Joel 3:9 - Uwumbɔr aagbaŋ

⁹ Moon tibɔr tee ŋitimbol mɔmɔk ponn ni ke: ‘Gor ki kiir butɔb man; yin nimi aajab bi ga ja kijaak na man; kuun nimi aatɔb aajab mɔmɔk ki li chuun man.

Joel 3:9 Iomraidhean Croise

Ilahn 96:10

Bui ŋitimbol mɔmɔk ke, “Uwumbɔr le ye ubɔr. Kitiŋ si kaabuul ni chib, kaan ŋmaa foor daalbaadaal; u ga di ibamɔn ji binib tibɔr.”

Aisaya 34:1

Ŋitimbol mɔmɔk aanib, dan man. Kuun man tɔb chee ki pel. Cha kitiŋ kee, ni binib bi mɔmɔk bi ki pu na dan aan ki nan pel man.

Jeremia 31:10

Uwumbɔr ki bui ke, “Ŋitimbol, li pel m chee man, ki di maabɔr moon nnyusakpem aagbaan ni daa na. M nan yaa maanib, le m ga ki kuun ni bi, ki li kpaa bi ke upihkpaal aah kpaa waapiih pu na.

Jeremia 50:2

“Bui ŋitimbol tibɔchann ngbaan. Moon ti. Tii limɔkl ki moon tibɔchann ngbaan. Taa di ti bɔr. Babiloŋ lir a. Kaawaal li bi yin li ke Maduk na wii yuk yuk a. Babiloŋ aawaa jin inimɔɔn a, kaawaa ŋi sukr ponn ni na wiil a.

Jeremia 51:11

Uwumbɔr aah ban u kuln Babiloŋ aatiŋ na, le u ti saa Media aabɔrb. Waah ga leŋ lipɔln Waadichal pu pu na le na. Bijab bi bi tak ki na aayidam teen ke, “Luun nimi aapiin man. Gor nimi aajaak aapen man.

Jeremia 51:27

“Tii limɔkl ke bi ti tak. Pii ukpiin ki cha ŋitimbol ŋun. Gor ŋitimbol ngbaan ke ŋi ti to Babiloŋ butɔb. Bui Ararat, ni Minni, ni Askenas aanaan ni yaab ke bi ti tak. Ban uninkpel u ga loln bi pu nsan na. Cha itaan dan ke kitoonpaak na.

Jeremia 6:4

Bi ga bui ke, “Gor ki ti tak Jerusalem man. Gor man. Nwiin aakaasisik ni le ti ga ti tak ki;” le ki ga tee bui ke, “Ti taan sakpen a, nwiin ban mu lir la, le ijooboon moo fɔk cha.

Esekiel 38:17

Saabɔr le m nan len n‑yaayoonn na, ki cha maatutum, bi ye maabɔnabr ki nan bi Israel aatiŋ ni na moon, ke n‑yoonn choo le m ga nan cha unii ubaa tak Israel aatiŋ.” Dindaan Uwumbɔr le len kina.

Esekiel 38:7

Tuk u ke u di ubaa aamɔb gor waajab mɔmɔk.

Maika 3:5

Baabɔnabr bi gaal tipar na le ŋmann maanib ke nsuudoon bi bi chee, le ki faani binib bi kaa pa bi na ke butɔb choo. Uwumbɔr bui bibɔnabr ngbaan ke,

Hagai 2:7

M ga nyaŋ ŋitimbol mɔmɔk, ki joo ni ŋaawangol do, le liwangol ga gbiin Maadichal ni.

Sekaria 14:2

Uwumbɔr ga kuun ŋitimbol mɔmɔk nan kpaan, le ŋi tak Jerusalem. Bi ga nyaŋ kitiŋ ngbaan, le ki yoor ŋidichal ni tiwan mpɔɔn, ki chur bipiib mpɔɔn ki doon bi chee. Bi ga di binib ngbaan ligetekr libaa buen tinaagbiir ni, kitiyayaŋ ni, le ligetekr li gur na ga gaar kitiŋ ngbaan ni.

Sekaria 14:3

Le Uwumbɔr ga nya ki ti tak ŋitimbol ngbaan, ke waah nan ŋani pu n‑yaayoonn na.