ti fuu Yufrates Aamɔɔl sakpeln mɔk.

Ikaal 11:24

Nitaa aah taa kitiŋ ki mɔmɔk pu na ga li ye nimi yaan la. Nimi aatiŋ mɔk ga yoor nteersakpiin aaŋangii wɔb ki ti nya Lebanonn Aajool chee, ŋŋangan wɔb, le ki ga ki yoor Yufrates Aamɔɔl chee, liwipuul wɔb, ki ti ker Kaasisik ni Aanyusakpem chee, liwilir wɔb.

Ikaal 3:25

Uwumbɔr, cha m puur Jɔɔdann Aamɔɔl, aan ki kan kitiŋ ki nyuun na, ki bi nima wɔb, ki ye ŋigongon aatinyanyaan ngbaan na, ni Lebanonn Aajoo.’

Tibɔkpiirkaan 9:14

Le nneel ngbaan tuk Uwumbɔr aatuun loloob u joo kakaan na ke, “Chuu gbiln Uwumbɔr aatuuntiib binaa bi bi limɔɔsakpeln li bi yin li ke Yufrates na chee lii.”