Joel 3:16 - Uwumbɔr aagbaŋ

¹⁶ Uwumbɔr tar ke uchinn na Sionn aajool pu; uneel nyan ni Jerusalem aatiŋ ni, ke utaal aah tar pu na; le kitiŋ ni kitaapaak jii. U mu tee ga li kii waanib.

Joel 3:16 Iomraidhean Croise

Ilahn 18:2

Uwumbɔr le ye maakikiir; uma le ye maadiik ki pɔɔ na. Maawumbɔr le ye u kii mi na, le m yaa bi u chee kan, m ŋmar. U kii mi ke kijaak aapeln na la; u kii mi le m bi ŋŋmarm ni.

Ilahn 29:11

Uwumbɔr le tii waanib mpɔɔn, ki ŋani tinyoor ŋani bi pu, ki tii bi nsuudoon.

Ilahn 61:3

ba pu? sin le ye u kii mi na, ki ye u pɔɔ ki kii mi maadim chee na.

Ŋiyataŋak 18:10

Uwumbɔr naahn lidichal li bi maa aan li pɔɔ ki fɔk na la, nima chee le binib bi aabimbin ŋan na ga buen ki ti kan ŋŋmarm.

Aisaya 33:16

Nima kan ni ga ŋmar; ni ga fuur ke naah bi lijool li pɔɔ ki fɔk na paab le na. Ni ga li kpa tijikaar ni ji, ki kpa nnyun mu ni nyu.

Aisaya 33:21

Uwumbɔr ga mɔk timi waah kpa kipak sakpen pu na. Ti ga li bi ŋimɔɔ ni ikpen i waa na chee la, le iŋɔi i ye bidim aaŋɔi na aan koo ni nima chee.

Aisaya 42:13

Uwumbɔr ga jan ke upobidaan na; u gor ki jek ban butɔb la. U faa nkuun, nkuun mu ye butɔb aakuun na, u mɔk waadim waapɔɔn.

Aisaya 51:16

Min le daa taln kitaapaak, le ki baan kitiŋ aatinyik; le m bui Jerusalem yaab ke, ‘Nimi le ye maanib. M tii nimi maamɔkm, le ki joo ŋŋaal kii nimi.’”

Jeremia 16:19

Uwumbɔr, sin le kii mi ki tii mi mpɔɔn; aa ter mi tibɔr aayoonn. Ŋitimbol ga nya kitiŋ aanaanmɔk ki nan bui ke, “Tiyaajatiib nan kpa ŋiwaa baanja la, bi nan kpa ŋiwaa ŋi bi fam na baanja la.

Jeremia 17:17

Taa cha m li san si ijawaan; tibɔr yaa fuu ni kan, aa chee le m bɔrni.

Esekiel 38:19

Maaŋuul ngbaan ponn ni chob, le m ga cha kitiŋ dam ki puu Israel aatiŋ ni, ki li pɔɔ pam.

Hosea 11:10

“M yaa nan ŋuun baadim pu ke uchinn na kan, maanib ga dii mi. Bi ga nya liwilir wɔb ki dan m chee mala.

Amos 1:2

Le Amos len ke, “Uwumbɔr ŋuun ni Sionn Aajool paab ke uchinn na; uneel tar mpɔɔn pu ke utaal le aah gbeer na, ki nyan ni Jerusalem aatiŋ ni. Inaa aah ŋmɔ timoor nin chee na mɔmɔk kuur a, le Kamel Aajool paab kuur ki mann ke lipeel aamoor na.”

Amos 3:8

Uchinn yaa ŋuun kan, ijawaan chur binib mɔmɔk la. Tidindaan Uwumbɔr yaa len tibɔr kan, ŋma bi kaan nabr ti tii biken?

Nahum 1:7

Uwumbɔr ŋan; waanib yaa bi tibɔr ni kan, u kii bi; le ki lik binib bi fenn buen u chee ki ban nterm na pu.

Hagai 2:6

“Naan ki yunn le m ga dam paacham, ni taab, ni kitiŋ, ni nnyusakpem.

Hagai 2:7

M ga nyaŋ ŋitimbol mɔmɔk, ki joo ni ŋaawangol do, le liwangol ga gbiin Maadichal ni.

Sekaria 10:12

M ga tii maanib mpɔɔn; bi ga kii maamɔb ki li dooni mi.” Uwumbɔr le len kina.

Sekaria 10:6

M ga tii Juda aanib mpɔɔn; m ga gaa Israel aanib lii. M ga san bi kinimbaak, ki giin ni bi mɔmɔk linampal. Bi ga li bi ke maah kaa kee yii bi daalbaadaal le na. Min le ye Bidindaan Uwumbɔr; m ga kii baameel.

Sekaria 9:12

Nimi binaagbiib bi bi kitiyayaŋ ni na, ni kpa limakl dandana wee la; gir ni man, gir ni nin chee kpa lifuur na man. M tuk nimi la, m ga gir pa nimi tinyoor nfum mulee ki jer naah nan jin falaa pu na.

Hiibru Yaab 12:26

N‑yaayoonn na waaneel nan cha kitiŋ deŋ. Dandana wee u puu tipuur ke u ga ki cha kitiŋ ni paacham mɔk deŋ.

Tibɔkpiirkaan 11:13

N‑yoonn ngbaan le kitiŋ deŋ pam. Le kitisakpeŋ ngbaan aadir ligeln kipiik lir kitiŋ. Kitiŋ aah deŋ pu na le ni ku binib ŋichur ŋilole. Binib bi gur kaa kpo na, ijawaan chuu bi sakpen, le bi nyuŋ Uwumbɔr u bi paacham na.

Tibɔkpiirkaan 11:19

Tɔ, le bi chuu piir Uwumbɔr aadiik ki bi paacham na. Le m kan Uwumbɔr aakaal aadakaa si waadiik ponn ni. Le utaal moor, le kifuuk faa, le utaal tar, le kitiŋ deŋ, le utaal nu ŋitaatakpabil sakpiin.

Tibɔkpiirkaan 16:18

Le utaal moor, kifuuk mu faa, le utaal teen, le kitiŋ deŋ sakpen ki ti nyaŋ. Uwumbɔr aah nan naan binib buyoonn na, kitiŋ aa nan deŋ sakpen ke kaah deŋ n‑yoonn ngbaan sakpen pu na.

1 Samuel 15:29

Israel yaab Aawumbɔr u ye Ubɔrkpaan na aa mɔnn inyamɔn, kaa kpeln waalandak. Waa ye unibɔn, waan kpeln waalandak.”