Josua 1:2 - Uwumbɔr aagbaŋ

² “Maatutunn Moses kpo a. Gor dandana wee, aa ni Israel yaab ngbaan mɔmɔk, aan ni puur Jɔɔdann aamɔɔl, ki koo kitiŋ ki m ban m di ki tii nimi na ni.

Josua 1:2 Iomraidhean Croise

Mpiin 17:8

M ga di kitiŋ ki aa ye uwɔwɔnja ki pu na tii si ni aayaabitiib. Kanaann aatiŋ kee mɔmɔk ga li ye aa ni aayaabitiib yaan, le ki cha n‑yoonn mu kaa kpa ndoon na, le m ga li ye Baawumbɔr.”

Nehemia 9:23

Saah nan tii bi mbim mu na nan wiir ke iŋmabi i bi kitaapaak na la, le bi jan, ki gaa ki koo kitiŋ ki aa nan puu ke aa ga di tii biyaajatiib ni bima na ni.

Job Aagbaŋ 1:8

Le Uwumbɔr ki baa u ke, “Aa kan maatutunn Job aah bi pu na aan saa kan u? Ubaa aa ki bi kitiŋ pu ki kpa mbimbinyaan ki dii mi mbamɔm ke uma na. U dooni mi, le ki nyi kaa tun titunwanbir.”

Aisaya 42:1

Uwumbɔr bui ke, “Maatutunn u m pɔɔk utaakpab na sɔ: Uma le m lee u, le u gbiin nnimbil. M di Maafuur Nyaan gbiin u, le u ga joo ni ibamɔn nan tii ŋinibol mɔmɔk.

Nkahm 12:7

Maah len maatutunn Moses chee tibɔr pu na, ni bi nibaa; min le nyan u ke u li lik maanib Israel yaab mɔmɔk.

Ikaal 3:28

Tuk Josua waah ga ŋa pu na. Pɔɔk utaakpab ki sur u, ba pu? uma le ga loln binib ngbaan pu nsan, aan bi puur ki ti gaa kitiŋ ki aa lik waa ki na.’

Ikaal 31:7

Moses nan yin Josua siin ni binib ngbaan mɔmɔk aanimbiin ni ki bui u ke, “Aa nya sil, ki li kpa lipobil. Sin le ga loln binib ngbaan pu nsan, aan ni gaa kitiŋ ki Uwumbɔr nan puu tipuur ke u ga di tii niyaajatiib na.

Ikaal 34:5

Nima pu na, Moses, u nan ye Uwumbɔr aatutunn na, nan kpo Moab yaab aatiŋ ni, Uwumbɔr aah nan siin pu na.

Josua 1:1

Uwumbɔr aatutunn Moses aah nan kpo na aapuwɔb, le Uwumbɔr bui Moses aateter Josua u nan ye Nunn aajapɔɔn na ke,

Josua 1:11

ke bi bɔ dii binib ngbaan ponn ni ki tuk bi ke, “Gor man ki ban tijikaar; ba pu? ni gur iwiin itaa, ti ga puur Jɔɔdann Aamɔɔl, ki koo kitiŋ ki Tidindaan Uwumbɔr ga di tii timi na ni.”