Joel 2:3 - Uwumbɔr aagbaŋ

³ I ŋmɔ tijikaar mɔmɔk ke mmii le aah gaal na. Aa yaa lik imɔi wɔb kan, ni naahn Edenn aasaak na la, le aa yaa lik ipuwɔb kan, ni naahn nteersakpiin pu la. Nibaa aan ŋmaa bɔr aan yaan kan ni.

Joel 2:3 Iomraidhean Croise

Mpiin 13:10

Lot nan lik mann gonn, le ki kan ke Jɔɔdann aafataŋ wɔb, ki ti saa Soar aapepel, kpa nnyun sakpen, ke Uwumbɔr aasaak, ni Ijipt aatiŋ na. Nimina mɔmɔk nan laa bi le Uwumbɔr nan nin bii Sodom ni Gomora aatim.

Mpiin 2:8

Uwumbɔr nan ŋa isui i lu ŋisubil na aasaak, liwipuul wɔb, Edenn aatiŋ ni, le ki di waah naan uja u na ŋa ki ponn ni.

Ilahn 50:3

Timi Aawumbɔr choo, le kifuuk dii u; mmii mu gaal mpɔɔn pu na le loln u pu nsan, le libuln li pɔɔ sakpen na mann goln u.

Ilahn 97:3

Mmii le lolni u pu nsan le ki wu waadim bi mann goln u na.

Nnyam 10:15

I nan lir gbiin kitiŋ ni, le kitiŋ ti bɔnn. I nan ŋman timoor ni tifar ti nan gur na, ki kpee ŋisubil ŋi nan baa isui pu na. Timosɔnn ni tifasɔnn tibaa aa nan ki gur Ijipt aatiŋ ngbaan ni.

Nnyam 10:5

I ga li wiir sakpen a, le ki ga ŋmɔ tiwan ni mɔmɔk ŋitaatakpal aa nan bii na, ni isui mɔmɔk mu, ki biin kitiŋ mɔmɔk pu.

Aisaya 14:17

Uja wee le aa nan bii ntikpaam ki labr dulnyaa di ŋa nteersakpiin nin chee nibaa aan ŋmaa punn na aa? Naa ye uja umina le aa nan kii ke waanaagbiib kun bido na aa?

Aisaya 15:6

Nnyun mu nan bi Nimrim aabun ni na foor a, timoor ti si mbun aagbaan na mɔmɔk yɔl a, le tiwasɔnn nibaa aa gur ki si.

Aisaya 33:4

Le ti san ti gaa baawangol.

Aisaya 51:3

M ga san Jerusalem yaab kinimbaak, ni bimɔk koo kaalangbenn ni na. Kitiŋ ngbaan gur ye nteer la, le m ga ŋa ki tikpin aasaak; ki ga li naahn maah nan ŋa ki Edenn ni na la. Mpopiin ni mmɔɔn ŋmeen le ga li bi ki ni, le bi ga li gaa kipak ni idoon aalahn ki pak mi.

Aisaya 9:18

Binib ngbaan aatunwanbir bii tiwan ke mmii aah wu ikokon ni ŋinaabukar pu na la. Baatunwanbir bii tiwan ke kichook ni aamii aaŋmanyuu na la.

Aisaya 9:19

Uwumbɔr Mpɔɔnsakpiindaan aaŋuul aah fii na, waatafadaan ngbaan ga bii tiwan ni binib mɔmɔk ke mmii aah wu bii tiwan pu na la. N‑yoonn ngbaan kan, ubaa aan ki li nyi uŋeen aatɔ aabɔr.

Jeremia 5:17

Bi ga di nimi aajikaar ni njikaabim nab; bi ga ku nijapɔtiib ni nibisatiib. Bi ga nan kɔr nimi aawakor mɔmɔk, ki kuln nimi aasubil aasui mu. Baajab ga nan ber naah maa ŋigon kiir ntim mu ki mak mu pu na mɔmɔk.

Esekiel 36:35

Unii mɔmɔk ga len kitiŋ ki nan ye kipɔɔk sakpeŋ na aah kpaln tisar ke Edenn aatiŋ aasaak na, ki len ntim mu binib nan ber, ki yoor mu aawan ki cha mu tilangbenn na aah gur ye binib ŋmeen ki pɔɔk na aabɔr.

Amos 7:4

Tidindaan Uwumbɔr le nan ki kpiir tiwan nimina mu mɔk mi tidaŋ ponn ni. Tidaŋ timina ponn ni m nan kan ke u gor ubaa ke u di mmii daa waanib aatafal. Mmii ngbaan nan cha nnyusakpem mu dɔ kitiŋ kee aataab na foor, ki piin ki bi wu kitiŋ mu.

Habakuk 1:6

M ban ke m di mpɔɔn ŋa Babiloŋ aanib bi kpa mbiin kaa san nibaa na aaŋaal ni la. Bi chuun dulnyaa wee mɔmɔk ni ki ban ntim ke bi nyaŋ ki gaa mu la.

Sekaria 7:14

M nan ŋar bi ŋŋaan ke kitaabuŋ na ke bi ti li koo ntiyayam ni. Kitinyaan kimina nan kpaln nkuun, le ubaa aa ki bi ki pu.”