Joel 3:12 - Uwumbɔr aagbaŋ

¹² “Ŋitimbol mɔmɔk, gor nibaa, ki dan Libɔjil Aafataŋ ni, nin chee Uwumbɔr ga ji binib tibɔr na. Le min Uwumbɔr ga kal ki ji ŋitimbol ŋimɔk mann goln na tibɔr.

Joel 3:12 Iomraidhean Croise

2 Bibɔrb Aabɔr 20:26

Winaa daal le bi nan ti kuun kal Beraka Aafataŋ ni, ki doon Uwumbɔr waah ŋa tiwan ni mɔmɔk tii bi na pu. Nima pu le bi yin kifataŋ ngbaan ke Beraka.

Ilahn 7:6

Uwumbɔr, di saaŋuul fii sil. Fii sil ki teŋ maadim aaŋuul; fiin aabaa paacham ki ter mi. Saah ban tiwan ni na le ye ibamɔn,

Ilahn 98:9

ba pu? u choo ke u nan joo dulnyaa la; u ga di mbimbinyaan ni ibamɔn le joo dulnyaa aanib.

Aisaya 2:4

U ga len ŋinibokpaan aabɔr, le bi ga di baajaak aajum mɔɔ ŋikuu, ki di baakpaatunn mɔɔ gɔrk tiib. Ŋinibol aan ki to tɔb butɔb, kaan ki gor bibaa kiir butɔb daalbaadaal.

Aisaya 22:1

Tibɔr timina ye kifataŋ ki ponn ni Uwumbɔr kpiir tiwan mɔk waanib na aabɔr la. Ni ye ba bi ŋani? Ba ŋa binib ngbaan mɔmɔk bi ji njim baadichal aapaacham.

Aisaya 3:13

Uwumbɔr gor ke u piin waabɔr, u gor ke u ji waanib tibɔr.

Esekiel 30:3

Nwiin mundaal Uwumbɔr ga fii sil na duun ni a, mu ga li ye ntaalangbam ni tibɔbir aawiin le ki tii ŋitimbol.

Esekiel 39:11

Uwumbɔr nan ki bui ke, “Nimina mɔmɔk yaa nan ŋa kan, m ga tii Ubɔr Gog kicheek Israel aatiŋ ni, nin chee bi yin ke Bisachum Aafataŋ, ki bi N‑yaan Aanyusakpem aawipuul wɔb na ni. Bi ga sub Gog ni waatɔb aajab mɔmɔk nima chee la, le bi ga li yin kifataŋ ngbaan ke, ‘Gog Aajab Aafataŋ.’

Joel 3:14

Binib ŋichur ŋichur le gbii Libɔjil Aafataŋ ngbaan ni. Nima chee le Uwumbɔr aawiin ngbaan ga gbeen fuu ni mala.

Joel 3:2

le ki kuun ŋitimbol mɔmɔk ki nan ji ŋi tibɔr Libɔjil Aafataŋ ni. Baah tun maanib pu na le m ga ji bi tibɔr. Bi jenn yaa Israel yaab koon ntiyayam ponn ni, le ki chuu yakr maatiŋ Israel ngbaan.

Maika 4:3

U ga toor ŋitimbol pam aabɔr; ki toor ŋitimbokpaan ŋi bi duun u na, ni ŋi bi ni daa na aabɔr. Bi ga di baajaak aajum mɔɔ ŋikuu ki di baakpaatunn mɔɔ gɔrk tiib. Ŋitimbol aan ki to tɔb butɔb, kaan ki gor bibaa kiir butɔb daalbaadaal.

Sekaria 14:4

N‑yoonn ngbaan kan, u ga ti li si Olif Aasui Aajool li bi Jerusalem aawipuul wɔb na pu la. Le Olif Aasui Aajool ngbaan ga bool nfum mulee, le kifataŋ sakpeŋ doon kaasisik ni, ki nya liwipuul ki ti saa liwilir. Libool libaa ga di toŋ ŋŋangan wɔb, le liken na di toŋ ŋŋangii wɔb.

Tibɔkpiirkaan 19:11

Le m kan kitaapaak chuu piir, ki kan utapiin. U dik u pu na aayimbil le ye ke, “Mbamɔndaanyaan.” U yaa ji binib tibɔr kan, u tii bi baabamɔn, ki mu dii nsanyaan ki ti to butɔb.