Joel 3:8 - Uwumbɔr aagbaŋ

⁸ le ki cha binib di nijapɔtiib ni nibisatiib kooh tii Juda yaab; le bi mu di bi kooh tii Seba yaab bi bi dandar na. Min Uwumbɔr le len kina.

Joel 3:8 Iomraidhean Croise

Job Aagbaŋ 1:15

Libuul ngbaan ni le Seba yaab dan nan tak timi, ki sun i mɔmɔk. Bi ku saatutum mɔmɔk, min baanja le gur. Min baanja le san ŋmar ki dan m nan tuk si.”

Ilahn 72:10

Speenn aatiŋ, ni ŋidik pu aabɔrb ga tii u ipiin; Arabia ni Itiopia aatim aabɔrb ga joo ni ipiin.

Aisaya 60:14

Binib bi muk si na aajapɔtiib ga dan ki nan gbaan kitiŋ aanimbiin ni. Binib bimɔk nan lik seen si n‑yoonn mu jer na ga dan nan gbaan kitiŋ ki doon si. Bi ga yin si ke ‘Uwumbɔr aatiŋ’, ki ki yin si ke, ‘Sionn, Israel yaab Aawumbɔr u bi chain na aatiŋ’.

Jeremia 30:16

Tɔ, dandana ma kan, binib ga nae bi mɔmɔk nan nae nimi na, bi ga chur nimi aadim tinaagbiir di buen. Bi ga muk binib bi mɔmɔk nan muk nimi na, le ki gaa binib bi mɔmɔk nan gaal nimi aawan mpɔɔn na mu aawan mpɔɔn.

Jeremia 6:20

Ntafal aa bi tulalee aayon mu nyan ni Seba, aan bi joo nan tii mi na, kaa bi tulalee mam bi nyan ni dandar na ni. Maan gaa baapiin, ni kitork ki bi joo tii ni mi na.

Esekiel 23:42

Kinipaak ki aatafal aa bi nibaa ni na aafuuk ga fii, ki ye bijab bi nyan ni nteersakpiin ni na aafuuk. Bi ga di ibuenyaan ŋmaan bipiib ngbaan aaŋaal, ki di tibɔryikpupur chiŋ bi.

Esekiel 38:13

Seba aanib, ni Dedann aanib, ni Speenn aatim aawantiirb ga baa si ke, ‘Aa kuun saajab ki nan tak bi, ke ni yoor baawan mpɔɔn la aa? Aa ŋa nlandak ke aa kan tikunabr, ni salmaa, ni tiwakor, ni liwangol ki di nimina mɔmɔk buen la aa?’”

Ikaal 32:30

Ba ŋa unibaan nan ŋmaa nyaŋ bi binib lichur, aan binib bilee ŋmaa nyaŋ bi binib ŋichur kipiik? Bidindaan Uwumbɔr le nan yii bi, Baawumbɔr u ye Mpɔɔnsakpiindaan na le nan di bi tii baadim.

Bibɔjirb 2:14

Kina pu le Uwumbɔr aaŋuul nan fii Israel yaab pu sakpen, le u cha bijab gur looni bi ki su baawan. U nan cha bidim bi mɔmɔk mann goln bi ki ti ton na nyaŋ bi, le Israel yaab aa nan ki ŋmaa kiir bibaa.

Bibɔjirb 4:2

Kina pu le Uwumbɔr nan cha Kanaann Aabɔr Jabinn u nan bi Hasor aatiŋ ni na nyaŋ bi. Waajab aaninkpel le nan ye Sisera u nan koo Harosef Hagoyim aatiŋ ni na.

Bibɔjirb 4:9

Le u gar ke, “Kina kan, ni ŋan, m ga dii si buen, aa mu aan tee kan kipak kibaa linyaŋ ngbaan pu, ba pu? Uwumbɔr ga di Sisera ŋa upii aaŋaal ni la.” Le Debora ni Barak di siir tɔŋ Kedes.